Download audio file (angschtaschrecken83.mp3)
mp3 download Angst und Schrecken in… ja, in Luxemburg

Download audio file (angschtaschrecken79.mp3)
mp3 download Angscht a Schrecken op der Fouer

Ech wosst ganz genee daat en Recht haat, mee ween wees daat net? D’Braderie ass fir mech nemmen duerch eng direkt Verbindung zweschen der Hell an der Stadt Letzebuerg ze erklären.(cf. Episode 39) Virausgesaat, et glewt en un eppes wéi eng Hell, waat ech net maachen.
An dann ass do nach d’Fouer. Oh, d’Fouer!
Wann de Jang de Blannen weißt, waat hin ungeriicht hätt, hien geif seng blaan Aan verdreinen an den Deckel vun sengem steeneren Sarg an der Krypta vun der Kathedral opstemmen an als Zombie de Beschof zu Doud erféiren, iert hien dann seng „roaring rampage of revenge“ um Glacis géif fortsetzen.
Do géif hien wahrscheinlech an der Geisterbahn landen, déi dann endlech mol irgendeen ausser klengen Kanner am Spillschoulsalter géif erféiren.

Op irgendengem Hausfraensender huet et geheescht, et wier DEI BESCHTEN AN GREISSTEN BRADERIE VUN ALLEN ZAITEN. Wéi se daat am Virraus schon wessen konnten, hun se natirlech net verrodden. Daat huet geheescht, et waar DEI BESCHTEN AN GREISSTEN BRADERIE VUN ALLEN ZAITEN an Schueberfouer glaichzaiteg. Daat huet geheescht, doubel esouvill ellen an domm Leit an der Staadt, déi engem d’Liewen als Gonzojournalist schwéier géifen maachen.

An natirlech hun mir missten op d’Fouer goen, well do féiert jo keen Wee dolaanscht. Nodeems mir eis duerch all déi Leit gedreckt haaten, déi wéinst DER BESCHTEN AN GREISSTEN BRADERIE VUN ALLEN ZAITEN an der Staadt waaren, sin eis schon déi Leit entgéint komm, déi och op d’Fouer wollten respektiv vun do komm sinn. Angscht a Schrecken hun sech lues awer secher ungekennegt. Des Stadt waar nët fir esou vill Leit gebaut ginn, se waar iwerhaat net drop ausgeluecht, fir esou vill Leit matneen opzehuelen. Nirwt dem allgemengen Fakt, daat den Urbanismus irgendwann kuerz nom Mëttelalter an Lëtzebuerg ausgestuerwen ass, kennt erschweirend nach dobai, daat „Verkéiersplangung“ vun d’Stadthären wahrscheinlech ziemlech laang fir eng relativ ellen Erkrankung vum Verdaungsystem gehaalen ginn ass.
Fir et kuerz ze maachen: Ech haat Angscht, erdreckt ze ginn.

Duerch déi berühmten Entree sinn mir op d’Fouer komm an hun schon mol daat eischt „Spill“ gesinn, waat wahrscheinlech och daat ass, vun dem déi meeschten Leit emmer schwätzen, meeschtens mat dem fuerchtbaar witzegen Saatz:
„Daat enzegt Spill, ob daat ech ginn, ass daat gringt! Hahaha!“

Zu der Entree nach eppes: Ech haat gemengt, daat géif all Joer vun irgendengem aaneren Kenschtler speziell entweckelt ginn, mee dest Joer huet et mir esou onspektakulär ausgesinn, daat ech net mol genee gekuckt hun, ob daat wouer waar. War och ziemlech egal, emmerhin ass et just em eng Entrée gaangen, déi an der Nuecht e bessi liicht. Vlaischt. Wann se Loscht huet.

Angscht a Schrecken sprangen een op der Fouer vun all Sait un. All Scheissbued huet eng Persoun, déi et net emol gepackt huet, Moderator bei engem fuerchtbaar hippen Radiosender ze ginn an déi blärt ouni Paus irgendwelch Saachen an een Mikro. Et klengt dann emmer wéi wann et sech em rumänesch géif handeln. Oder soss eng Sproch, déi een selwer net schwätzt, déi engem awer wéinst der Synthax vague bekannt virkennt.

