Download audio file (angschtaschrecken134.mp3)
download mp3

Vir d’éischt trefft een sech an der Wunneng vun enger Persoun an geet da weider. Ech war nach ni an der Wunneng a hu missen hin fannen. Um Telefon hunn ech d’Adress net ganz verstanen, mä um Plang huet et dann esou ausgesinn, wéi wann et just eng Strooss an der Géigend géif ginn, déi mat engem „H“ ufänkt. Ech maache mech also op de Wee dohinner an probéieren ënnerwee nach emol no ze froen, ob ech et richteg verstanen hätt. D’Strooss war eng aner. OK, och kee Problem. Soll ech nach eppes matbréngen, froen ech méi aus Héiflechkeet wéi wierklech mat der Intentioun, eppes matzehuelen. Natierlech, gären.

De russesche Buttek huet nach op. Dat ass komesch, well déi meescht Geschäfter maache Samschdes fréi zou, an Éisterräich ass een eben nach kathoulesch. Ech ginn eran an den zimlech eidele Buttek an fannen eng Fläsch Wodka fir 6 Euro. Eng al Fra setzt bei der Kees, ee Mann steet op enger Leeder a fleckt iergendeng Luucht.

Ech bezuelen de Wodka a gi gefrot: „Du wollen probieren fshikfdfidg?“
Ech maachen een dommt Gesiicht an hoffentlech och e gudden Androck.
„Ist mit Kartoffel und Fleisch.“
Ech soen Nee Merci, ech well och keng Tut, well ech hunn ee Rucksak. Ech maachen d’Fläsch trotzdem net dran, well ech mir iwwerleeën, ob et net besser wier, direkt eng Schlupp ze huelen. Mat der Fläsch an der Hand fannen ech de Wee och, kréien direkt mol e Kaffi an eng Bécks Béier, mir iwwerleeën an der verfëmmter Kichen, déi gläichzäiteg och Buedzëmmer ass, wat mir den Owend maachen. Ech kenne weder d’WG-Party nach d’Party vun den Uni-Gréngen, dofir ass et mir egal. Vläicht sinn ech och dofir, einfach d’Fläsch Wodka ze drénke bis et net méi wichteg ass, iergendwou hin ze goen.

No der halwer Fläsch Wodka ass dach wichteg, nach iergendwou hin ze goen an mir setzen eis an d’Ubahn, wou mir iwwer iergendeppes diskutéieren. Vläicht doriwwer, dat et ganz praktesch ass, an der Nuecht mat der U-Bahn fueren ze kennen. Vläicht och iwwert eppes ganz aneres. Bei Burggasse-Stadthalle klamme mir eraus. Komescherweis hu ganz vill Ubahn-Statiounen zu Wien Doubelnimm. Stadthalle oder Burggasse géif duer goen, genee esou wéi „Michelbeuren“ oder „AKH“ duer goe géifen. Mä anscheinend well een extra-kloer sinn. Kloer ass och de Wodka, an Wodka mécht hongereg, also séier eng „Pizzaschnitte“ giess an da weider op déi komesch WG-Party.

Déi ass an enger grousser Wunneng. Et stinn eng Millioun Puer Schung am Gang an ongeféier genee esou vill Jackette léien donieft. Nodeems mir eis Schung ausgedoen hunn an eng Bécks Béier aus der Buedbidde gefëscht hunn, sti mir virun engem ofgeseete Bamstamm, an deen et gëllt, ee Nol anzeschloen. Mat der spatzer Säit vun engem Hummer. Mir als fréiere Baamschüler kennt dat zwar bekannt vir, mä laang mécht dat net Spaass. An enger klenger Kummer fanne mir Leit, déi Kaarte spillen. Dann heescht et: An der Wunneng wunnt e Lëtzebuerger. Deen muss ech elo natierlech sichen. Wisou, dat weess ech net méi genee.

De Lëtzebuerger heescht Neckel oder Jang oder Pit an spillt Darts am Gang. Mir schwätze kuerz doriwwer, dat mir allen zwee Lëtzebuerger sinn, an dann entschléisst sech meng Begleedung fir d’Flucht. Mir sichen déi aner Persounen, déi mat eis komm sinn an soen, mir géife lo op d’Party vun deene Grénge goen. D’Fläsch Wodka ass nach zu engem Véirel voll. Ëmmerhin.

Angscht a Schrecke komme kuerz op, well mir verdächtegt ginn, enger Persoun hir Schung geklaut ze hunn. Nodeems sech erausstellt, dat déi Persoun hir Schung nach huet an just voll ass, gi mir. Allerdéngs ass eng Persoun bliwwen. Si wéilt danzen. Wou et an der Wunneng Plaz fir danze ginn ass, hunn ech ni erausfonnt, mä d’Liewe bleift jo nëmme spannend, wann et e puer Geheimnisser ginn. Genee dofir huet d’Kierch och déi helleg Dräifaltegkeet erfonnt. Eppes wat kee versteet an immens komesch klengt, dat hält d’Leit bei der Staang. Iwwregens hunn ech um Wee bei déi Gréng kuerz gemengt, den Toni ze gesinn. Konnt dat sinn? Konnt den Toni zu Wien sinn? Angscht a Schrecken si méi grouss ginn …

Déi Gréng op der Uni heeschen an Éisterräich „GRAS“. Dat ass eng Ofkierzung a steet fir Grüne Alternative Studierende“. Si reegen sech ëmmer e bëssi kënschtlech op, wann een no leet, dat hire Numm eppes mat Kiffe kéint ze dinn hunn. Wéi kéint een nëmmen dorobber kommen?

Mir sinn bei engem Gothicclub laanscht komm. Ech wollt do onbedéngt eran, mä leider war den Entrée ze déier. An dunn war Wodkasfläsch eidel. Bei engem gréngen Haus si mir stoe bliwwen. An hu gemierkt, dat mir falsch waren an erëm zeréck missten.

An engem Bannenhaff stoungen Akafsweenercher mat Alkohol, banne konnt een iessen. An Leit hu Musek opgeluecht. Mat „opgeluecht“ mengen ech: Se hunn se vu Youtube aus op eng grouss Anlag gespillt. Ech hunn dat nach ëmmer net verstanen, wisou esou vill Leit dat maachen an sech net vun iergendwou Musek a gudder Qualitéit besuergen. Mä bon: d’Stëmmung war gutt, Leit hu gedanzt an esouguer ech hu mech konnte bei dem engem oder anere Lidd austoben.

Iergendwann hate mir es du genuch a wollte goen. Dat huet wéi ëmmer méi laang gedauert wéi néideg. Op e mol huet d’Musek sech gedréint. Kommunistesch Arbeschterlidder sinn gelaf an d’Leit hunn all haart matgesongen. „Ohje“ hunn ech geduecht an meng zwee al Bekannter hunn genee esou haart matgesonge wéi de Recht.

E Kolleg vu mir wollt sech eng Fläsch Rum aus dem Akafsweenchen huelen.
„Du kanns deenen dach net einfach eng Fläsch Rum klauen!“
Hien huet mech e bëssi erstaunt gekuckt an sech eng Fläsch Béier fir den Heemwee geholl.
Ech hunn d’Fläsch Rum geholl a mir si gaangen.

Angscht a Schrecken hate mech. Wisou hunn déi Leit kommunistesch Lidder gesongen? War den Toni ieren ze Wien? Wisou ware mir dem Schongklau verdächtegt ginn? A virun allem: Wisou war d’Fläsch Wodka schon eidel?

Dat eenzegt, wat elo nach gehollef huet, war d’Flucht. D’Flucht an existenzialistesch Gespréicher iwwer Léift an Sexualitéit um Heemwee.

Download audio file (angschtaschrecken122.mp3)

mp3 download

Usträichen ass elo net grad Beem fällen oder an enger Uranmine an Sibirie mat bloussen Hänn an just mat engem dënne Stoffduch bekleet no radioaktive Metallen ze gruewen, mä et ass trotzdem zimlech ustrengend, virun allem wann ee näischt gewinnt ass. Beem hunn ech zwar véier Joer vu mengem Liewen zimlech regelméisseg gefält, mä dat ass eppes aneres.

Wann een un Usträichen denkt, denkt ee meeschtens: Yuhu, Faarf un d’Mauer pinselen, dat mécht Spaß, et gesäit een wat een mécht an et ass e bëssi esou wéi een risegt grousst Molbuch. Ech hunn als Kand Molbicher gehaast. Ech hu vill léiwer op wäisse Pabeier gemoolt, do konnt ech menger Phantasie fräie Laf loossen an hunn net missen iergendwellech blödsinneg Biller faarweg molen, déi mir dach net gefall hunn. Ech hat e Molbuch vun dem 80er Joere Fantasy-Film „Willow“. Dat hat schon een grujelege Cover mat Doudekäpp an Bletzer. Ech ka mech net erënneren, je een eenzegt Bild an dem Buch gemoolt ze hunn. Allerdéngs muss een dobäi och soen, dat ech dat mam net iwwert de Stréch molen och net esou gutt konnt an dofir eng Affinitéit zum „Freestyle“ hat.

