Download audio file (angschtaschrecken92.mp3)

mp3 download Angscht a Schrecken beim Versuch „just kuerz“ eppes anzekaafen

En groen Samsdennometten Ufank März 2009. Ech stinn zu E. Op der Gare an sinn am Begreff, d’Traapen fir d’Unterführung erof ze goen, fir op deen aaneren Quai ze goen.
Just an dem Anblack gesinn ech eng Koppel. D’Meedschen huet Rasta. Ech bleiwen en Brochdeel vun enger Sekonn erféiert stoen, well ech mengen, et wier eng Bekannt vun mir, mee nee, d’Gesiicht ass ganz anescht an ech ginn jo d’Traapen roof an well main Zuch net verpassen, also ginn ech wéider, probéiren esou séier wéi meiglech duerch d’Unterführung ze kommen.

Uwen passéiert et mir dann fir déi aller eischten Kéier an mengem Liewen, daat ech färten, ech hätt halluzinéiert. Keng Spuer vun der Koppel. Main Bleck geht op den aaneren Quai vun der Gare vun E., dohinner, vun wou ech lo graad komm sinn. Ech gesinn keng Koppel. Keng Persoun mat Rasta. Angscht a Schrecken maachen sech breed.
Gesinn ech Männerscher? Ass et elo esou wait? Sinn ech lo komplett duerchgedreint?
Nee. An der entgeintgesaater Richtung, hannert dem Douanesgebai vun E. Geht d’Koppel, Aarm an Aarm. Wahrscheinlech wellen se irgendwelch illegal Drogen konsuméiren.
Ech sinn awer nach net komplett duerchgedreint. Mee et fehlt wahrscheinlech net méi vill. Angscht a Schrecken regéiren den Grand-Duché.

Reckblend: Eng Woch méi fréih. Daat selwescht, emmer groot Wierder an E., dem zweet deifsten Punkt vum Land, en dreckegt Lach iwert deem 300 Deeg am Joer eng dicht Wolekendecken lait, déi vun ennen ausgesait wéi den Deckel vun enger Schungkescht. An genee esou fillt en sech och. Wéi den Bewunner vun enger Schungkescht.

Ech haat daat dringend Bedürfniss no Schokola ass soss Seissegkeeten. Ech hunn zwar en Faible fir Seissegkeeten, mee seelen ass den Drang durno esou staark, daat ech effektiv direkt an den Buttek laafen fir mer es ze kaafen. Mee et ginn Geleegenheeten, do ass den Drang durno immens staark. Also duercht ech mir, gees de just kuerz e bessen Schokola ankaafen, den Buttek ass jo net wait.

Fréiher huet daat Geschäft Monopol geheescht an haat drai Stäck an et kruut en vun der Kuuscht iwert den Knapp bis hin zur Krokodilsliedertäsch esou ziemlech alles, waat een wollt. Daat ass iwerhaat esou eng Saach. Ech sinn jo an der Zait just virun an just nom Enn vum kaalen Krich grous ginn an deemols haaten d’Geschäfter zu Lëtzebuerg nach esou Nimm wéi Monopol oder Consum. Wahrscheinlech, daat och keen drun zweifelen konnt, daat déi Geschäfter zu 100% profitorientéiert kapitalistesch Gesellschaften waaren an een net den kommunisteschen Feind ennersetzt huet, wann een do eng Fläsch Wodka kaaft huet.

Samsdes nomettes an en Supermarché ze goen ass jo meeschtens eng domm Idee. Mee daat lei ass eischter en klengen Supermarché, wou sech net vill Leit Samsdes Nomettes fir den Recht vun der Woch andecken an sech dobai esou verhaalen, wéi wann d’Geschäfter Méindes net méi géifen opgoen an wéi wann eng Hongernout befir steht.
An an desen Zaiten hunn se vlaischt esouguer Recht. Et ass vlaischt méi gescheid, seng ganz Pei an Bechsenfudder emzewandlen wéi se op der Bank ze lossen. D’Bechsen sinn an engem Joer och nach iessbar, mat denen Souen kann een dann wahrscheinlech esou just nach d’Kautioun fir den Akaafsweenschen bezuehlen.

Iwerhaat, Banken. Eng vun denen drai Banken, op denen ech meng bescheiden Besetztümer verdeelt hunn, huet mir en Breif gescheckt mat den néien Zensen. 1% kréien ech nach. Ech géif méi Zensen kréien, wann ech meng Euroen géif an Neuseeländesch Kiwidollaren emtauschen. Ass daat net verreckt? Villaischt investéiert een elo am beschten an Kiwien an der Bechs. Déi sinn an engem Joer vlaischt esouvill wärt wéi hiert Gewiicht an Gold oder Wolframcarbit.

Ech hunn also probéiert mech duerch deen Supermarché ze drecken an irgendwéi main Wee an den Rayon mam Schokola ze erkämpfen. Daat ass guer net esou einfach. Well Supermarchéen sinn, an daat wessen mir alleguerten speistens sait se eis et all gudden Mound eng Kéier an enger „spannender an informativer“ Reportage um daitschen Privatfernsehen gewissen hunn, strategesch esou opgebaut, daat en meiglechst vill Zait dran verbrengt an all meiglechen Kreemschen keeft, deen en guer net kaafen wollt.
Een Beispill fir déi Taktik sinn déi kleng Artikelen wéi Dreppen oder Kamellen an den Keesen selwer. Déi sinn jo besonnesch dofir geduercht, fir d’Kanner ze lackelen, déi dann hier Eltren esou laang nerven, bis se endlech Seissegkeeten – fir d’Kanner ze berouegen, an eng Drepp – fir sech selwer ze berouegen, kaafen.

Ausserdem stinn an esou engem Supermarché eng ganz Retsch vun Obstakelen. Sief daat Akfaafswennerscher vun Leit, déi wahrscheinlech irgendwou enner engem Stouss Kiwidousen verschott sinn an déi lo op den heldenhaften Ansaatz vun den Rettungshenn waarden oder aal Leit, déi sech am Zaitlupentempo duerch den Supermarché bewegen. Heinsdo huet een d’Gefill, et wier een duerch Zoufall an der Zait gereest an wier bei den Dreiarbeschten vun „Matrix 12“ dobai, wou den 80joeregen Kenau Reeves immens Käschten fir Computeranimatiounen spuert, well hien sech fir déi esougenannten „Bullet Time“ einfach normal beweegt.