Och deen bekannten Hausfraensender, den mettes nach grousspuereg verkennt haat, daat d’Braderie dest Joer DEI BESCHTEN AN GREISSTEN BRADERIE VUN ALLEN ZAITEN haat en Stand op der Fouer. Virun engem Flipchart mat Buchstawen stoung eng Fraa, déi ausgesinn huet wéi eng Primairsschoulsjoffer aus den 50er Joeren an huet 12jähregen mat engem duerchsichtegen Wiederroodspill ameséiert. Angscht a Schrecken sinn méi grouss ginn.
Aus engem net-evenement wéi der Fouer, déi einfach nemmen do steht an esou wéi emmer ass, sinn EVENTER kreéiert ginn, déi keen wollt hun an och keen gebraucht huet. Mee haaptsaach et waar en emmer do, wou graad EPPES GESCHIDD ass, och wann iwerhaat naischt geschidd ass. (Ausser daat Fouer waar, mee et waar och schon eng Woch virdrun an eng Woch durno Fouer) Eventkultur ad absurdum.

Mir waaren op der Sich no eppes Iessbarem, waat ob der Fouer net esou einfach ass, wéi et schengt, virun allem wann en Leit bei sech huet, déi chronesch ondecidéiert sinn, waat de Choix vun hirem Iessen ungeht. Ausserdem waar meng beschten Frendin, daat de Nolauschtrer net onbekannt ass, der fester Iwerzeegung, d’Praiser op der Fouer géifen innerhalb vun Minuten no uewen korrigéirt ginn.

Eng Theorie, déi guer net emol esou abstrus ass, wann een bedenkt, daat esouguer d’Glaslabyrinth, daat emmer den selweschten Wee huet, méi déier ginn ass. Oh jo, d’Liewensmettelpraiser sinn geklommen! Dofir kascht lo alles op der Fouer en Euro méi déier, virun allem d’Pärderscherskarussell!

Mir hun eis irgendwou op eng Teresse gesaat an hun eis d’Leit ungekuckt, déi iwert Fouer getreppelt sinn. An mir ass opgefall, daat den aaalen, „weisen“ Mann Recht haat: Fir d’Fouer an d’Braderie kommen déi dommsten an ellensten Leit an d’Stadt. Wéi en Magnéit ginn Drogenverreckter, Proleten an Alkoholiker vun der Fouer ungezunn an kommen net méi dovunn lass, bis se völleg voll an mat engem giganteschen Plüschhärz am Grapp heemtorkelen.

Daat ganzt huet mech erennert un een Moment, den ech eng Kéier an der berühnmt-berüchtegter Hippiedisko, déi wéi een Piratenscheff heescht, erliewt hun. Ech waar zwou Minuten alleng geloss ginn, se hun een Lidd mat de Wierder „too much confusion in here“ gespillt an een Mann huet gedanzt. Dunn, soubaal déi Persoun op der Toilet waar, ass et lass gaangen mat de Komeschkeeten:
Eng fuerchtbaar deck Fraa huet ungefaangen mat Danzen, Leit vun der aanerer Sait vun der Disko hun mech riicht an d’Aan gekuckt an wahrscheinlech probéiert, mech ze hypnotiséiren. Dunn ass eng Grupp Persounen ran komm, ennert hinnen eng Zwergenfraa.
Angscht a Schrecken hun sech breed gemaach an ech hun mech gefillt wéi am Film zu „Fear and Loathing in Las Vegas“…

Weider ass et gaangen, laanscht all déi Buden, déi een mat maximaler Lautstärkt ob déi super Gewenner opmierksam gemaach hun, déi an Wierklechkeet just irgendwelch Ramschprodukter vum chineseschen Schwaarzmaart waaren, laanscht eng Onmass vun Gefreissbuden, déi Séissegkeeten verkaafen an emmer all hoergenee d’selwescht ausgesinn.

Irgendeen Student huet eis an d’Spill vun der Cinemathéik gelost. Daat huet net nemmen en Numm, den mir d’Zong brecht, wann ech versichen, en auszeschwätzen, mee och nach zwee belsch Virféierer, déi dauerend während den Stommfilmer quasselen an engem déi Filmer erklären.
Ech hun daat komesch an e bessi stéirend fonnt. Ech sinn einfach gewinnt, daat während engem Film keen schwätzt, virun allem keng Leit, déi net esou wiekrlech witzeg sinn.