De groussen Denkfehler, dee vill Leit virum Usträiche maachen, ass net drun ze denken, dat et Plaatze ginn, wou keng Faarf däerf hikommen. An déi mussen ofgepecht ginn. All Steckdous, Luuchteknäppchen, Dierrumm, Heizkierper a Mauslach muss uerdentlech mat liicht erofzekreiendem Pesch ofgepecht ginn. Dann muss een de Buedem mat Zeitungspabeier, oder, nach besser, mat Plastikfolie ofdecken. Dat selwecht mat deene Miwwelen, déi een net aus dem Raum erausréckele kann. Duerno gesäit den Raum dann esou aus wéi an der amerikanescher Serie „Dexter“, wann den Protagonist seng Affer ëmbréngt, ouni Spueren ze hannerloossen.

Mir wollten awer Spueren hannerloossen an hunn also ugefaangen, Faarf un d’Maueren ze bréngen. Dat klengt dann och scho mol méi einfach wéi et am Endeffekt ass. Vir d’éischt huet een ze vill Faarf um Rouleau, deen sech dowéinst net dréint an just laanscht Mauer schruppt. Mat e bëssi Chance drëpst dann erëm Faarf erof, genee op déi eng Plaz, déi een net uerdentlech ofgepecht hat. Zum Beispill de Liederscanapé, Ierfstéck an wann d’Bommi dat gesäit, kann een de Recht vum Ierwe vergiessen. Angscht a Schrecke setzen an all Drëps Faarf.

Dann, wann een de Rouleau dozou kritt, ze dréinen, fiert een ongeféier d’Gréisst vun engem A4-Blat laang gutt an dann ass schon erëm ze man Faarf drop. Et dreckt een dann eben e bëssi méi fest. Fir een weidert A4-Blat geet och dat iergendwéi, an da kann een just nach Schmierereien maachen. Et zappt een de Rouleau also erëm an d’Faarf an d’Spill fänkt vu vir un.

Lo wier dat net esou ee Problem, mat e bëssi Übung kritt een et hin, och emol fënnef Minutte laang Faarf un d’Mauer ze drécken, ouni de Rouleau erëm an den Eemer zappen ze mussen. Angscht a Schrecke kommen dann esou richteg op, wann ee mierkt, dat Faarf sech total onregelméisseg verdeelt. Et mécht een, ouni et ze wëllen, kubistesch Mustern do, wou een eigentlech gären eng normal unis-faarweg Fläch hätt. Dann dréckt een méi fest, well een hofft, dat géif hëllefen, mä da kennt d’Faarf vun deene leschten dräi Joerhonnerten an zentimeterdecken Scheiwen erofgefall. Never change a running system, géifen d’Informatikerinne soen, mä elo hate mir schon ugefaangen.

Mir geschéien dann och ëmmer Saachen, déi soss kengem passéieren. An vun deenen een denkt, se dierften eigentlech esou reng physikalesch iwwerhaapt net méiglech sinn. Ech hunn een Raum ugestrach an dem eng grouss deck Kork-Pinnwand houng. Fir e bëssi Faarf an den Raum ze kréien, hu mir decidéiert, d’Pinnwand rout ze molen. Eng Kollegin huet vir d’éischt d’Mauer ronderëm wäiss ugestrach. Ech hunn also duerno just nach d’Pinnwand rout molen. Dat huet esou laang gutt funktionéiert, bis op een Mol een roude Fleck op der wäisser Mauer war.

Angscht a Schrecken hate mech.
Wéi konnt dat sinn? D’Pinnwand huet e puer Zentimeter erausgestanen. All Drëps déi erofgefall ass, huet mengem – zougeginnermossen relativ ageschränktem – Verständnis vu Physik total widdersprach. Wisou gëtt et nach ëmmer keng efficace Methoden, fir een Raum unzesträichen? A virun allem: War de Rastamann iergendwou hei?

Dat eenzegt, wat elo nach gehollef huet, war d’Flucht. Mä virdrunn net vergiessen, d’Pinsele gutt ze wäschen …

Download audio file (angschtaschrecken113.mp3)
mp3 download 11,4 mb

Ein Wortschwall weckte mich wieder. Die Frau, die neben mir lag, redete ohne Unterlass in ein Telefon. Mit dem Sendungsbewusstsein von 10 freien Radiomachenden, denn die Person auf der anderen Seite hatte wohl kaum eine Chance, ihr zu antworten. Am Abend war dies auch schon so gewesen. Ich vermute, dass sie wohl „Krieg und Frieden“ diktierte – anders konnte ich mir ihre epische Logorähe nicht erklären.

In Bregenz klebten wir unsere abgekauten Ohren wieder an und machten uns auf den Weg zu Fähre. In einem ultra-modernen Glasbau erklärte uns der Hafenmeister, dass die Kasse nebenan sei. Dort standen zwei Senioren, die ungeduldig auf die Öffnung der genannten Kasse warteten. Nachdem die Verspätung von unglaublichen 1 Minute 32 Sekunden protokolliert worden war, kauften die Beiden Tickets für die Fähre und diktierten der Person hinter der Kasse, wieviel Rabatt sie nun bekommen würden. Das hatten sie sich ganz schlau vorher ausgerechnet. Zur Blumeninsel Mainau wollten sie.

War das Wetter in Bregenz noch grau und trüb gewesen, so herschte in Konstanz strahlender Sonnenschein. Ein wunderbares, sommerlich warmes Radiocamp stand mir bevor. In Gedanken hüpfte ich bereits barfuß und in kurzen Hosen über das sonnige Campgelände. Ich wusste gar nicht, wie sehr ich mich gerirrt hatte.

Eine Nacht danach stand ich tatsächlich barfuß am Bodensee. Ich hatte meine Schuhe ausgezogen, damit sie nicht vollständig vernässten. Eine schlaue Sache, dachte ich.
Dann verließ ich mein Zelt.
Es hatte die ganze Nacht durchgeregnet. Ich wunderte mich, dass es noch Matsch gab, in den meine Füße einsinken konnten. Die gefühlte Kälte hätte eher vermuten gelassen, dass der Boden mindestens 10 cm tief gefrohren wäre.

Ich konnte auch ohne Probleme über Steine und Stöcke laufen, denn der Kälteschmerz überwiegte. Schade, dass unter den 5 Schichten niemand mein T-Shirt mit dem Aufdruck „I feel hardcore“ lesen konnte.

Der Bodensee ist in der Vergangenheit regelmäßig zugefrohren. Seegfröhre wird das genannt. Lange konnte es nicht mehr dauern, dass der Mai 2010 als so ein Moment in die Geschichte eingehen würde. Angst und Schrecken schleiften schon ihre Schlittschuhkurven. Anscheinend war dies das Werk der sogenannten „Eisheiligen“. Der katholische Glauben erschien mir noch einmal mysteriöser.

Nach einigen Tagen Kälte schienen die Nahrungsreserven in der Natur aufgebraucht zu sein. Am Morgen erzählten mehere Menschen von einer Maus, die ihr Zelt heimgesucht haben sollte. Laut den Beschreibungen war das Tier ungefähr 3 Meter lang, hatte eine Schulterhöhe von anderthalb Metern und ein braunes Fell. Alle Angst schien von ihr gefallen zu sein, denn sie liess sich auch durch Klopfen und Rütteln nicht von Rucksäcken vertreiben, so groß ihr Hunger nach Wasabinüssen. Angst und Schrecken erschienen in Form von gigantischen Nagetieren.
Neben den Workshops und dem Auffüllen von Wärmeflaschen war Essen eine der Hauptbeschäftigungen im Camp. Leider wurde dieses Vergnügen durch die merkwürdige Rationierung getrübt. An einem Tag gab es eine halbe Kinderportion Käsespätzle mit drei gebratenen Zwiebelstückchen, am nächsten baute sich auf meinem Teller vor mir ein Turm aus Spaghetti auf. Er hätte einen Schatten geworfen, hätte die Sonne geschienen. Das tat sie leider nicht. Mittlerweile hatte ich schon ein wenig Angst um meine Zehen.

Die Abendgestaltung war bei den sibirischen Temperaturen auch etwas anders als sonst. Niemand tanzte zu den Klängen des großen LSD-Symphonieorchesters, auch kein süßlicher Geruch war zu vernehmen. Die illegalste Droge, die zu finden war, war eine Wodka-Cola-Mischung, die unter der Hand verteilt wurde. Drei Menschen tanzten zu einem schlechten komerziellen Radiosender.

Angst und Schrecken hatten mich. Wieso war es MITTE MAI so unglaublich kalt? Hatte die braune Bodenseemaus Tollwut? Was hat die Frau im Zugabteil so wichtiges und vieles zu erzählen? Hatten die Senior_innen die Blumeninsel Mainau erreicht? Wieso wurden Menschen, die Kälte brachten, heilig erklärt? Gab es einen guten Grund für die merkwürdige Essensrationierung? Würden meine Füße die Eiseskälte noch länger aushalten? Wieso um alles in der Welt waren meine Schuhe eigentlich nass?