Irgendwann stoung ech dunn awer am Rayon mam Schokela. (Den Rescht tippen ech demnächst eng Kéier oof, sorry!)

Download audio file (angschtaschrecken65.mp3)
mp3 download Angscht a Schrecken op enger gonzojournalistescher Missioun op engem ganz normalen Nometten

Et huet alles domadder ungefaangen, daat ech, wéi esou oft, op den Zuch gewaard hun. An nach méi: Ech hun op zwou Persounnen gewaard, déi mat mir sollten den Zuch huelen, fir eng Aart Flucht aus enger Stadt ze maachen, an der ziemlech vill Verreckter liewen.

Am leschten Moment sin déi zwou méi oder manner luguber Gestalten opgetaucht an sin quasi an den schon fuerenden Zuch gesprongen. Bei dem leschten Saatz huet et sech em eng Iwerdreiwung gehandelt. Wéi mir alleguerten wessen, gin et am Lëtzebuerg vum 21. Johrhonnert baal keng Zich méi, déi et technesch erlaaben, mat oppenen Dieren ze fueren, wou nach een kéint eransprangen. Wann ech soen „baal keng méi“, dann mengen ech domadder, daat ech nach virun e puer Wochen esou eng Situatioun erliewt hun. Do ass awer zu menger Entäuschung keen erangesprongen.

Allerdengs souz ech deemols bei der Zuchfahrt onglecklecherweis nirwt engem Trupp vun puberteirenden Mederscher, déi sech ziemlech haard ennerhaalen hun. Et ass mir onméiglech, och nemmen en Thema vun hirer Diskusioun eremzegin, déi anscheinend just dorauser bestaanen huet, déi jeweileg aaner Persoun als blöd ze bezeechnen an sech geigensaiteg d’Schong ze klauen an domadder ze scheissen. Angscht a Schrecken sin do ziemlech grous gin, allerdengs gouf et net wirklech eng Storyline, dofir hun ech keng Folg draus gemaach, mee just en Flashback, den dir elo graad héiren hudd.

Also souz ech mat enger Persoun, déi vun verschiddenen Leit fir en Elvis-Imitator gehaalen ged, obwuehl seng Frisur ganz kloer déi vum Johnny Cash ass, an engem Fotograph, mat dem ech wahrscheinlech irgendwann eng Kéier eng Web 2.0-Websait wärt opmaachen, déi dann 6 Méint drop endweder Fa-ite geht oder vun Google opkaaft ged, am Zuch an mir hun doriwer sinnéiert, wou eis Missioun eis wuehl geif hinféiren. Et waar en sonnegen Nometten, mir waaren midd an haaten net vill Loscht, irgendeppes aktives ze maachen.

Tennis an Minigolf sin also schon mol ausgefall. Mir hun eischter fir irgendeng düster Spelunk mat deifen Kanapéen optéiert, wou mir eis et kéinten den ganzen Nometten gemittlech maachen.
Eis sin spontan just zwou esou Plaatzen angefall, an déi waaren allen zwou am Gronn.

Et sollt also schon erem eng Kéier an daat Lach ennert der Staadt, an dem schon immens vill Leit emkomm oder oder manst voll gin sinn. En Höllenschlund, an dem sech net nemmen d’Haaptquartéier vun dem berühmt-berüchtegen Kenschtlerprojet „Flash007“ befennt, mee och eng Hellewull vun aaneren geféierlechen Plaatzen, déi en leiwer net ze no well kucken.

Op alle Fall ass den Zuch dunn no villen Zweschenstopps bei irgendwelchen Koudirfer, déi eigentlech keen Mensch well besichen, et sief dann, et gin do furchtbaar wichteg gonzojournalistesch Missiounen, der Staadt, eisem virleefegen Ziel, méi no komm.

De Fotograph, mat dem ech wahrscheinlech irgendwann eng Kéier eng Web 2.0-Websait wärt opmaachen, déi dann 6 Méint drop endweder Fa-ite geht oder vun Google opkaaft ged, huet gemengt, et wier besser gewierscht, den Schnellzuch ze huelen. Dozou ass folgendes ze soen: Op den Schnellzuch hätten mir eng Veirelstonn méi laang waarden missen an mir wieren 5 Minuten méi speit do gewierscht. Dofir hätten mir awer den Rausch vun der Vitesse gehaat.
Ech wees allerdengs net, ob den emmer esou vill Wert ass. Virun allem dann, wann een eng veirel Stonn huet missen drop waarden.
Ech haat meng GONZO-Poscht dobai, waat fir mech emmer en gudd Gefill ass. Un sech ass meng GONZO-Posch eng Posch déi en fir ziemlech bellegt Geld an engem schwedschen Miwelhaus an Restaurant kritt, an dem en Buch dran ass, am beschten natirlech engt vun mengem perséinlechen Held, Virbild an geeschtegen Papp Hunter S. Thompson, ausserdem eng Schachtel mat enger Dozend Schreiwutensilien an mengem Notizenheft, an dem ech oft meng gonzojournalistesch Beobachtungen dran kritzelen, fir se net duerch ze vill Angscht ze verléiren.

No engem kuerzen Spazéiergang iwert d’Gare hun mir eis iwerluecht, déi néiarteg an modern Vel-OHen auszeprobéiren. Nodeems ech awer erem eng Kéier festgestallt hun, daat et eischtens kascht an et an der Staadt net wirklech vill Velosweer gin, virun allem dann net, wann en eigentlech an de Gronn well, hun mir daat sin geloss. Zu Fouß ass en jo och meeschtens ganz gudd ennerwee.

Am Gronn unkomm, hun ech mech kuerz missen un den schrecklechen Wenzelspfad an der Prinzessin hier Schung missen erenneren. (cf. Episode 58) Ech wosst allerdengs net wirklech, waat ech mat der Informatioun sollt ufänken. Keen normalen Mensch denkt un engem sonnegen Nometten am Gronn un d’Schung vun der Prinzessin.

Mir hun eis entgeint eisen Grondsätz einfach mol op d’Terasse gesaat an hun op de Service gewaard, den dann och e bessen op sech waarden geloss huet.