Angscht a Schrecken haaten mech. Ech stoung am Zentrum vum letzebuergeschen Draam, der Schueberfouer. Déi Plaatz, wou fetteg Iessen, Schickimicki, Scheissbudenmentalitéit an schnell Gefierer zesummenkommen. Den Epizentrum vun dem, waat dest Land ausmescht. An et waar wéi all Kéiers en eenzegen Alpdraam.

Waat sollten déi haard Budden mat denen chineseschen Schwaarzmaartpraiser? Waat sollt déi Berichterstattung iwert een Event, deen keen waar? Wiesou waaren esou vill Voller, Drogenverreckter an ähnlech Gestalten héi ennerwee? Wiesou waar déi hallew Fouer iwerhaat naischt fir Kanner? An waat sollten déi komesch Flashbacks?

Daat enzegt, waat elo nach gehollef huet, waar d’Flucht. An déi konnt wéinst mir och an de Bistro de la Presse goen…

Download audio file (angschtaschrecken59.mp3)
mp3 download Angscht a Schrecken eng weider Keiher an enger relativ versiffter Hippiedisko, déi wéi en Piratenscheff heescht

Eigentlech sollt en als Gonzojournalist jo emmer ob Angscht a Schrecke gefaasst si. Mee heinsdo ged en eben och äiskaler erwëscht – virun allem dann, wann en mengt, et wier en ob der gewonnener Säit. Ech waar jo schon eng Keier an der relativ versiffter Hippiedisko, déi wéi en Piratenscheff heescht, (Fir puristen: cf. Episode #32) also wosst ech, wat geif ob mech zou kommen. Mee trotzdem ënnerschätzt en emmer erem, wat do ob en zou kennt.

Fir déi Leit, déi déi Folg, wou ech des speziell Location schon eng Keier behandelt haat, nach net héiren hunn, eng kleng Zesummefaassung: Iwerbleibsel aus den 60er Joeren, Hippien an hir geeschteg Nofolger, Drogenkonsum, LSD-gedränkt Fallschiermer an dat flott Wuert polytoxikomaneschen Tripp. A genee dohinner sollt et zeréck goen.

Wéi och meng lescht Rees an déi relativ versifften Hippiedisko ass et och dess Keier op enger Bushaltestell lassgaangen. An erem eng Keier net, fir de Bus ze huelen, mee fir ob den Auto ze waarden, den mech sollt sichen kommen. Den ass och zu mengem Gleck relativ séier komm. Et waar nämlech batter kal dobaussen, an wann ech et nach laang hätt misse waarden, wier ech wahrscheinlech un der Bushaltestell ungefrueren. Datt wier en séiert an kaalt Enn vun menger Diskotour gewierscht.

Mee den Auto ass komm, an hannert dem Stéier souz meng beschte Frëndin, déi den Nolauschter net onbekannt ass. Mir sinn da relativ gemittlech bis an den wellen an onbekannten Oste vum Land gefuer.
Wann een an déi Hippiedisko well, kennt en eigentlech net wirklech dovunner ewech, duerch d’Brousse ze fueren. An esou sin mir och dess Keier duerch den onbekannten Oste gefuer an hunn dobäi Dierfer mat esou wonnerbaren Nimm wéi Eppelduerf passéiert. Vun Eppelduerf wees ech eigentlech guer näischt, ausser dat et do eng Keier am Joer eng grouss Spaghettisfriess ged. Wahrscheinlech ass Eppelduerf déi Uerschaft mat dem héichste Pastafari-Undeel am Land.

Dat meng zween aal Bekannter Angscht a Schrecke mat vun der Partie wieren, ass mir spéitstens du bewosst ginn, wéi mir laanscht en Scheld gefuer si, ob dem stoung, dat d’Stross weinst Bauarbechte gespaart waar. Riets vun mir ass et an en déiwe Gruew eroof gaangen, den ongeféier 5 Meter méi déif loung wéi den Deel opgerappten Buedem, ob dem mir gefuer si. En waar voller Kallek. Ech hun mir virgestallt, wéi den Auto vun der Streck voller Steng an Lächer ofkennt an mir an den Gruew an den Kallek falen. Da geif wahrscheinlech eng gigantesch wäiss Steppswollek rondrëm eis entstoen an mir geifen am wäisse Kallek begruewe gi. En séiert an steppegst Enn vun eiser Diskotour.