Das einzige, was jetzt noch helfen würde, war die Flucht. Über den zugefrohrenen Bodensee.

Download audio file (angschtaschrecken109.mp3)
mp3 download

Leider ass Angscht a Schrecken nach keng Fernsehserie mat milliounenschwéierem Budget an glecklecherweis ged et keen Storyarc. Waat héi reportéiert ged, sinn eben déi Saachen, déi esou passéiren. Géint een milliouneschwéiere Budget hätt ech trotzdem naischt. Ech wéißt ziemlech genee, wéi ech en uleen géif. Nämlech an Audio-Equipement an Spezialeffekter fir d’real Welt. Dir wesst secherlech, waat domadder gemengt ass.

Zereck op Wien. Wéi déi meescht vu mengen Nolauschterenden secherlech wessen, ass Wien eng enorm grouss Stadt an där d’Liewen pulséiert. Baal wéi New York schléift Wien baal nie. Awer och nemmen baal.

Ech hunn oft een ziemlech onregelméissegen Liewens- a Schlofrythmus, sou daat ech dacks ob sinn, wann aaner Leit schlofen. Aanerersaits zwengt mech meng Professioun als Gonzojournalist, dach mol zu „normalen“ Zaiten ennerwee ze sinn, sou daat ech dann och heinsdo mol um zwou Auer moies erem heem well. Well den Daach ustrengend waar oder sou.

An esou een Daach gouf et delescht och. Et waar eppes rondrem zwou Auer moies an ech waar no engem eiwegen Gespreich bei Téi an enger Kichen bereed, fir heem ze goen. Ech sinn de Wee nach eng Kéier duerch gaangen, well esou kenneg sinn ech zu Wien dann awer nach net. Fir dann mat engem Kichelschen bewaffnet an de Lift ze klammen. Et waar een vun denen almoudege Lifter, déi ob all Stack eng Dier mat Fenster hunn, plus eng Dier an der Kabin, déi normal zougeht. Ech hunn gehofft, ech géif net laanscht eng Mordszen fueren an misst dann em mai Liewen laafen, well de Märder mech als Zeihen net gebrauche kéint.

Angscht a Schrecken sinn wahrscheinlech och mat dem Lift gefuer.

Komesch, wéi verschidden Saachen engem Angscht maache kennen, just well een den falschen Gedanken zu der falscher Zait haat. Mä esou Saachen passéiren dach relativ dacks. Mir op manst.

Ech also raus aus dem Haus, mol endlech e een Steck Kichelschen ofgebass an hu probéiert meiglechst séier Richtung Westbahnhof ze goen, fir do de Nuetsbus ze kréien.

Wien ass iwregens voll mat komeschen Wett-Spelunken, an denen een ennerhalb vun e puer Minuten all seng Souen an déi vum Noper verspille kann. Ech si laanscht esou een Etablissement getreppelt. „GRATIS W-LAN“ stoung do. Ech duecht: „Hmm, du kéins jo lo am Fong dai Netbook…“ Merde. Ech haat meng Posch vergiess.

Also emgedreint. Een Moment laang hunn ech mech gefroot, bei waat fir enger Schell ech lo misst schellen. Zum Gleck ass graad een Mann rauskomm, den mech immens komesch gekuckt huet, mir d’Dir awer opgehaalen huet. Wahrscheinlech géif hien lo an déi Wett-Spelunk um Eck goen an do all seng Souen an déi vu senger Nopesch verspillen.

Ech also erem an den onheemlechen Lift, emmer nach mam Kichelschen an der Hand. Zum Gleck waar déi Persoun, déi ech besicht haat, nach net am Bett a konnt mir nach opmaachen a mir meng Posch aushändegen.
Nach eng Kéier mam Lift erof. Des Kéier hunn ech probéiert, mech ob positiv Saachen ze konzentréiren, fir net erem irgendwelch Gedanken un Bludd, Gemetzel an zoufälleg verdeelt Getraips ze hunn. Ech hunn daat lescht Steck vu mengem Kichelschen giess an sinn ziemlech séier eraus gaangen.

Déi ganz Emgéigend waar ziemlech lusch. Net nemmen déi obskur Wettspelunken, mä den ganzen Quartier mat senger komescher Meschung aus Heichglanzjugendherbergen, dreckegen Cafén an Wannabe-Akaafsstrossegeschäfter. Zousätzlech war ech mat de Wierder „Wann der eppes ugebuede ged, so nee.“ gewarnt ginn. Woufir, wosst ech net genee.

Gouf et hei an der Geigend eng Usammlung vun Drogenverreckten an Dealerinnen, déi mech mat hiren Produiten belästege géifen? Oder huet meng elo schloofend Bekanntschaft eppes nach méi schlemmes an ekleges gemengt?

Angscht a Schrecken hunn sech erem gemellt. Ech si méi séier gaangen an hu probéiert, mech esou genee wéi méiglech un den beschriwene Wee ze haalen. Nët, daat ech nach géing méi laang wéi néideg duerch déi onheemlech Géigend héi misst trëllen.

Irgendwann hunn ech de Westbahnhof ereecht. Um Arret stoung schon een Bus, deen awer net gefuer ass. Donierwt stoung ee Grupp vu Leit, déi sech op Englesch ennerhaalen hunn. Oder eischter op Amerikanesch. D’Welt ass kleng, well d’Mamm vun der enger Persoun waar mol mat dem berühmten Skileefer Esouanesou zesummen, an deen kennt natirlech all Mënsch an den USA.

Ech hu mir d’Fro gestallt, ob déi Leit wirklech esou haard geschwaat hunn oder op meng Wahrnehmung, déi jo momentan virun allem Daitsch oder Eisterraischesch héirt, just op daat daach relativ ongewinnt Amerikanesch méi empfindlech reagéiert huet.
Irgendwann ass de Bus dunn komm. Komescherweis méi fréih, wéi et um Horaire stoung, mä dorobber kann een sech jo souwiesou net oft verlossen, wéi ech als Gonzojournalist jo wosst.

Den Nuetbus ass meeschtens iwerfellt, besonnesch op Strecken wéi déi rondrem den Gürtel, déi grouss Schnellstross duerch ganz Wien, déi déi bannescht Bezierker vun den bausseschten trennt. Am Daach fiert d’Ubahn direkt een Deel vum Gürtel, an déi ass schon oft iwerfellt. Wann elo also an der Nuecht Busser op esou enger Streck fueren, déi esou vill Verbindungspunkten no bannen an no baussen hunn, ass et normal, daat déi total iwerfellt sinn. De Nuetsbus N6 ass genee esou eng chronesch iwerfellten Linn.

Mir alleguerten brauchen e bessi Léift, Wärmt an menschlecht Beineen. Heinsdo ass et awer vill ze vill. An dem Bus waar daat esou. Mat verschiddenen Leit brauch ech net onbedengt eng Kuschelronn, virun allem net, wann déi fuerchtbar voll sinn.

Nirwt mengen Amerikannerinnen, déi sech iwert déi wéider Owendgestaltung ennerhaalen hunn, waaren och nach vill aaner Leit am Bus. Zwee Männer mettleren Alters hunn sech duerch besonnesch geeschtraisch Kommentaren hervirgedo hunn.

Et versteet een kaum, wéi sech Leit doriwer beschwéire kennen, daat iwer Twitter, Facebook an esou wéider ze vill Informatiounen vun sech prais géife ginn, wann sech am Bus Léit haard iwert hier Geschlechtsdeeler an hiren Harndrang ennerhaalen.
„Na, wenn du wüsstest, was mein kleiner Mathias gerade denkt!“
– „Der will raus?“
„Der schreit: „Hiiiilfeeee, ich will rauuuus!“
Angscht a Schrecken.

D’Amerikannerinnen waaren dann erem zimlech haard, hunn vun hirer Heemscht geziehlt an sech ausgetosch. Normalt Gespreich, just e besseli haard. D’Wiener sinn jo leiwer roueg am öffentlechen Transport. Meeschtens esou roueg wéi wa graad irgendeen gestuerwe wier. Dacks féiert daat dozou, daat verschidde Leit immens opfaalen. Meng zwee Helden hunn sech, nodeems d’Amerikannerinnen iwert North Dakota geschwaat hunn, erem zu Wuert gelallt:
„Wo liegt eigentlich North Dakota?“
„Na nördlich von South Dakota!“
Hilarité génerale ennert dem 2-Persounen-Fuesgrupp.
Angscht a Schrecken heich zwee.

Firwaat hunn déi Vollerten iwert hier Genitalien geschwaat? Waat sollten all déi lusch Wettspelunken? Wiesou huet deen Lift esou onheemlech gewierkt? Firwaat ged et keen Milliounebudget fir Angscht a Schrecken?Wiesou waar main Kischelschen esou séier giess gewierscht? Wiesou waar et héi am Bus esou voll? Waat waar „Mathias“ fir een Numm fir een Penis? A virun allem: Wou lait North Dakota wierklech?