No enger Zait haat dann awer eng wahrscheinlech relativ néi Persoun entdeckt, daat mir geifen do setzen an nach naischt ze drenken hätten, sou daat mir gefroot gin sin, waat mir weilten.
Mir hun eppes net extrem seelenes bestallt. No enger Zait sin mir dun gefroot gin, op grous oder kleng. Mir hun, well d’Hetzt den Duuscht net graad verklengert huet, no engem groussen Glas gefroot. No ongeféiher 5 weideren Minuten kruuten mir gesoot, daat bestallten Gedrenks wier net op Lager an mir sollten dach eppes aaneres bestellen.

Also hun mir eis Cider bestallt. Wéi allgemeng hoffentlech bekannt ass, schmaacht Cider no Esseg, virun allem wann en es vill drenkt. Ech haat en esou en owend, wou ech vill ze vill Cider gedronk hun. Um Schluss vun dem Owend haat ech dun d’Gefill, ech geiw puren Esseg an mech eranschedden. Vlaischt louch daat awer och den Bar, an der ech deemols waar. Ech haat do nämlech och schon eng Kéier Wäschbenzin ze drenken kritt (cf. Episode 6).

Eigentlech wollten mir och nach Darts spillen, well daat en Spill ass, bei dem drenken kann an well den Fotograph, mat dem ech wahrscheinlech irgendwann eng Kéier eng Web 2.0-Websait wärt opmaachen, déi dann 6 Méint drop endweder Fa-ite geht oder vun Google opkaaft ged, ziemlech professionell Darts spillen kann. Allerdengs stoung virun der Schweiw en ganzen Trupp vun verreckten an haard jaizenden Leit, denen mir leiwer net ze no kommen wollten. Bah, ech op manst net, mee ech sin jo och meeschtens eng ziemlech friedliebend Persounen an kommen net gären an Konflikt mat aaneren Leit, wann et net onbedengt muss sin.

Mir hun eis also an déi gemitterlech Fotellen plumpsen geloss an hun eis alleguerten nach en Mini bestallt, deen vill méi séier komm ass wéi bei dem Gedrenks virdrun den Service. Angscht a Schrecken hun et sech ebenfall gemitterlech gemaach. Ech hun mir zwou Froen gestallt: Geif ech et je nach eng Kéier packen, aus denen ultra-gemitterlechen Fotellen opstoen ze kennen? An waat waar mat den Schong vun der Prinzessin?

Relativ spontan hun mir eis entschloss, eisem Openthalt an der Bar, déi iwregens wéi en nordbrittescht Vollekt heescht an an déi ech eigentlech net méi wirklech eran wollt, obwuehl se am Nometten awer immens angenehm ass, en Enn ze setzen.

Déi Persoun, déi ech elo emmer als Fotograph bezeechent hun, huet sech dobaussen an Richtung Clausen gedréint an gemengt: Ech gin dann elo!
Mir haaten eis leiw Méih, him ze erklären, wou et geif hin goen an daat et fir hien vill méi einfach wier, den Lift ze huelen.
Emmer, wann irgendeen am Gronn seet „Ech huelen de Lift“, wees all Mensch, waat gemengt ass.

Ech hun un sech naischt geint Lifter, an trotzdem, den Lift vir an de Gronn hun ech net besonnesch gären. Vlaischt lait et dorunner, daat ech eng Kéier d’Traapen wollt huelen an net wirklech do raus komm sin, wou ech wollt, mee vlaischt ass et och, well ech einfach net gären matzen am Gestengs geif stirchen bleiwen. Besonnesch net mat engem Trupp vun japaneschen Touristen, déi wameiglech och nach Fotoen geifen vum Gestengs maachen oder sech iwert déi schéin Attraktioun freen geifen.

Angscht a Schrecken sin méi grous gin. Op aaler oder néier Breck, ech verhaalen nie, waat fir eng wéi eng ass, wollten mir laanscht en Trupp Kanner. Daat ass awer méi einfach gesoot wéi gemaach, well Kanner hun hier ganz eegen Bewegungsphysik, déi en net méi versteht, wann en iwer 1 Meter 50 grous ass. Ausserdem huet e Kand rof gekuckt an geruff „Daat do sin jo e puer Dausend Meter!“

Op dem Wee fir op d’Gare sin eis en ganzen Trupp vun luschen Persounen entgeint komm. Opgetakelt Teenager mat Glitzerschmink, ausgemergelt Drogenverreckter mat starrem Bleck, Leit mat Kannerkutschen an Motorradfuerer mat Mannerwertegkeetskomplexer, déi op der rouder Luucht esou haard mat hirer Maschin gespillt hun, daat en net aanescht konnt, wéi op sie kucken.
Angscht a Schrecken haaten mech. Wou sin all déi Verreckter a be mol hir komm? Waat daat léi net einfach en ganzen normalen Nometten? Wiesou huet déi ganz Welt op een mol esou gemaach, wéi wann se op engem kollektiven Drogentip wier, vun dem ech naischt mat kritt haat?

Daat enzegt, waat elo nach bliwen ass, waar d’Flucht. D’Flucht an engem vill ze vill vollen Zuch.

Download audio file (angschtaschrecken51.mp3)
mp3 download Angscht a Schrecken an der prekärer Situatioun, seng Ried vergiess ze hun

Download audio file (angschtaschrecken48.mp3)
mp3 download Angscht a Schrecken op engem ganz normalen Samsdesnometten

Zum Beispill kann en op Versammlungen goen an sech mat Leit treffen, déi en soss net kann gesin, well en soss keng Zait huet. Well een irgendwelchen ultra-wichtegen gonzojournalisteschen Tätegkeeten muss nogoen.

Samsdes nomettes ass fir vill leit den idealen Zaitpunkt, fir Fernseh ze kucken. Do gin et dann „Wochenzusammenfassungen“ vun Seefenoperen an Wiederhuelungen vun all denen Serien, déi en während der Woch verpasst huet. Daat ass relativ gemittlech, an sou bleiwt en gären virun der Flimmerkescht setzen an et vertrendelt een den Daag, ob dem en eigentlech alles kéint maachen. Dann gin et och Leit, déi Samsdes nomettes akaafen gin.
Falls et irgendeen Zaitpunkt ged, den wirklech ongeschteg ass, fir akaafen ze goen, dann ass daat den Samsden nometten. Do gesait et an den Supermarchéen nämlech esou aus, wéi wann all Moment eng Hongersnout, en thermonuklearen Kirch, en Tsunami an en Popstbesuch iwert eis eranbriechen geif. Op gudd letztebuergesch: D’geht keen Meter virun.