Angscht a Schrecke si méi grouss ginn, wéi meng beschte Frëndin, dat den Nolauschterer net onbekannt ass, gemengt huet, dat et wuel keng esou gudd Idee gewierscht wier, déi lei, am grousse ganze relativ onfärdeg Stross ze huelen. Den Auto ass allerdengs nach emmer gefuer. Lues zwar, mee ëmmerhin. Anerersäits hunn ech mir gewënscht, en hätt Allradundriw, dat hätt vill Saache wesentlech méi einfach gemaach.

Irgendwann hate mir den onfärdegen Strossenabschnett dunn awer ouni gréisser Zweschenfäll passéiert an konnten eis Rees Richtung versifften Hippiedisko fortsetzen.

Déi hun mir dun och relativ schnell ereescht. Als eischt. Ech haat daat nach nie. Normalerweis sin mir emmer vill méi speit an déi Hippiedisko gefuer, wou d’Stemmung esou geint 12 lues ufänkt opzekommen, geint Eng den Climax ereescht an dann fir déi meescht bis Zwou oder Drai weidergeht.
Ech haat mer erwaard, daat op manst déi puer aal Hippien, déi schon an den 60er Joeren net zu denen jengsten Hippien geziehlt hun, schon geifen do setzen – oder, an daat huet mer méi wahrscheinlech geschengt, danzen. Ech hun do Leit gesin, déi nie opgehaalen hun, ze danzen. Okay, normalerweis geif en et „an Trance rondremtorkelen“ nennen, mee fir déi Leit waar et wahrscheinlech danzen.
Mee nee, et waar komplett eidel an der berühmt-berüchteger Hippiedisko, déi awer esou daischter an versifft waar wéi emmer.

Mir hun eis also op en vun denen Descher gesaat, wou soss emmer déi Stammclienten kommen, déi offensichtlech just weinst der flotter .. ehm… Atmosphär kommen an net danzen wellen. Daat ass jo och esou eng Saach bei Diskoen. Et gin och Leit ran, déi net danzen wellen.
Meng beschten Frendin, daat den Nolauschter net onbekannt ass, huet also ungefaangen, mir seng lescht Wochen ze erziehlen. Ween hat wéi ech e bessi méi perseinlech kennt, wees, daat dat laang daueren kann. Trotzdem muss ech fair an journalistesch korrekt bleiwen an därf net vergiessen ze erwähnen, daat ech während der Zait keng Spueren vun mengen zwee aalen Bekannten Angscht a Schrecken gesin hun.

Daat sollt sech awer mat der Arrivé vun verschiddenen Leit déi mir vague an menger beschter Frendin, daat den Nolauschter net onbekannt ass, besser bekannt waaren, änneren. Sie hun sech un eisen Dech gesaat an hun ungefaangen hier Geschichten ze zielen. Dobai ass et haaptsächlech drems gaangen, aaner Leit op irgendeng Art an Weis erof ze maachen. Net, daat ech eppes dogeint hätt: ech muss et just net andauerend heiren. Ausserdem sin ech mir ziemlech fehl op der Plaatz virkommen, well ech déi Leit, iwert déi geschwaat gin ass, all net kannt hun. Angscht a Schrecken waren also dach am Raum. Wahrscheinlech haaten sie et sech fir eng knapp Stonn um Contoir gemitterlech gemaach an waaren elo erem do. Dofir awer mat duebeler Kraaft.

Irgendwann hun ech missen op d’Toilett. Daat waar eng gudd Geleegenheet, ewech vun denen komeschen Leit ze kommen an e puer normal Momenter op enger roueger Plaatz ze verbrengen.