Zum Gleck waar de Bus schon beim AKH.
D’Flucht huet net méi laang op sech waarde geloss.

Download audio file (angschtaschrecken108.mp3)
mp3 download

Während Uni am Kino den eischten Moment ziemlech gudd klengt, esou klengt Feieren an der Uni ziemlech blöd. Beid Aschätzungen waaren ziemlech falsch: Um Kino sinn just d’Setzer flott, de Recht ass ziemlech blöd. Esou ass den Kino zum Beispil vum Arsch vun Welt bzw. um falschen Enn vun der Donau, waat zu Wien glaichbedeitend mam Arsch vun der Welt ass. Ausserdem ass d’Loft net gudd, et gesait een den ganzen Daach keng natirlech Luucht an et héiert een trotz High Definition 5.1 3D High Fidelity THX-certifiéiertem Soundsystem net gudd. Oder grad dowéinst. Je méi komplizéiert Technik, emsou manner Leit kennen domadder em goen.

Waat dogéint Féieren an der Uni ugeht, esou geht et secher schlemmer plaatzen, fir den Owend unzefänken. Et waar nämlech d’Akademie der angewandten Künste, net ze verwieselen mat der Akademie der eingebildeten Künste, an déi ech féiere gaangen sinn. Bzw. een Kenschtleratelier vun Studéirenden vun der Uni. Esou waar daat och hallew esou schlemm, wéi et Ufanks geklongen huet. Am Fong waar et ziemlech cool.

Mir souzen also zu véiert an engem Atelier, hunn Wain gedronk an iwer Musek diskutéiert, woubai ech meng Meenung vertrueden hunn, daat Kategoriséierungen fir Musekrichtungen naischt schlechtes sinn an engem just hellefen, besonnesch mam popkulturellen an historeschem Hannergrond. Mä vilaischt sinn ech duerch meng laang Carriere am Radiogonzojournalismus och esou geschiedegt, daat ech net méi aschätze kann, waat normal Leit brauchen. Vilaischt därf Musek dann och heinsdo just Musek sinn, ouni Kategorien oder soss Tralala.

Mir hunn eis déi verschidden Alternativen fir den Owend ugekuckt an rausfonnt, daat et wuehl am beschten wier, an eng aal Brauerei ze fueren. Ottakring ass net nemmen een Staadtdeel vu Wien, mä och eng vun denen gréißten Brauereien. An all puer Méint ged et an den aalen Geméier vun eben der Brauerei een grousst Fest. Zweschen aalem Betong an raschtegem Stohl kann een dann danzen.

Daat klengt geféierlech, daat klengt esouguer e bessen no dem Berliner Berghain, vun dem se all emmer schwätzen, obwuehl kaum een dra waar. Wann een mir d’Locatioun esou erklärt hätt, hätt ech mir elektronesch Musek oder Industrial, am beschten beides an ganz vill Leit op denen komeschten Drogen erwärd. Am beschten wier Tekkno gewierscht, mat zwee K geschriwen.

Leider waar dem net esou. Virdeischt waar virun der Brauerei, wéi mir aus dem Tram gefall sinn, mol eng rieseg Schlaang. Duerch eng Fläsch Wain an vill Leit waar et dann awer och net esou kaal, daat dat schlemm gewierscht wier. Am Geigendeel, mir hunn esouguer Leit kenne geléiert, déi aus Frankraich waaren. A wa Leit aus Frankraich, déi zu Wien iwerall kéinten higoen, extra an eng aal ruppeg Brauerei fueren, da misst daat do besonnesch sinn. Oder et waaren einfach immens vill komesch Leit héi.

Mir hunn eis Entrée bezuehlt, sinn vun komeschen Security-Leit ofgetaascht ginn an konnten dunn eran. Meng Erwaardungen un d’ Musek hunn ech du mol schnell missten aschränken. Ennen huet eng Coverband gespillt. An et schengt och an Eisterraisch net anescht ze sinn wéi zu Lëtzebuerg: All Coverband spillt exakt déi selwescht Lidder, woubai daat „rockegst“ Lidd emmer Smells Like Teen Spirit vun Nirvana ass.

Angscht a Schrecken sinn opkomm. Wou waar ech héi geland?

Mir sinn also eng aal verraschten Traap eropgeklommen, fir op een „Floor“ mat elektronescher Musek ze kommen. Déi waar zwar och ziemlech Mainstream, mä eng Retsch besser wéi d’Coverband, déi am Red-Chaussé gespillt huet. Virun allem gouf et héi och eng Bar, déi Béier verkaaft huet, waat villes direkt vill méi erträglech gemaach huet.

Alles waar irgendwéi komesch. Net esou, wéi ech mir et erwaard hätt. D’Leit hu net gedanzt. Oder net richteg. Déi meescht stoungen do, hunn probéiert iwert Musek ze schwätzen an Béier ze drenken.
Wahrscheinlech hunn och e puer Leit gedanzt. Mä et louch eng komesch Stemmung iwert dem ganzen. Angscht a Schrecken waaren och héi. Irgendwou an den Ecken vun dem wonnerbar dreckegen an knaschtegem Gebai hunn se sech verstoppt an nemmen drop gewaard, daat ech géif laanscht goen, fir sech op mech ze gehéihen an mech zu Buedem ze rappen.

En plus huet mech daat ganzt e bessen un een Baal erennert. Op engem Baal leeft och schlecht Musek, Leit stinn do an drenken Béier. Waar ech ieren op der eisterraischerer Versioun vun engem Baal gelandt? Wéi konnt daat passéieren? D’Location waar dach awer fuerchtbaar cool?

Angscht a Schrecken haaten mech. Wou waaren déi lusch Leit mat den Drogen? Firwaat waar de Rastamann net héi? Wiesou gouf et héi just Béier a komesch Musek? A virun allem: Waat hunn déi Franzousen héi gemaach?

Daat enzegt, waat elo nach gehollef huet, waar d’Flucht.
An déi huet e bessen méi laang gedauert. Ech sinn duerch de Schnéi getrollt, sinn an déi komplett falsch Richtung gelaaf, bis ech endlech opginn hunn an een Taxi mech opgeraaf huet …

Download audio file (angschtaschrecken104.mp3)
download mp3 Angscht a Schrecken ob enger Hausaweiungsparty irgendwou am reenege Süden vum Land

Mä waat mescht een bei Gebaier? Ech hunn ee Gebai kannt, daat huet nach een Joer nodeem et färdeg gebaut waar, no Faarw gestonk. Net nemmen bannen, mä och baussen. Et huet een gemengt, daat Gebai géif Faarwgeroch schweesen. An et si jo net nemmen néi Gebaier, déi richen. Et geht schon duer, daat een den Geroch vum Virbesetzer einfach schon erem fort ass, daat Haiser ufänken no Faarw an Mazout ze richen.
Et ged wahrscheinlech just eng enzeg Method, fir een Haus esou richen ze lossen, daat et seng Bewunner net stéiert: eng Hausaweiungsparty, op englesch och „House warming party“ genannt. An ob genee esou eppes waat ech agelueden. An déi Party sollt am reenege Süden vum Land iwwert Bühn goen.

Meteorologesch gebild an/oder tréi Nolauschter wëssen, daat den Süden vum Land de schwaarze Fleck op der Klimakaart ass. Well soen: Et ass do méi kaal an et reent méi oft wéi am Recht vum Land. Daat ass elo keen Minettebashing, mä einfach a simpel wëssenschaftlech Fakten, baséirend op empireschen Donnéen. Ech kann och naischt dovir.

Well ech numol net am reenege Süden wunnen, ass et fir mech emmer eng hallew Weltrees fir an méi oder manner grous Uertschaften an eben dem Süden ze kommen. An ech maachen, Ökohellegenschain verpflichtet, esou Reesen emmer mam Zuch. Wat och meeschtens ganz gudd klappt, och wann ech leider soen muss, daat meng Kentniss vun Zuchstrecken am Süden vum Land net esou gudd ass. Normalerweis ginn d’Uertschaften jo iwer Lautspriecher ugekennegt an während dem Daach gesait een jo och d’Schelder an d’Garen. Mä wann et dann daischter ass, keng Lautspriecher an d’Displayen einfach schwaarz bleiwen, da kommen Angscht a Schrecken op.

Ech wollt net graad aus Domheet irgendwou am postindustriellen Frankraich erausklammen, fir do vun enger Grupp letzebuergescher Drogenverreckter vergewaltegt ze ginn.
Ech hunn also telefonéiert, just fir vun engem Mann am Zuch gesoot ze kreien, daat déi Informatioun, déi ech um Telefon kruut, falsch waar. Daat ass de Problem, wann een Leit besiche geht, déi graad geplennert sinn. Déi kennen sech och nach net esou gudd aus.