Ech haat allerdengs net fir, mech an en Supermarché ze stirzen oder op der Kusch ze leien. Ech wollt op eng Versammlung goen, fir Leit ze treffen, déi ech soss net konnt gesin, well ech meng Zait soss mat ultra-wichtegen gonzojournalistescheschen Tätegekeeten verbrengen.

Dofir hun ech missen en vun mengem Lieblingstransportmettelen benotzen, also den Zuch. Ween Angscht a Schrecken vun Ufank un kennt, den wees, daat et bei den CFL emmer erem zu Angscht a Schrecken kennt. Ween daat net wees, den geht op www.joeladami.net an klickt op „fear and loathing“. Do fennt en dann eng Lescht mat allen Episoden, déi en sech kann unlauschteren.

Et soll iwregens Persounen gin, déi sech vun Zait zu Zait alleguerten d’Folgen vun A&S hannertneen unlauschteren. Ech geif daat net maachen. D’Welt ass esou schon schrecklech genuch. Ausserdem ass Ettelbreck net onbedengt déi flosste Stadt fir den permanente Wunnsetz.

Well et fir den weideren Verlaaf vun der Handlung wichteg ged, ech awer net wees, wéi ech et dramaturgesch besser anbauen kann: Mettes ass et Pizza ziessen gin. Geliwerter.

Op alle Fall sin ech an den Zuch geklommen, hun Musek gelauschtert, mir déi düster bis depressiv Hierschtlandschaft op engem kaalen, groen, Samsdesnometteg ugekuckt. Baal hun ech mir gewenscht, net am den Zuch, mee doheem an der waarmer Stuff ze setzen an d’Wiederhuelungen vun all denen Serien ze kucken, déi ech an der Woch emmer verpassen – net, well ech keng Zait hun, mee well se mech keen Pond interesséieren.

Irgendwann ass en Trupp vun Jugendlechen an den Zuch geklommen. Ech hun sie op den Alter vun 7e geschaat. Et waaren baal nemmen Mederscher, déi e bessi no der grasséierender „Emo“-Well ausgesin hun. Awer irgendwou och bessi esou, wéi wann se sech net richteg entscheeden keinten, ob elo se elo Emo, Hiphop oder irgendeng aaner Subkultur imitéiren weilten.
Angscht a Schrecken waaren also quasi mat erangeklommen.

Daat ass jo daat, waat mech un denen ganzen Trends verwirrt. Also, net, daat Angscht a Schrecken mat 7emesschüleren an den Zuch klammen, mee eischter, daat herno alles vermescht ged an et net emol méi kritiséiren kann, well et just nach en Mix vun Stiler ass, den guer net beineen passt an trotzdem Popkultur ass.

Waat mech nach méi duerchneen gemaach huet, waar de Fakt, daat déi jonk Leit keng Plaatz fonnt hun. Sie sin laanscht mech getreppelt, irgendwann gemierkt, daat se keng frai Plaatzen fir 10 leit beieneen geifen fannen an sin erem no hannen gaangen. Mee amplaatz sech emzedreien sin se virdeischt mol nach wiederneen geknuppt an hun sech durno reicht lues a lues emgedreint, fir dann eng manner ideal Setzplaatzkonstellatioun ze sichen.
Wéi gesoot, Angscht a Schrecken souzen an desem Zuch.

Daat den ganzen Spektakel vun Geschnatters an Gekikkels ennermolt waar, muss ech wuehl net erwähnen. Vlaischt ass de Fakt, daat ech des Geraischer trotz haarder Musek aus mengem Mp3-Player heiren hun, awer erwähnenswert. An ech haat gemengt, eng Hord Drogenverreckter op Kaffifahrt wier eppes schlemmes.

Déi ganz Zuchfahrt iwert huet irgendeen op dem Setz vun irgendengem aanerem getrommelt. Daat huet net nemmen mech genervt, mee och déi betreffend Persoun, déi wahrscheinlech weiblech an matzen an der Pubertéit waar. Dementsprechend brutal ass dann och reagéiert gin. Ech waar frou, mir daat Blutbad net hun missen unzekucken. Ech hun main Mp3-Player nach méi haard gestallt an komesch, spheresch Musek gelauschtert, déi mech ganz duerchneneen gemaach huet.

Irgendwann ass den Zuch dun ukomm an ech sin weltentrückt duerch den Zuch getrollt. Virun an hannert mit subkulturverwirrt Kanner, déi ouni opzehaalen gekikkelt an gelaacht hun. Ech hun mech gefroot, waat et esou vill ze laachen geif gin. Waat waar un engem groen, nassen an kaalen Samsdesnometten esou witzeg? Oder hun sie den Zuch esou witzeg fonnt? Wann en déi eischter Keier ouni Eltren an d’Stadt fiert, fir do eng Glace ze kaafen oder an de Kino ze goen, fennt den daat vlaischt nach sou witzeg, daat en stänneg driwer laachen muss? Angscht a Schrecken haaten mech.

Ech hun mech un meng eischt Zuchfahrten ouni elterlesch Beleedung erennert. Ech haat en groussen Ökohellegenschain deemols, mee gekikkelt hun ech nie.

Wéi ech dunn aus dem Zuch geklommen sin, huet den waissen Quaisbuedem mech verblend. Ech waar nach emmer ganz duercherneen vun der sphärescher Musek, déi mech irgendwéi an eng aaner Dimensioun bruecht haat. Eng Dimensioun voller Angscht a Schrecken. Den Himmel iwer mir waar gro, wéi wann och hien aus Beton wier. An rondrem mech en Trupp vun 7emesschüleren, deen net opgehaalen huet mat Kikkelen an Jaizen.

Wiesou waar ech esou voller Angscht a Schrecken an si hun just gelaacht an gejaut?