Op der Toilett dunn stoungen e puer komesch Leit, déi gesoot hun, et wier alles besaat. Ech sin mir direkt virkomm wéi op den Toiletten am „Breat Easton Ellis“ sengem Roman „American Psycho“. Do ged emmer mat irgendwelchen Drogen gedealt an et spillen sech déi verrecksten an eklegsten Szenen do oof. Bis elo waar mir esou eppes nach nie passéiert.
Mee déi Leit, déi do stoungen an komesch Witzer gemaach hun, hun den Androck vun Drogenverreckten op mech gemaach. Net déi Zort vun gemittlechen Junkien, déi den ganzen Daag op der Gare setzen an eng Keier all puer Deeg austicken an sech geigensaiteg unjaizen. Sie hun och net gewierkt wéi e puer Kifferen, déi drop an drun waaren, sech och nach déi lescht puer Gehierzellen wechzedämpen.
Nee, daat lei waaren geiferlech Drogenverreckter. Angscht a Schrecken sin méi grous gin. Waat geif elo mat mir passéiren? Geifen se mech mam Kapp an en Pissoir drecken, bis ech keng Loft méi kriit? Oder geifen se den Doftsteen am Pissoir ufänken an déi toxesch Dämp anotmen, fir dann op engem giganteschen Horrortrip Amok ze laafen an déi zwee LSD-getränkt Fallschirmer op d’Leit erofzezeien?

Ech wollt net erem goen. Engersaits wollt ech net, daat se weissten, daat ech weisst, daat sie gefeierlech Drogenverreckter waaren, aanersaits hun ech wirklech missen op d’Toilett. Main mettlerweil mettleren Alkoholspiggel huet net wirklech gehollef, eng Entscheedung ze treffen.

Zum Gleck ass een vun den Drogenvereckten aus enger Kabin gesprong komm an ass erausgelaaf. Seng Akoliten sin him hannen drun gaangen. Ech konnt mech erliichteren.

No enger gewesser Zait ass et dun esou lues lassgaangen mam danzen. Mee irgendwéi huet et des Keier net esou geklappt. Ech waar ziemlech midd an menger beschter Frendin, daat den Nolauschter net onbekannt ass, ass et ähnlech gaangen.
Mir hun also relativ schnell erem opgehaalen an sin bis virun d’Dier gaangen.

An der versiffter Hippiedisko ass daat en normalt Ritual. Do stinn dann Hollänner, déi d’Elben-Sprooch aus Herr der Ringe schwätzen (oder eben letztebuergesch, waat bei denen Leit keen Ennerscheed meescht) oder irgendwelch komesch Kiffer, déi virun der Dir en Joint femmen, wéi wann et daat normalst vun der Welt wier. Daat steiert absolut keen.
Anscheinend sollen och schon Leit en Kuch voller komescher Substanzen virun der Dier verdeelt hun. Daat ass awer just en Gerücht.

Ech hun mech gefroot, op den Rastamann och heinsdo geif an der komescher Disko optauchen. Oder ob den Toni eppes mat denen geiferlechen Drogenverreckter vun der Toilett ze din hätt. Vlaischt geif och en Skandaljournalist mat engem botaneschen Nonumm optauchen an mat sengem pyschedeleschen Fotoapparat komesch Biller vun den aalen Hippien maachen, déi schon zenter 40 Joer an der komescher Disko danzen an nach nie opgehaalen hun…

Angscht a Schrecken sin méi an méi grous gin. Irgendwou ass eng Persoun rondremgesprongen déi haard gejaut huet „Ech sin den Praktiker, de Praktiker! Ass daat net wonnerbar!“

Angscht a Schrecken haaten mech. Ech wosst, daat dest defintiv den falschen Daag waar, fir an deser versiffter Hippiedisko aal ze gin. Virun allem, well en wahrscheinlech en polytoxikomaneschen Doud stirwen geif, well den LSD-getränkten Fallschirm op en geif faalen.

Daat enzegt, waat elo nach Bliwen ass, waar d’Flucht…

Download audio file (angschtaschrecken32web.mp3)
mp3 download Angscht a Schrecken an enger relativ versiffter Hippiedisko, déi wéi en Piratenscheff heescht

An wann mir schon bei Relikten sin: Net nemmen d’Disko selwer, mee baal den gesamten Interrieur schengt aus original-Hippiezaiten ze staamen. Woumadder en roueg soen kann, daat et e bessi versifft ausgesait.
Zum Beispill d’Dekoratioun vum Plafong, déi aus zwee groussen Fallschirmer besteht, schengt nach original aus den 60er Joeren ze sinn. Mee dozou speider méi.