Een Bleck no ennen bei d’Dir huet verroden, daat do en Vollert widdert d’Dir vum Zuch gepisst huet. Angscht a Schrecken. Herno luch de Mann um Teppech, deen sech lues a lues mat sengem Seesch vollgesuckelt huet. Mir hunn eng aaner Dir geholl, hunn eisen eidelen Sixpack Béier an d’Dreckskescht gehait an hunn d’ Instruktiounen op mengem Handy befollegt.

Verschidde Leit wärten sech lo wahrscheinlech virstellen, ech hätt esou een iPhone oder soss een komeschen Touchscreentralala aus der Täsch gezunn, hätt Google Maps opgemaach, d’Adress aginn , eng hallew Minut gewaard, an dann no all Schrett déi nächst Etapp ugeklickt, bis mir virun der Dir gestaanen hätten. Dem waar net esou. Ech haat meng Instruktiounen an besse manner wéi 160 Zeechen a konnt direkt lassgoen. Ech well net technikfeindlech eriwerkommen. Mä ech sinn eben e Frend vun einfachen, eleganten Léisungen.

Vir déi Leit, déi et net matkritt hunn: Ween an der Krise nach Souen haat an souwiesou irgendwann eng Kéier een Haus kaafe wollt, deen haat gudd dorunner, daat während der Krise ze maachen. Déi Banken, déi nach Souen haaten, waaren nämlech ganz gail drop, se och direkt erem lass ze ginn, well Zensen an secher Ulaagen an iwerhaapt, mir waare scho laang net méi am Casino. Des Lescht hunn ech een Artikel gelies, dee gemengt huet, Economie wier iwerhaapt keng Wessenschaft. Ech hunn daat interessant fonnt. Villaischt waar daat jo wierklech alles nemmen Humburg, genee wéi esou vill aaner Saachen, déi Leit als „Wessenschaft“ betruechten.

Eng Hausaweiungsparty also. Nach waaren net esou vill Leit do, mä daat sollt sech an denen nächsten Stonnen änneren. No engem relativ luesen Start ass et dunn irgendwann eppes ziessen ginn, waat den Alkoholkonsum an domadder och d’Stemmung gehuewen huet. Woubai ech net genee wees, ob d’Stemmung net och vilaischt den Alkoholkonsum gehuewen huet. Et ass schwéier.

Amsterdam. Déi enzeg Haaptstadt an Europa, déi net zouglaich Regierungssetz ass. Kaum eng Staadt ged esou mat Drogen, Sex an Exzesser verbonnen. Ged et eng aaner europäesch Staadt, déi sech esou fir en gonzojournalisteschen Trip offréiert, wéi Amsterdam?
A waat fir e besseren Daach, fir op Amsterdam ze fueren, wéi 40 Joer no Woodstock?

Download audio file (angschtaschrecken103.mp3)
mp3 download Angscht a Schrecken zu Amsterdam

Also an den Auto an no knapp 4 Stonnen an villen Warnungen vum Navigatiounsgerät, mir wieren ze séier ennwee sinn mir zu Amsterdam ukomm gewierscht. Wann een bis an esou enger grousser Staat ass, ass et schwéier, de Wee ze fannen, well et iwerall Einbahnstrossen an schlechte Satelitenempfang ged. Héi sinn schon Angscht a Schrecken opkomm. Mä net all ze laang, well irgendwann hu mir en Parkhaus an durno och eisen Hotel fonnt. Daat heescht, mir hunn eng Dier fonnt, déi hannert engem luschen Geldwieselschalter an engem schmuelen Hausagang luch. Op engem Ziedel mat schlechtem Englesch stoung irgendeppes vun enger Receptioun an engem aaneren Haus. Do si mir dunn hi gaangen an kruuten och de Schlessel fir eise Raum, den mir offensichtlech mat aanere Leit gedeelt hunn, wéi mir un Rucksäck an Kleeder op verschiddenen Better gesinn hunn.

Ech fannen et emmer erem komesch, waat fir Betrieber sech „Hotel“ nennen kennen an wéi verschidden dach d’Verdeelung vun de Stären sinn kann. Nach vill méi komesch fannen ech et, wann een no engem „Hostel“ sicht an dann bei engem Hotel rauskennt, daat awer eischter ausgesait wéi en schlechten Hostel.

Mä dat waar grondsetzlech mol egal. Mir waaren an engem vun Asiaten gefuerten Hotel an nach vill méi wichteg: mir waaren zu Amsterdam!
Also virdeischt mol raus, d’Stadt entdecken. Ob enger grousser Plaatz waaren allerlee Strossenkenschtler ze gesinn. Daat waaren virun allem Leit, déi sech als bekannt Figuren verkleed haaten an roueg do stoungen oder Fotoen mat de Leit gemaach hunn. Et waaren zum Beispill den Darth Vader an den Batman ze gesinn. Wiesou sech déi Leit virun allem als Figuren verkleed hunn, déi een schwaarze Kostum hunn an sech dann an d’prall Sonn stellen, hunn ech net ganz verstaanen.

Irgendeen Mellen mat laangen Hoer an enger Stemm, déi no vill Whiskey, Gauloise ouni Filter an Brennspritius geklongen huet, huet d’Leit bei sech geruff an mat secher schrecklecher Stemm irgendwelch konfus Geschichten erziehlt. Hien huet zwar vun sech behaapt, hien wier Féierschlecker, huet awer am Fong just geschwaat an d’Leit no bei sech geruff. Mir sinn relativ wait wech vun em stoen bliwen.
Irgendwann huet en gemengt, mir missten och no bei hien kommen oder mir sollten eis verpissen.
Angscht a Schrecken sinn méi grouss ginn. Wiesou stoungen esou vill Leit rondrem een offensichtlech Drogenverreckten, deen just haart jaizt an keen enzegen vun sengen ugekennegten Tricker mescht?

Mä Amsterdam ass net nemmen voller Meller, déi ob enger grousser Plaatz rondremjaizen, nee, Amsterdam ass och voll mat Hippien an Kifferen. An Leit, déi et gären géifen ginn oder et op manst interessant fannen. Dofir ass Amsterdam och voll mat Butteker, déi Hippie- an Kifferkitsch aus Plastik made in China un Touristen verkeeft, déi dann doheem erziehlen, sie wieren an engem Coffeeshop gewierscht an hätten echt Hanflimonad kaaft, mä do wier awer naischt dran.

Drogenkonsum un allen Stroßenecken. Iwerall an Amsterdam richt een daat, waat bei eis emmer nemmen an Policemeldungen an schlechtem Daitsch als „süßlicher Geruch“ beschriwen ged. Dofir richt een awer guer keen Zigarettendamp. Et ass e bessi esou, wéi wann een epes kriebserregendes, dreckeges, stenkeges mat eppes ersaat hätt, waat op manst mol guer net esou schlecht richt.

Drogenkonsum also. Mir huet daat komescherweis keng Angscht gemaach. Oder soen mir esou: D’Gewessheet, daat zu Amsterdam immens vill Leit rondrem laafen, déi irgendwelch Drogen geholl hunn an wahrscheinlech och oft net genuch Erfahrung mat denen Drogen hunn, fir mat denen Saachen, déi se graad erliewen, emzegoen, huet mir keng Angscht gemaach. Zu Letzebuerg hunn ech vill méi Angscht virun Drogenverreckten, déi op knaschtegem, blaiverseuchten Heroin hänken an mir Zännfleesch aus dem Mond kraatzen wellen, fir et un thailänesch Organhändler ze verkaafen, wéi ech zu Amsterdam Angscht virun irgendwelchen Drogenverreckten haat.

Zu Amsterdam kritt een legal net nemmen Gras an Shit, mä och divers Champgionen, Meskalin-Kaktussen, lusch Saachen wéi Kratom an wahrscheinlech nach genuch aaner psychoaktiv Drogen, déi déi komescht Saachen mam menschlechen Gehier maache kennen. Trotzdem muss een keng Angscht hunn. Konsumenten vun psychoaktiven Drogen verzeihen sech meeschtens an hier Kummer an blocken stonnenlaang op een Labyrinth-Bildschirmschoner oder Mandelbrotequationen.

Mir hunn eis entscheed, eng Glace z’iessen an eng Bootsfahrt duerch d’Kanäl vun Amsterdam ze maachen. Um Scheff hu mir dunn mol direkt geléiert, daat Kanäl zu Amsterdam Grachten heeschen an et der ongeféiher 23 Milliarden dovunner ginn. An ongeféiher genee esou vill Brecken. Amsterdam ass also net nemmen e bessi wéi San Fransicso, mä och e bessen wéi Vendeg. Just, daat während enger Bootsfahrt keen komesch sengt, mä just op 4 verschiddenen Sproochen emmer erem daat selwescht erklärt ged. Wat virun allem dann nerveg ass, wann een op manst 3 vun denen Sproochen versteht an no an no ufänkt, och nach déi hollänesch Erklärungen ze verstoen.