Ech wosst, daat des Keier net mol d’Flucht geif hellefen. Wann en bis an der Midlife-Crisis ass, hellefen just nach Drogen.
Oder komesch Versammlungen, fir déi en soss keng Zait huet.

Download audio file (angschtaschrecken13web.mp3)
mp3 download Angscht a Schrecken mat engem Ökohellegenschain

Un sech misst den Radio ARA schon elleng doweinst een Ökohellegenschain kreien, well en am Gedrenksautomat an eisem Haaptquarteier Bio-Jus kaafen an durno drenken kann.
Et gin Gerüchter em, daat och Leit ouni Ökohellegenschain den Jus geifen drenken an deelweis esouguer süchteg wieren.

Déi eischte Keier wou een mir daat geziehlt huet, hun ech mir daat virgestallt. Virun mengem geeschtege Aan hun ech ofgewrackte Männer gesin, déi hiren Kaffi moies mat drai Leffelen Speed drenken an dann déi zeng Minuten bis op d’Arbescht mat enger Duerchschnettsvitesse vun 150 Kilometer an der Stonn op engem Motorrad zereckleen mat ziddrege Hänn bei den Automat trellen, den déi laangersehnten Drog an 25Mililiter-Dosen erausreckelt.
Bis ob een gewessenen Zaitpunkt, wou keng Fläsch méi am Automat ass.
Dann mussen d’Entzugserscheinungen immens schlemm sin. Ech gesin déi ofgewrackte Männer, déi dann 5 bis 6 Leffelen Speed am Kaffi brauchen, fir iwerhaat kennen opzestoen mat rouden Aan an ziddregen Been duerch en Supermarché laafen an no dem Jus Auschau haalen.
Sie wessen natirlech net, wou se den Jus sichen sollen, well sie jo normalerweis keen Ökohellegenschain hun.
Irgendwann ereeschen awer och sie wéi all Süchtegen d’Quell vun hirerem Verlaangen an kaafen sech direkt eng Litersfläsch.

Ech wees net, ob ech een Ökohellegenschain hun. Esou eppes gesait en jo net am Spiggel. Woubai daat och alt erem esou eng Saach ass, well zenter daat ech en néien Brell hun, kucken ech an den Spiggel an gesin en Friemen do. Ech maachen dem trotzdem de Baart.

Ech fueren awer ziemlech oft mam Zuch an mam Bus. Besonnesch am Zuch erliewt en des öfteren Angscht a Schrecken, an daat leit deelweis un den CFL, mee oft genuch och un den Passgeier, déi sech opfeiren wéi en Trupp Drogenfreaks op enger Kaffeefahrt.
Wahrscheinlech zidd en Zuch ofgewrackte Männer, déi hiren Haschtéi moies mat 3 Leffelen Heroin drenken, op eng magesch Aart an Weis un.
Sie mussen sech dann einfach dransetzen an wéi blöd doduerch laafen an irgendwelch obskur Parolen blären. Oder sie wellen jiddereen, deen hinnen iwert den Wee leeft, embrengen. Well Jesus oder soss irgendeen Öko-oder-net- Hellegen hiren Frend ass.

Am Zuch jaizt och eng méi oder manner frendlech Stemm all Arret aus. Oft mat enger Betounung, wéi wann et iwerhaat keen Zweck méi hätt, erauszeklammen, well an der betreffender Uertschaft graad eng Gasexplsioun alles Liewen zersteiert huet.

Daat ass och eng Ursach fir Angscht a Schrecken, mee keng esou schlemm wéi Drogenfreaks op der Kaffefahrt. Oder muss en bei esou Leit eischter Haschtéifahrt soen?

An engem Bus huet en als Ökohellegenschainbesetzer oft ganz aaner Problemer. Firdeischt muss en mol den richtegen Bus fannen, waat net emmer einfach ass, well virun dem richtegen Buss emmer ob manst nach een aaneren steht, den eng ähnlech Nummer huet. Ausserdem schleift den Chauffeuer emmer dann, wann et dobaussen aiskaal ass an et wannmeiglech och nach riicht eran reent.
Sin déi Problemer mol iwerwonnen, setzt en also an engem Bus, deen fiert, kommen nach ganz aaner Problemer ob een zou.

Esou och ob mech, wéi ech des Lescht am Bus souz fir d’S. Ze besichen. Ween d’S. Ass, froot dir ierch? Die Leit, déi Angscht a Schrecken 1 gelauschtert hun, wessen, ween d’ S. Ass. Déi aaner kennen sech déi erwähnten Folg um Internet eranzeien oder sech einfach soen lossen, daat d’S. Eng extrem fein an wonnerbar Persoun ass. Méi muss en jo och net zielen.

Ech souz also an dem Bus, deen duerch d’Daischtert an iwerwelch Kéidierfer am Westen gefuer ass. Noddems ech draimol baal gemengt hätt, ech geif an dem falschen Bus setzen an misst dann irgendwou an engem Duerf erausklammen, vun dem ech de Numm mol nach nie heiren hätt, hun ech dunn irgendwann geglewt, daat ech an dem richtegen Bus geif setzen.

Allerdengs haat ech nemmen nach eng vague Errennerung dorunner, wou ech dann elo sollt erausklammen. Also, ech wosst natirlech, wéi déi Urtschaft, an déi ech misst, geif heeschen, mee un d’Bushaltestell konnt ech mech net méi esou richteg erenneren. Irgendwou ob enger riichter Stross, haat ech am Kapp.
An denen meeschten Dierfer gin et Bushaltestellen op riichte Plaatzen.
Ausserdem waar et esou daischter, daat ech mir secher waar, daat ech net keint op den Saatz vun verschwommenen Erennerungen zereckgraifen, deen ech nach irgendwou am heneschten Eck vun mengem Gehiir haat.

Ech hun mir virgestallt, ech geif den falschen Arret erweschen an mech dann hoffnungslos verlaafen. Well keen op der Stross wier, keint ech och keen froen an esou geif ech dann irgendwann bei der Hütt vun engem ofgewrackte Mann landen, deen mech fir de Rastamann hällt an mir firdeischt mol en Kaffi, schwaarz an esou staark daat en de Leffel kaum bewegen kann, mat 5-6 Leffelen Speed dran unbidd an dann een ominösen Paack voll mat Drogen vun mir well.