Ech haat mir also virgeholl, en Owend, wou ongefeiher eng Millioun Leit an der Staadt wieren, an den Osten vum Land ze fueren. An mengem Plang waar och virgesin, ze danzen. Daat ass nach sou eng Eegenschaft vun dem ganz bestemmten Lokal. Et ass relativ onmeiglech, net ze danzen. An wann en sech selwer net beweegt, sin sou vill Leit rondrem en erem, daat en ganz einfach beweegt ged.
Et ass normalerweis net neideg, ze danzen. Et ged en gedanzt.

Esou Reesen starten meeschtens op enger Bushaltstell. Net, well een den Bus hellt, mee well et eng gudd Plaatz ass fir ze waarden. Et ass en ennerdaach, et kann en sech setzen, an den Auto, den en sichen kennt, huet eng relativ secher Plaatz fir stoenzebleiwen. Heinsdo kennt och en Bus laanscht, den verwonnert stoen bleiwt an en dann nach vill méi verwonnert kuckt, well en net well matfueren.

Ech stoung also op enger relativ kaaler Bushaltestell ze waarden. A be mol ass en, den sech och als Passageier vun mengem Auto ausginn huet, opgetaucht. Hien huet an enger Plastiktuut gekroomt an irgendwelch subspekt Substanzen an en Becher aus engem Fastfood-Restaurant geschott. Wann an mam Fligger flitt, därf en jo bekanntlech keng Flessegkeeten mat huelen, well daat keint jo Flessegsprengstoff sin. Ech fannen daat komesch. Un sech keint och all Knätsch Plastiksprengstoff sin.
Op alle Fall sin mir Leit, déi suspekt Flessegkeeten an den Fastfood-Restaurant-Becher schedden, net ganz geheier. Ausserdem haat ech en liicht aaneren Passageierplang am Kapp. Mee un sech sollt mir daat egal sin.

Den relativ aalen Auto, den och deelweis komesch Geraischer mescht, ass och relativ direkt komm an mir hun eis dun alleguerten erangedreckt. Ech sin abendteuerlech Geschichten gewuer gin. Et ass dobai virun allem em voll Leit gaangen, déi virun den Auto getrollt sin. Héi ged et vlaischt erem Zait, dem Bildungsoptraag vum Medium Radio nozekommen: Alkohol am Strossenverkeiher ass eng gefeierlech Saach. Och als Foußgänger. Et ass méi angenehm, am Grueff ze schlofen an eng Nirenentzündung ze kreien wéi iwerrannt ze gin.

Während der Fahrt ass mir den Typ mat sengen suspekten Flessegkeeten emmer méi onheemlech gin. Sollt hien um Enn en vun denen gefeierlechen Drogenverreckten sin, déi emmer ganz harmlos wierken, bis se eng Keier net méi daat kreien, waat se eigentlech wellen? Angscht a Schrecken waaren ganz eendeiteg mat un Bord. Mee am Moment souzen se nach am Handschuhfach.

Um Wee fir an den Osten vun eisem dach net esou furchtbaaren breeden Ländchen muss en duerch eppes, waat ech geif als “Brousse” bezeechnen. Kleng Dierfer, eng an schaarf Keieren, bei denen en sech freet, op den Strossenplanger den Daag gesoof haat oder just en fanateschen Fan vun Biergcoursen waar.
Mee irgendwann waaren mir dann en dem Duerf am Osten unkomm, wou déi versifften Hippiedisko, déi wéi en Piratenscheff heescht, steht. Nodeems mir den Recht vun der Grupp vun dem mir op manst e bessi suspekten Tipp mat den obskuren Flessegkeeten an sengem Becher begreißt haaten, hun mir irgendwann entschloss, eran ze goen. Dozou muss en vlaischt soen: Bei der Disko ass et och schon een Erliewniss, just virun der Dir ze stoen. Ob manst, wann en zu speiderer Stonn virun der Dir steht.
Verschidden Leit bleiwen och einfach gären an der Heck stoen an huelen illegal Substanzen zou sech, och wann eng domm Idee ass, wann en an daat speziellt Lokal well goen. Do, sou ged gemunkelt, huelen och Leit an daischteren Ecken ongesin illegal Substanzen op.