Mä mir hunn awer vill gesinn. Den scheinste Gracht. Den eelste Gracht. Den Gracht mat denen scheinsten Haiser. Een vun denen scheinsten Grachten. Déi schéinsten Breck. An natirlech daat schmuelsten Haus. Daat waar allerdengs net um Band, mä den Kapitän vum Scheff huet extra de Mikro geholl an eis alleguerten op daat schmuelsten Haus zu Amsterdam opmierksam gemaach.
Fréiher hunn an dem Haus drai Familien mat am ganzen 35 Kanner an dem Haus gewunnt. Haut wunnt just nach een Hamster dran.

An esou sinn mir wéider duerch Amsterdam gaangen, hunn Glacen giess, sinn Tretboot gefuer an hunn eis wichteg an schéin Gebaier ungekuckt. An well ech een Fan vum öffentlechen Transport sinn, huet meng Begleedung mir esou guer d’Freed gemaach, fir zwou Statiounen mam Amsterdamer Metro ze fueren. Eigentlech ass den Amsterdamer Metro guer keen richtegen Metro. Et sinn eischter Ubooter, déi duerch den Bulli fueren, ob dem Amsterdam gebaut ginn ass.

Zu gudder Lescht, kuerz iert mir gefuer sinn, waare mir dann awer och an een Coffeeshop. Deen komescherweis ausgesinnen huet wéi eng Meschung aus Waikiki-Hawaii-Bar an engem ofgestirzten Raumscheff. Schlecht Stemmungen. Hannert der Theik stoung de Chef, een Vietnames mat enger Glatz, deen düster dragekuckt huet an wahrscheinlech och een Weltraumnazi waar.
Irgendwann waar et Zait. Mir hu missen raus. Mir hunn missen heem. Mir hu missen bei d’Parkhaus. Ech hunn een Wee gesinn, deen direkt zu der Stross, an der Parkhaus waar, gefouert huet. Ech hu quasi em den Eck d’Parkhaus scho gellen liichten gesinn.

Komesch gemoetresch Formen. Vill véiereckeg Leit ennerwee.
Irgendwann sinn mir laanscht en Geschäft gelaaf, an deem et just een Buch ze kaafen gouf: irgendeen Scientology-Wierk. Un der Dir vun dem Geschäft stoung eng Fra, déi ob englesch Saachen geruff a gesongen huet an probéier huet, onschelleg Leit an de Buttek eranzeien, fir se Scientologygehierzewäschen.
An sie waaren genee ob esou Leit wéi mech aus. Ech hunn wahrscheinlech e bessen ausgesinn, wéi wann ech ob Drogen waar, well ech desorienéiert waar an probéiert hunn, daat blöd Parkhaus ze fannen. Ob Drogenverreckten an ausgebrannten Junkien huet se gewaard, fir se mat hirem komeschen Gesang eranzelackelen an se dann fir hire komesche Kult ze gewannen.
Ech sinn am leschten Moment ob d’Sait gesprongen.

Angscht a Schrecken haate mech. Grachten. Drogenverreckter an Drogenkonsum un all Strosseneck. Routliichtvéirel. Scientology. Féierschlecker, déi nie Féier geschleckt hunn. Orientéierungslos verluer zweschen Milliounen Grachten.

Daat enzegt, waat elo nach gehollef huet, waar d’Flucht…

Elo ged et Angscht a Schrecken Buttons a Stickeren, et gouf eng – wann och net immens gudd besichten – Angscht a Schrecken Liesung an et ged AngschtaSchrecken.lu, wou een all d’Episoden lauschteren an roflueden kann. An iwregens och kommentéiren kann, mä daat maachen irgendswéi déi mannsten Leit. Mä wann ech dann awer froen, wéi se et fannen, fannen déi meescht et emmer gudd. Wat ech och komesch fannen.

Download audio file (angschtaschrecken100.mp3)
Angscht a Schrecken mat Angscht a Schrecken mp3 download

Humor ass jo iwerhaapt eppes „komesches“. Ween kann schon genee definéiren, wouriwer een wärt laachen? An dann ass och d’Fro, ob Angscht a Schrecken onbedengt eppes ass, iwert daat een sech freckt laache misst. Emmerhin ginn oft eescht Themen wéi Drogenmessbrauch an Paranoia am öffentlechen Transport ungeschwaat. Ween wees, wéivill paranoid Drogeverreckter hautesdaags an Zich setzen? Dat erennert mech un den Typ, den ech op menger Rees an den reenege Süden getraff hunn an den mir do ongefroot vun senge riesegen Knospen geziehlt huet. Wat wuehl aus dem ginn ass? Vlaischt hunn se seng Plantage mettlerweil gestiermt an en zillt elo just nach Tomaten?

Emmer wann ech Leit dobai beobachten, wéi se Angscht a Schrecken lauschtren, mierken ech, dat déi meescht Leit net do laachen, wou ech laache géif. Mä op komplett aaneren Plaatzen, déi ech wesentlech manner witzeg fannen. An déi Pointen, déi ech speziell konstruéiren an dran setzen, fir daat een soll driwer laachen, ginn oft einfach ignoréiert oder d’Leit schmunzelen just. Mä do kann een wuehl net ganz vill dogéint maachen. Ech kann mech hechstens als onverstaanend Genie fillen.

Mä dat Gefill hunn ech oft genuch. Also net esou dat vum Genie, mä méi daat vum onverstaanen sinn. Déi Leit, déi oft iwerhaapt naischt verstinn an komescherweis „ironieresitent“ sinn, daat sinn déi, déi am haarsten jaizen. Zum Beispill wann ech eppes géint hier Lieblingshippiedisko soen. Dobai ginn ech am Fong och immens gären dohinner an wollt meng Erliewnisser just a spezieller Form eriwerbrengen. Ech hunn och d’Gefill, daat Leit, déi sech beschwéiren, dat nemmen maachen, well se sech eben gären beschwéiren. An vlaischt huet daat och e bessi mat Tabubresch ze dinn. Oft soen ech Saachen, déi eigentlech jiddereen wees, mä déi awer keen ausschwätzt. Zum Beispill, daat all Nationalfeierdaach d’selwescht ass an een roueg d’Geschicht vun virun zwee Joer ziehle kann, ouni daat irgendeen et mierkt.

Dann ginn et natirlech och Leit, déi sech an hirem nationale Stolz ungegraff fille, wann ech iwer Oberschlesien schreiwen, do géifen et net vill Autoen mat 4-Takt-Motor. Dat war zwar vilaischt bessen eng blöd Ausso, mä heinsdo muss een och en bessen méi blöden Witz duerchgoen lossen.

Mä daat ass quasi de Prais, wann een eng Serie mescht, déi irgendwéi hallewwegs funktionéiert an en klenge, awer duerchaus liewege Fankrees huet.

Dann hunn ech natirlech baal all Woch main ganz perséinlechen Horror. Nämlech wann et dann dorems ged, déi ganz Geschicht héi ze schreiwen. Ech fänken nämlech emmer vill ze vill speit domadder un. Meeschtens Sonndes owes um zeng Auer oder deelweis esouguer nach Méindes moies oder esouguer ereischt am Nometten. Esou wéi haut. Haut hunn ech um eng Auer ungefaangen, ze schreiwen. Mettlerweil ass et halwer 3 an ech muss ech mech elo wierklech flaissen, fir nach irgendwéi färdeg ze ginn an net völleg ausser Otem um Radio unzekommen, well ech hu misse laafen. Well wann een ausser Otem ass, leisst et sech net gudd schwätzen.

Ausserdem ass dann emmer d’Fro: iwer waat schreiwen ech? Deelweis ginn et Wochen, do kann ech mech virun Themen, déi sech lounen géifen, guer net retten. Et ginn awer och Wochen, do kann ech mech virun Leit, déi mir Themen virschloen, guer net retten. An dann ginn et Wochen, do ass einfach naischt geschidd. Summerlach. Oder Wanterlach. Oder Hierschtlach. Deelweis heinsdo och Freijoerslach. Heinsdo ass den Grand-Duché vun der Angscht eben net esou fuerchtbar, wéi ech en braischt, mä vill ze vill brav an biergerlech. D’Politik leeft hannert zouenen Dieren an op manst een vu mengen aalen Kollegen Angscht an Schrecken ass an der Vakanz an erféiert onschelleg Touristen op der belger Plage.

Angscht a Schrecken virum waisse Blaat. Oder eischter virum waissen Bildschirm. Wann ech och nach emmer alles misst mat der Hand schreiwen, géif ech verreckt ginn. Dat kann een jo awer och kengem zoumudden.

An daat enzegt, wat dann nach helleft, ass schreiwen. An seier schwätzen. An probéiren meiglescht keen Fehler ze vertuddelen. Voller Angscht a Schrecken ass dat natirlech schwéier. Mä als Gonzojournalist probéiert een natirlech emmer dat bescht fir seng Nolauschtrer ze brengen.
An deem Senn: op 100 wéider Episoden!