Esou Saachen haat ech natirlech net dobai, an dofir konnt ech nemmen hoffen, den richtegen Arret ze geroden. Waat an der stackdaischterer Nuecht, an der ech Ennerwee waar, wirklech Gleckssaach waar.

Angscht a Schrecken hun sech an mengem Moo ausgebreet. Et huet sech ungefillt wéi wann se geifen en Handballssmatch an mengem Verdauungsorgan ausdroen. An zwar en ziemlech wellen Match wou et vill Fouls an soss Regelversteiss gin.
Et huet richteg weigedeoen.
Ech waar net méi konzentreiert. Wéi mell hun ech an menger Erennerung no Biller gesicht, déi mir keinten hellefen, mech eremzefannen, mee ech hun keng fonnt. Ech hun all Tirang opgerappt, mee an mengem Kapp waar naischt.
Just en schwaarze Fleck.

Ech hun also missen ob main Gefill goen. Irgendwann en Scheld, wou déi richteg Urtschafft drop stoung. Ech geif also ob manst net völleg falsch unkommen. An dann ass de Bus stoen bliwen. Ech hun gemengt mech un déi riicht Stross ze erenneren an raus geklommen.
Fir en Moment waaren Angscht a Schrecken fort.

Dunn hun ech en Zonk gesin, den virdrun net do waar. Dun en Café mat dem komeschen Numm “bei José”. Daat haat ech alles nach nie gesin.
Angscht a Schrecken hun net méi Handball an mengem Moo gespillt, mee Gladiatorenkämpf.

Wou waar ech nemmen geland?

Download audio file (angschtaschrecken06web.mp3)

Den 9. Dezember waar et also souwait. D’Joer 2007 ass endlech ungaangen. Also, d’Kulturjoer, enner Kenneren och nach “d’Joer vum bloen Hirsch” genannt. Den bloen Hirsch hun se iwregens geholl, well en iwerall an der Grousregioun virkennt. Daat ganzt heescht zwar “Letztebuerg 2007?, et spillt sech awer net nemmen zu Letztebuerg, mee eben och an der Grousregioun of.

Mir waaren nach zu 3 no engem laangen Nometten Jingle-produzeiren am Hauptquarteier vun Graffiti, direkt vis a vis vun der Gare. Et waar mettlerweil 11 Auer an mir hun eis geduercht, die Party op der aanerer Sait misst lo schon amgaangen sin.
Mettes haaten se op der Gare komesch Lautsprecheren opgeriicht, die ausgesin hun, wei wanns de aus Disneyland geifen kommen. An irgendeen Männchen mat engem Hobois stoung do an huet ganz komesch Geraischer gemaach.
Een Moment hun se elektronesch Musek zu denen komeschen Geraischer gespillt, daat huet der ganzer Szenerie en flotten Toutch gin. Allerdengs net laang, dun waar et just nach komesch an ech wollt leiwer net wessen, wei et geif weidergoen.

Ech waar och den 2007-Buttek. Do kritt en, wei an esou villen Geschäfter dei bei der Gare leien, nemmen Kreemschen ze kaafen. Allerdengs nemmen bloen-Letztebuerg2007-Hirsch-Kreemschen. Taasen mam Hirsch, Tshirten mam Hirsch, Jacketen mam Hirsch, Poschen mam Hirsch, Leffelen mam Hirsch, Stremp mam Hirsch, Buedmäntel mam Hirsch, Nudlen an Hirschform, Hirschstatuten mam Hirsch, Stickeren mam Hirsch, Buttons mam Hirsch. Ech wollt en Moment schon no Kondomen mam Hirsch froen, wei ech den Letztebuerg2007-Schnaps gesin hun.
Konnt en daat ganzt nach eescht huelen? Oder waar den ganzen komeschen Letztebuerg2007-Buttek eng selbstironesch Aktioun? Ech wollt, daat et esou waar. Well wann en deen Buttek muss eescht huelen, an daat hun ech geduercht, dann ass daat fir ze färten. Dofir sin ech ziemlech seier och erem eraus gaangen.

Et waar wei gesoot 11 Auer owes an mir waaren just nach zu drai an hun eis op de Wee an die berühmt-berüchtegt Rotonden gemaach, die och schon neonblo geliicht hun. E bessen wei en Puff. Op der Breck iwert der Gare sin eis ongefeier 100 bis 300 Leit entgeintkomm, die alleguerten gekuckt hun, wei wann sie vun engem bloen Hirsch an den Henner gebass gin wieren an daat cyanblot Deier dann op hir Schong gepisst hätt.
Et huet natirlech keen eis gewarnt.
Mee ech konnt mir jo denken, daat die ganz Aktioun geif Angscht a Schrecken gin.

Virun der Rotonde stoungen ongefeier 2000 Leit an enger Schlang fir ran. Obwuehl 2 Rotonden gin, gouf et just eng Schlang. Vun baussen huet en an die neonblo Kulturpuffen erangesin an et waar quasi eidel dobannen. Virwaat waaren d’Leit all dobaussen?
Die ganz Szenerie ass mir ziemlech spunesch Virkomm.
Ech wollt lo eigentlech en Witz mat “spuneschen Tiermchen” maachen, mee mir ass keen angefall. Den Auditeur därf lo awer trotzdem laachen. Merci.
Mir hun eis bessen emgekuckt an hun gesin daat et och en Ausgang gouf, wou Securitysleit stoungen an d’Leit geziehlt hun. An ech denken mir mol, sie hun och obgepasst daat sech net einfach een geif do eranschlaischen.

Mir hun mat denen Leit geschwaat an probeiert mat eiser ARA-Memberskaart mei schnell wei die ca. 500 Meter laang Schlaang virun der Entree eranzekommen. Leider huet daat net geklappt. D’Situatioun ass emmer mei komesch gin. Et stoungen net nemmen Leit an der Schlang, mee och einfach sou an klengen Kresser nirwendrun. An si hun alleguerten ausgesin, wei wann se vun engem ganzen Ruddel vun Cyan-Hirschen op d’Schong gepisst kruuten hätten.
Ech hun esouguer en heigen Regierungsbeamten gesin, den keen einfach esou erangeloss huet. Et waar zimmlech ellen. Die Rotonde, die en gesin huet, waar ziemlech eidel an d’Leit stoungen just do. Wei wann et an dem furchtbaar neonblo beliichteten Gebai verbueden wier, Spaß ze hun. Iwerhaat huet et esou geschengt wei wann Spaß an Kultur net geifen zesummen passen. Eng eescht Saach eben.
Et stoung och eng Ambulanz do. Wahrscheinlech, fir wann et engem schlecht geif gin. Oder en eng elleptesch Kris weinst denen neonbloen Luuchten geif maachen. Oder vun engem bloen Hirsch gebass geif gin.