Download audio file (angschtaschrecken97.mp3)
Angscht a Schrecken an Holland mp3 download

Mir hunn eis geduercht: Dat maache mir net a mir fueren mam Zuch duerch hallew Europa an hunn een total verreckten Trip. E puer Leit waar daat awer ze riskéiert an esou hunn mir an haarden Verhandlungen een Kompromess fonnt: Groede an Holland. Wann een also „een total verreckten an ongeplangten Trip duerch Europa“ an „mir fuern op Lorä fecken an saufen“ zesummenziehlt an duerch zwee deelt, kennt en klengt Nascht un der belg-hollänescher Grenz dobai raus. Wiesou och net, hunn ech mir geduercht, an Holland ginn et emmerhin méi legal Drogen wéi an Lëtzebuerg.

Direkt no dem leschten Orales-Examen sinn mir also gefuer. Ech souz an engem aalen 5er BMW an haat en Sixpack bei de Feiß léien. Mir sinn ongeféiher all 30 Minuten stoe bliwen, well irgendeen huet missen pissen an hunn och ongeféiher esou oft néie Béiervirrat mat no vir geholl. Buy the Ticket, take the ride. Keng Zait fir iwer irgendeppes nozedenken. D’Flucht no vir an zwou Richtungen: déi eng a Richtung Holland, déi aaner no uwen op der Promilleskala.

No dem mir also mat Hellef vun engem sattelitengesetzte Navigatiounsgerät zu Groede ukomm waaren, hunn mir och direkt eist Haus fonnt. Et waar wuehl eischter eng Zort Villa mat 8 Schlofkummern, 2 Buedzemmeren, 3 Toiletten an Satelitefernseh. Ech hunn eng Kummer beluecht an erausfonnt, daat et zwou Matrazen gouf. Eng, déi wahrscheinlech mat Gelatine gefellt war, esou mell war se. An eng zweet, normal haard, déi wahrscheinlech vill besser fir de Reck war, awer net esou deen gelatineise pseudowasserbett-Feeling hat.

Egal. Weiderdrenken. Alt nach eng Béier, dofir sinn mir jo héi. Den eischten Owend ass extrem laang gaangen, bis Veier Auer moies oder sou, inklusiv dem Versuch, Nuddelen ze kachen. Et ass schon esou ziemlech geféierlech, ze kachen, wann een voll ass, well et tendéiert een dozou, Saachen wéi Superbiomin (cf. Episod 89) ennert d’Essen ze meschen. Wann een dann och nach keen Salz huet an probéiert d’Nuddelen ze würzen, andeems een Béier an Chipsen an d’Wasser schedd, dann ged et richteg geféierlech. Dofir ass et am Beschten, et léisst een nëmmen ausgebildte Gonzojournalisten a -Fotographen den Job erleedegen. Déi sinn sou Saachen gewinnt an et geht der Welt op manst keen Déirendokter, Pilot, Schaffner oder Drogendealer verlueren, wann se beim Versuch stirwen, well d’Gasfläsch onkontrolléiert explodéirt an hier Gesichter herno ausgesinn, wéi wann een mat enger Méimaschinn driwer gefuer wier.

Den aaneren Moien sinn ech erwäscht an waar fuerchtbar dehydréiert. Irgendwelch Leit haate mech duerch hiert Geblärs erwäscht an irgendeen huet mir eng Béierfläsch an de Grapp gedreckt. Et soll een jo esou wéiderfueren, wéi een opgehaal hätt, da géif et engem och net schlecht ginn. Bei mir huet daat effektiv geklappt. Akaafe fueren, Grillen, Iessen, Pläng maachen fir den Daag. Mir wollten zu puer an eng greißer Staadt fir bessen anzekaafen. Also, Drogen déi, wéi ech just zur Secherheet nach eng Kéier erwähnen wollt, an Holland absolut legal sinn an déi mir och just do konsuméiren wollten. Ausserdem ass bei Angscht a Schrecken jo emmer alles erfonnt. En groussen Deel vum Grupp huet eis schief gekuckt an ass an irgendeen Nascht gefuer, wou et eng ganz Stross voll mat Sexshops ginn ass.

Mir sinn dunn eben a Richtung Coffeeshop gefuer. Awer net graad wait. Well dunn huet den aalen BMW ungefaangen ze stenken an d’Steierung ass net méi esou richteg gaangen.
Mir also un d’Sait gefuer an den ACL ungeruff.
Ech kéint ierch lo ziemlech genee déi 4 Stonnen, déi mir op den Mann vum holläneschen ACL, dem ANWB, den eigentlech en Velosfuerverband ass, gewaard hunn, beschreiwen. Mä ech denken net, daat dat irgendengem wärt notzen. Daat enzegt interessant, wat geschidd ass, waar eng Fraa, déi eis komeschen Orangejus bruecht huet.

De Mann vum ANWB huet du gemengt, den Auto wier futti a misst gefleckt ginn. Dat hätte mir eis nie dreeme geloss an hu vu Verwonnerung mol direkt missen e Béier drenken.Angscht a Schrecken sinn opkomm. Virun allem, wéi mir gemierkt hunn, daat net nemmen en fonkelnéien Kailrimm gerass waar, mä wéi de Mann och nach eng ofgebrache Pulli aus dem Motor gezunn huet. Wat waar nach alles doranner verstoppt? Een klengen Elefant vlaischt?

Nodeems mir erem an eiser Villa ukomm waaren an d’Leit minutelaang genervt haaten, huet sech endlech een erbaarmt an eis géint een Entgeld sain Auto geléint an mir sinn zu zwee an de Coffeeshop gefuer.

Irgendwéi mescht et mir dach schon e bessi Angscht, dat mir haut an enger Welt liewen, wou mir eis driwer opreegen, daat den Handy net innerhalb vun 2 Sekonnen eng Verbindung hierstellt, mir eis awer vu Sateliten guidéiren lossen, wéi wann et naischt wier. Verstidd mech net falsch: GPS ass een wonnerbare System an eng groußarteg Erfindung, mä d’Verhältnissmässegkeet stemmt eben net. Mä et kann een och ganz niichter sinn an sech soen, daat et no e puer Dausend Joer Menscheet och endlech Zait ged, daat een sech net méi stänneg verrennt.

Ob alle Fall hunn mir den Coffeeshop ziemlech direkt fonnt. Virun der Dir stoung en Mann, deen de Prädikat „Kleederschaaf“ op alle Fall verdengt haat. Hien huet eis eis Carte d’Identité gefroot an mir hunn eis Fanger missen op een komescht Fangeropdrockliesgerät leen. Angscht a Schrecken sinn opkomm. Wann een bei eis Zigaretten oder Alkohol keeft, ged jo och net virdeischt per Fangerofdrock gekuckt ob een schon eng Kéier eng Staang zevill mat iwert Grenz geholl huet.

Angscht a Schrecken sinn opkomm. Egal, einfach ignoréiren. Dat ganzt waar an zwee Deeler angedeelt. Uwen de Verkaafsraum, ennen den Raum fir ze konsuméiren an en Orangejus ze drenken. Daat ganzt Gebai huet no Gras geroch. An der Zeitung géif stoen „ein süßlicher Geruch“. Ech wees et jo net, mä fir mech richt Zockerwatt seiß. Oder Schokola. Mä Gras?

Am Verkaafsraum hunn zwee Leit een komescht Spill gespillt, wou se mat flaache Spillsteng iwert den Bried geschoss hunn. Sie hunn ziemlech gelangweilt ausgesinn. Mir mierken: Dem engen sain Paradais kann fir dem aaneren een Refugium vun der Langeweil duerstellen.

An enger dreckeger brongwaisser Schuel huet den Typchen eis drai Gramm ofgewien an an eng kleng praktesch Tiitchen verpaackt. Mir hunn eis gefreet wéi zwee Spacecookies an sinn erem gefuer.

Ofdreiwen an aaner Welten. Ech waar ziemlech wait fort. Naischt gewinnt. Mat breedem Grinsen souz ech an eiser Villa, an där permanent Pornofilmer gelaaf sinn an hunn iwer all Blödsinn, deen irgendeen mir geziehlt huet, gelaacht. Ausserdem hu meng Aan sech onheemlech schnell hin an hier beweegt an ech hunn mech bessi gefillt wéi eng zefridden grinsend Buddhastatue. Keng Zait fir Angscht a Schrecken.

De Grupp huet dunn entschloss, fir op Knokke ze fueren. Knokke, daat ass eng Staat fir raich Bommen an Boppen, déi gären op enger Strandpromenande an enger klimatiséierter Glaskescht setzen an do iwerdéiert Moulen iessen.
Ausserdem ged et een Casino, an dem eng Disko ass. Mir sinn ongeféiher 3 mol iwer all Haaptstross gelaaf, iert irgendeen e Plang haat, wou en wollt higoen an wou net.

Angscht a Schrecken sinn méi a méi grous ginn. Mir waare mat engem holländschen Auto an der Belge, obwuehl mir en Haus an Holland haaten an hunn verzweifelt no enger Plaatz gesicht, wou mir einfach gemitterlech een Béier drenken konnten. De Recht vum Grupp haate mir schon hannert eis geloos, well Disko an engem Casino huet no vill ze vill Angscht a Schrecken gericht.

Mir hunn also eng Bar fonnt. Ganz gemitterlech. Just de Buedem luch voll mat Nessschuelen. Also, mat Cacachuettenschuelen. Angscht a Schrecken sinn erem opkomm. Virwaat luchen an enger Bar an der Belge Nossschuelen um Buedem? Géif daat zu Letzebuerg iwerhaapt goen? Oder géif d’Inspection sanitaire daat Etablissement mat engem Sondereinsatzkommando stiermen?

Ech stelle mir daat ziemlech gruseleg vir, wéi schwaarz vermummenten Gesondheetsinspektren duerch Fenstern an Dieren stiermen an alles mat antibakterieller Flessegkeet ofsprutzen an no all Raum „Room clear“ ruffen.

Egal. Schnell en Béier roof an vive erem an den Auto. Angscht a Schrecken sinn emmer méi grouss ginn. Mir waaren irgendwou an der Pampa vum belge-holländschen Grenzland. Angscht a Schrecken haaten mech. Wiesou den Café mat de Ness? Wiesou iwerhaapt Knokke? Wier et zu Lorä besser gewierscht? A virun allem: Wiesou sinn dauerend Pornoen an eiser Villa gelaaf?

Daat enzegt, waat elo nach gehollf huet, waar d’Flucht. An all méiglech Richtungen op alle méiglechen Skalen.

An et ass net nemmen bei den Déiren esou: Och mir Menschen verleen eis arttypesch saisonofhängeg Verhaalensweisen emmer méi wait no vir. Mir fänken schon am Abrell un ze grillen.

Download audio file (angschtaschrecken94.mp3)
download mp3 Angscht a Schrecken ob enger Grillparty am Fréijoer

An ob eben esou enger Grillparty waar ech virun net all ze laanger Zait.
Do souzen mer also, deelweis an Jacketen, well esou waarm waar et dann eben nach net an hunn bis an d’Dämmerung eran gegrillt, gefruppst an Béier aus diversen Quellen gedronk. Daat flott un enger „Jiddereen brengt eppes mat“-Party: Et muss een selwer net vill matbrengen an irgendeen huet emmer en Sixpack mat drenkbarem Béier matbruecht.

Mir ass daat ganzt ziemlech ongemittlech virkomm. Net, well d’Leit mir net symphatesch gewierscht wieren oder de Béier net gudd oder main Tofu net duerch, mee… et waar Abrell an mir hunn gegrillt. Et ass esou lues kaal ginn an mir souzen dobaussen an hunn eis nemmen esou hallew drun gestéiert. Angscht a Schrecken souzen och irgendwou, vlaischt an engem daischteren Eck, wou daat diffust orangescht Liicht vun der Glouss net op se gefall ass.
Mir waaren dobai, eis un den Klimawandel ze gewinnen. Einfach esou, wéi wann naischt wier! Dann géifen mir elo eben fir Ouschtren grillen goen, och wann et eng Woch virdrun nach geschneit huet!

Zum Gleck ass d’Gespreich dann zu engem vun mengem Lieblingsthemen nirwt mengem Ökohellegenschain, menger beschten Frendin, daat den Nolauschtrer net onbekannt ass, allgemenger an diffuser Gesellschaftskritik oder Kiwidollaren komm: Drogen.
Méi genee: Poppers.
Ech hunn mir déi obligatoresch Schwulenwitzer erwaard, iwert déi ech net laachen kann. Se sinn komm. Normalerweis ass op dem Punkt d’Diskusioun eriwer, irgendeen zielt nach eng Anekdote an dann kennt irgendeen aanert Thema op, iwert daat erem Witzer gemaach ginn, irgendeen eng Anekdote ziehlt an dann ged méi Béier gedronk.

Des Kéier net. Irgendeen huet geruff: „Komm mir fueren Poppers kaafen!“
An hien kruut allgemeng Zoustemmung. Aus der Grillparty, déi e bessi fréih am Joer waar, sollt also
elo eng geféierlech Drogengrillparty ginn …

D’Equipe, déi déi Drog besuerge sollt, ass zesummen gestalt ginn. Ech hunn mech natirlech fraiwelleg gemeld an sinn mat enger Fläsch Béier bei den Auto gehetzt. Wann esou eng Aventure start, muss sech all gudden an treien Gonzojournalist fraiwelleg mellen. Wéi kéint een Gonzojournalist sinn an NET mat ob esou en Trip goen?

Mir hunn eis also mat engem Sixpack an den Auto gesaat, eng schwaarz daitsch Rennmaschin, déi een bei all Geleegenheet an den Setz gepresst huet wéi soss just Astronauten an hirer Rakeitensetzer gedreckt ginn.

Poppers, daat sinn flesseg an kuerzfristeg wierksam Drogen an bestinnt aus Amylnitrit, Butylnitrit oder Isobutylnitrit. Well se virun allem am homosexuellen Millieu als Aphrodisiakum angesaat ginn, ginn se virun allem an Sexshops verkaaft.
Interessanterweis schengen Poppers net verbueden ze sinn an et schengt och keng Unstrenung ze ginn, se ze verbidden. Deelweis mussen se als Teppeschreinger vermaarkt ginn, mee wann den Sexshop Teppeschreinger verkeeft, kann daat de Konsumenten jo egal sinn.

Mir haaten eppes no 10 an waaren zouversichtlech, daat am Fong nach all Sexshop an Metteleuropa misst op sinn.

Den Chauffeur huet op den Gas gedreckt, ech hunn eng Schlupp Béier geholl an lass ass d’Rees an d’Stadt gaangen. Haart an Dreckeg – an virun allem op der Sich no Drogen – een Owend, genau esou wéi ech et gären hunn.

Zu eisem groußen Erstaunen schengt d’Kirch och nach emmer en groußen Anfloss op d’Wirtschaft am Grand-Duché vun der Angscht ze hunn. Anescht kann ech mir et op jidderfalls net erklären, daat een Sexshop Freides Owes em zeng Auer schon zou huet.
Alt erem an den Auer, eng grous Schlupp Béier geholl an wéider. Am Garer Quartier hunn mir dann och fonnt, waat mir gesicht hunn.

Sexshops sinn hier eegen Welt, meeschtens e bessen schmuddeleg an déi Saachen déi een do gesait géif en leiwer am Internet bestellen, well d’Verpackung dann nach net verbleecht ass. Den leiten huet awer ziemlech propper ausgesinn. Vill waiss an vill neonblo Tuben. Mir sinn kuerz duerch d’Geschäft gaangen an hunn eis als Männer op een wesentlecht Kierperdeel reduzéiert gefillt. Angscht a Schrecken sinn opkomm. Waat waar daat vir eng komesch Paralellwelt zweschen Dildoen, Pornofilmer an bloen Neonstuben. En komeschen Moment laang hunn ech mech gefroot, op daat net déi iwreggebliwen Neonstuben vum Kulturjoer 2007 wieren…

Un der Théik stoungen dann verschidden Fläschen mat Poppers. Mir hunn den Mann an der Kees gefroot, op hien eis kéint berooden. Nee, waar seng kloer Äntwert.
Emmerhin waar en eierlech. Mir hunn eis fir déi anscheinend staarkste Fläsch entscheed an hunn eis op den Heemwee gemaach.

Do huet sech erausgestallt, daat d’Party sech mettlerweil no bannen verlaagert hätt. No enger klenger Episode „Mir maan esou wéi wann mir naischt kritt hätten“ hunn mir d’Fläsch dunn erausgezaubert an opgemaach. Ausotmen. Nueslach zouhaalen. Déiiiiiiiiiiiifffffffffff anotmen.

Extrem schnell setzt eng Wierkung an, déi virun allem Laachen ausgeleist huet. Donirwt e bessi Schwindel, d’Gefill, de Kapp géif explodéiren an Reeboufaarwen eraussprangen.
Ech hunn och gemengt, ech géif elo fir emmer esou bleiwen. No 5 Minuten waar d’Wierkung allerdengs schon erem fort. Bis een déi nächst Nues geholl huet. Erem Laachen, Schwindel, rondremtorkelen, eng Nues vun der Drecksdrog huelen, déi wéi Terpentin gericht huet an wahrscheinlech déi selwescht Wierkung haat.

Angscht a Schrecken sinn méi an méi grouss ginn. Waat géif passéiren, wann ech tatsächlech op engem Poppers-Flip géif hänken bleiwen an de Recht vu mengem Liewen just nach Laachen kéint? Wiesou hunn mir schon am Abrell gegrillt? An virun allem: Wiesou ass elo nach een Auto an d’Stadt gefuer, fir eng zweet Fläsch ze kaafen?

Daat enzegt, waat elo nach bliwen ass, waar d’Flucht. An en greisseren Rausch …