Ech haat net nemmen d’Flemm, mee ech hun die ganz Szenerie sou lues an lues och onheemlech fonnt. Zum Gleck hun mir beschloss eppes drenken ze goen.
An wouhinner geht een, wann en genuch vun cyanbloen Letztebuerg2007-Eröffnungspartyen huet?

Richteg. Op die hippsten Plaatz am ganzen Land.
Die berühmt-berüchtegt Hollerescher Stross, an der ech jo schon Angscht a Schrecken erliewt hun.
Sou sollt et och des Keier kommen.
Mir sin an eng Boîte gaangen, die ausgesait wei en Scoutschâlet mat morbider Dekoratioun. Ech hun mir direkt en Cuba Libre bestallt. Den huet bessi komesch geschmaacht, wei wann de Rum net gudd wier. Ech hun naischt drop gin, emmerhin waar die ganz Mixtur drenkbaar an ech hun die Taatsach missen bekämpfen, daat ech vill ze vill oft niichter sin.

Ech hun mech an der Bôite an zweschen der bessi mei düsterer Clientell ziemlech …normal, fir net ze soen e ganz e bessen deplaceiert virkomm. Op manst haat ech eng schwaarz Jacket un, die huet villes erem gerett. Ej wollt mir nach Rum sichen goen, wei en een aalen Schoulkolleg vun mir gesin hun. Hien huet net verstaanen waat ech an der hipper Boite hei ze sichen hätt, an ech hun him gesoot, daat ech op der Sich no Alkohol waar. Dun huet en mir en Honnerter gin an gesoot “Huel waats de wells an huel mir en Paack Zigaretten mat!”
Daat hun ech dun och gemaach. Ech kruut en Glas mat enger waisser Flessegkeet an vill Ais.
Ech hätt direkt missen wessen, daat et keen Rum war. Speitens nodeems ech geschmaacht haat, wosst ech et. Ech hun dun ungehool daat et Wodka wier an waar och ze fridden. Emmerhin haat ech daat Gedrenks spendeiert kritt.

Vun engem Moment op den aaneren ass et “Klick” bei mir gaangen an et huet sech alles gedreint. Ausserdem hun ech gemierkt daat daat Gedrenks och keen Wodka waar. Et huet geschmaacht wei Alkohol mat bessen Waaser. Et hätt gudd kennen Terpentin oder Wäschbenzin sin.

Vun dem Moment un sin meng Enerrenrungen net mei esou kloer. Ech wees nach, daat en probeiert huet, main Brell mat dem Gedrenks ze wäschen, waat och erstaunlech gudd geklappt huet. Um eng Auer waar alles un an aus. Sie hun d’Musek ausgemaach an d’Leit sin alleguerten gaangen. Ech hun d’Welt net mei verstaanen.
Wiesou ass an der hippster Stross vun der Welt um Eng Auer owes schluss?
Op aaneren Plaatzen kommen d’Leit ereischt um 1!

Ech hun daat ganzt zimlech schrecklech fonnt. Virdeischt deen Desaster bei 2007, dann Wäschbenzin mat Ais amplaatz vun Rum an elo en vill ze schnellen Schluss…

Ech souz dun schlussendlech am Zuch fir heem, wei mir daat schrecklechst um ganzen Owend opgefall ass. Sie haaten die neutral an oft nogemaach Stemm, die am Zuch d’Haltestellen unseet, duerch eng bekannt Norichtespricherein ersaat. Die Fraa klengt emmer, wei wann se vun engem bloen Hirsch an d’Schong gepisst kritt hätt. An bei all Haltestell mengt en, elo geif d’Noricht kommen, daat op der Plaatz eng Gasleitung explodeiert wier an et 5000 Doudeger gin wier, sou en ellenen Toun huet se drop.
An ech souz midd an net mei ganz niichter am Zuch an sin all Keiers zesummengezeckt, wann die Fraa d’Haltestellen duerchgesoot huet. Ech kruut nach eng Keier eng ordentlech Portioun Angscht a Schrecken…
An esou sollt daat lo en ganzt Kulturjoer laang goen?

Download audio file (angschtaschrecken01.mp3)
MP3-Download Angscht a Schrecken bei den CFL

Ech war mam S. En drenken.Naischt schlemmes. Ech haat nët fir, mir eng an d’Schaiss ze geheien an herno wei en Idiot ze lallen an duerch den Zuch ze trellen. Daat huet einfach keen Stil.
An dach haat ech immens Loscht, mech an d’Bar vun engem Hotel ze setzen, op manst 3 Cocktails mat Rum ze drenken an d’Rechnung durno un en Spesekonto vun enger fiktiver Zeitung schecken ze lossen. Oder un d’Queesch. Mee bei der Queesch geif ech mat esou eppes och nach eventuell duerchkommen.
Heinsdo muss en esou Pläng einfach sin lossen, och wann se hiren Reiz hun.

Mam S. Hun ech haaptsächlech geschwaat. Dat, waat en eben mescht, wann en mat enger gudder Frendin en drenken geht. Ech hun mir vill ze deiren Rum an eng Cola bestallt. Ganz konnt ech et dann awer net lossen.
Mai Glass ass mat der Zait emmer mei eidel gin, an emsou manner dran war, je mei schweier ass et fir mech gin, mech ze konzentreiren. Mee et war net onmeiglech, ech konnt meng Gedanken fixeiren.
Wei ech dunn irgendwann op d’Toilett getorkelt sin an baal an de Keller erof bei d’Gedrenks gefall wier, well ech die falsch Dier erwöscht haat, hun ech beschloss, elo en Kaffi, mei genee, eng Lait russe, ze drenken an mech un mengem kloeren Verstand ze berauschen.

D’Gespreich ass emmer mei em Sex gaangen. Nodeems mer daat Thema mei oder weineger emrass haaten, hun mer iwert Selbstmord diskuteiert. Ech wiederhuelen: Et ass down the road, net across the street.
Wei S. An ech eis dunn getrennt hun, hun ech folgend Theorie opgestallt:
D’Liewen ass vulgär, voller Blut, Schaiss an Sperma. D’S. Huet gemengt, esou voller Sperma wier sain Liewen net, geschlechtsbedengt.
Ech hun em Recht gin an sin dun op d’Gare gefuer.

Durch irgendeen dommen Zoufall hun ech missen eng Navette fir op Dommeldeng huelen, well d’Streck zweschen Dommeldeng an da Stadt gespaart ass. Do hun se, wei de Schaffner dem Buschauffeur geziehlt huet, mat 1km/h nei Schinnen geluecht. An Dunnen, die dem Schaffner net esou gudd geifen gefaalen, well se geifen stoussen an drecken.

Ech haat nach e bessi Zait, den Bus sollt em die selwescht Zait fueren wei den Zuch. Veirel op Aacht, daat wuar den Schnellzuch. 25 Minuten duerch daat daischert Gutland, dobai en Buch an wann ech mat “das Parfüm” färdeg wier, geif ech eben en Text schreiwen.
Well ech Zait haat an hongreg waar, sin ech bis eriwer bei den Kebab an hun mer do en Falffel bestallt. De Mann kennt mech schons, wees waat ech well an schafft schnell. Ech lossen mer main Owesiessen abpacken. Wiesou, wees ech och net.

Den Bus kennt pünktlech Veirel op Aacht. Allerdengs huet den Chauffeur net fir, direkt ze fueren. An 20 Minuten geif hien fueren, seet hien eis direkt wou mer ranklammen. Ech denken, OK, dann ged et eben den Zuch vun 10 fir 9, daat ass och nach keen Drama. An Krisensituatiounen wei desen kann en sech net all Luxus vun den CFL erwaarden. Ausserdem waar et Weekend an ech haat Zait.

Ech hun main Falaffel aus dem Selwerpabeier ausgepaackt an gies. Nodeems ech main Buch ausgelies haat, ass de Bus dann och endlech gefuer. Zu Dommeldeng huet den Zuch dann och schon op eis gewaard.

Ech hun en zweet Buch, waat ech schon aus haat, einfach nach eng Keier ungefaangen an mech ziemlech dran verluer. No denen 50 eischten Saiten haat ech sou ziemlech all Gefill fir Zait verluer an hun mech ziemlech elleng am Zuch gefillt.
Ausserdem hun ech firschterlech op d’Toilett missen. Mee iert ech konnt opstoen an den noosten Wandschaff fir Fäkalien sichen konnt, ass den Zuch endlech gefuer. Mettlerweil waar et 18 Minuten op 9 an ech wosst guer net mei esou richteg, waat ech iwerhaat an dem Zuch sollt.
Wei ech mech dun awer entschloss haat, main Rucksaack ze huelen an mech op d’Sich no enger Toilett ze maachen, hun ech gemierkt, daat den Zuch net mei no fier gefuer ass.

En ass no hannerzeg gefuer. Ech hun et dorunner gemierkt, daat d’Spigelung vun enger Reklamm an enger Fenster den falsche Wee un mier laanscht gefuer ass.
Lo gouf et wirklech Zait fir op d’Toilett.

Den Zuch ass stoen bliwen, wei ech gepisst hun. Lo waar mir alles egal.Ech waar schon mei wei eng Stonn ennerwee an sin just bis Dommeldeng komm, wou ech lo op enger Toilett stoung, die mi kleng waar wei main Kleederschaaf an gepisst hun. Ech hun probeiert, net ze iwerleen, wiesou den Zuch firdeischt no fir an durno erem no hannerzech gefuer waar.
Dorobbs hätt ech jo nach vlaischt eng logesch Äntwert fonnt. Mee Wei sollt ech mir erklären, daat ech iwerhaat net gemierkt haat, daar den Zuch erem stoenbliwe waar.
An daat haat en jo missen, iert en erem konnt no hannerzech fueren.

An mengem Kapp ass d’Fro, ob den Rum net awer vlait bessi ze vill gewierscht waar, zu enger Gewessheet gin, daat den Entschloss, sech un mengem kloeren Kapp ze berauschen, eng falsch gewierscht waar.
Wann en lallend wei en Idiot duerch den Zuch getrollt wier, hätt ech mir all die Froen net braischte ze stellen.
Vlait sollt ech den Telefon huelen an d’CFL froen, wiesou den Zuch no hannerzech gefuer wier.

Wei ech aus dem Kabuff, waat se bei den CFL Toilett nennen, komm sin, waren op e mol 10 mol mei Leit wei virdrun am Zuch. Aha, hun ech geduercht, die Fro wier also geklärt.
Ech hun zereck op main Setz gesicht, wou meng Jacket nach louch an ech ungefaangen hun, desen Text ze schreiwen.
Ech hun geduercht, wann ech lo net geif unfänken, daat alles ze dokumenteiren, geif mer herno keen mir mei et gleewen.
Dun hun ech ungefaangen ze zweifeln, daat je en Mensch mir daat do geif glewen. Virun mir hun zwee Männer sech iwert die aal bleche Becksen opgereegt, die freier als Zich rondrem gefuer sin.

Ech hun geduercht: Wanns de lo net unfänks, daat ze dokumenteiren, dann gleewt dir daat keen. Dunn hun ech main Minidisc erausgeholl an alles opgeholl. De Micro op 180 Graad an esou haard wei meiglech ophuelen.

Zu Ettelbreck waar ech 10 op 10. Ech haat also baal 2 Stonnen gebraucht, obwuehl ech de Schnellzuch geholl haat. Un engem Gelänner bei der Gare hung nach en futtise Velo. Elo schon sait 2 Wochen. An mettlerweil waaren och schon keen Suedel an keng Rieder mei drun.

Waat haat daat alles ze bedeiten? Wiesou esou vill Angscht an Schrecken? Waat waar daat lei fir en komeschen Trip? Ech hun den MD net ausgemaach, aus Angscht, et geif mir herno keen gleewen. Ech haat meng Beweiser.