Mee d’Fro ass eischter déi, ob en daat dann iwerhaat nach muss. Nodeems ech den ziemlech bellegen Entree vun drai Euro bezuehlt haat, hun ech mat Freed festgestallt, daat et haut net esou voll wier wéi soss. Waat sech mat der Zait awer nach änneren sollt, waat awer net onbedengt schlecht waar. Ech hun mir den erwähnten, ziemlech versifften Kader ungekuckt an wosst: Angscht a Schrecken geifen desen Owend och danzen. Mee daat hellt en quasi mat an Kaaf.

Ech hun mir déi besooten Fallschirmer ungekuckt an mir d’Fro gestallt, wievill Stebs do geif drop leien. Mee nach eng aaner Fro huet mech beschäftegt, an daat waar en Fall fir meng zwee Kollegen. Wéivill Spuren vun illegalen Substanzen sollten do nach dran sin. Ech hun mir virgestallt wéi e puer drogenverreckt Hippien den Fallschirm an den 60er mat LSD getränkt hun an sech dun all zesummen drenner geluecht an all puer Minuten eng Keier drun geleckt hun. An Nikotin setzt sech jo bekanntlech an Ridoen of, wiesou also net och aaner, pyschoaktiv Substanzen?

Waat geif passéiren, wann den Fallschirm geif op mech faalen, während ech amgaangen wier, ze danzen? Ech hun mir virgestallt, daat dat en relativ ellenen Trip wier. Polytoxikomanesch Visiounen sin virun mengem enneren Aan opgetaucht. Ech wollt déi net wirklech erliewen. Ech hun also einfach missen hoffen, daat naischt geif passéiren. Alkohol huet et méi einfach gemaach, net dorunner ze denken.

Alkohol haat awer och den Nirweneffekt, daat ech d’Musek besser fonnt hun an der Meenung waar, ech keint richteg gudd danzen, waat ech dann och gemaach hun. Mettlerweil waar ausser engem aalen Hippie, den wahrscheinlech schon 50 Joer laang an der Disko, déi heescht wéi en Piratenscheff, danzt. Emmer d’selwecht. Egal wéi d’Musek graad aas. Wahrscheinlech danzt en och nach, wann d’Musek aus geht an dann muss een him soen, daat hien muss heemgoen.
Ech huelen un, hien waar en vun denen, déi deemols ennert dem Fallschirm souzen, wéi en mat LSD getränkt waar.

Angscht a Schrecken sin e bessi am Alkohol an an de Leit ennergaangen, mee vun Zait zu Zait sin ech erem baal iwer ze gefall. Nämlech all Keiers dann, wann en de Fallschirm um Plafong gesin hun oder main Bleck op net esou illuster Gestalten, déi an engem Eck souzen, aus denen en suspekten seißlechen Geroch komm ass, gefall ass. Déi hun mech dann meeschtens net esou frendlech zereckungekuckt. Ech hun also leiwer weidergedanzt.

Irgendwann kennt de Punkt, wou en sech völleg verausgabt huet an weinst der fehlender Ventilatioun eraus muss fir Loft ze huelen. Dann schwätzt en normalerweis e bessi virun der Dir, wou op manst e puer méi Leit stinn, déi daat och maachen.

Mir hun decidéiert ze goen. Ech waar frou doriwer. Angscht a Schrecken haaten mir den ganzen Owend iwer emmer an emmer erem en klengen Stouss geint d’Schinnebeen gin, sou daat ech mir guer net méi secher waar, op ech net einfach duerch Otmen vun der Loft an dem Lokal op engem schlechten Tripp waar.

Ausserdem haat ech daat schlecht Gefill, daat den owend esou fantastesch gewierscht waar, daat ech mech net wonneren geif, wann den Toni geif optauchen. An daat geif wahrscheinlech bedeiten, daat ech herno wirklech op enger Art vun Tripp gewierscht wier.

Mir hun eis Leit angesammelt an sin dun bei e puer Leit stoen bliwen, déi eng komesch friem Sprooch geschwaat hun. Ech hun mir virdeischt d’Fro gestallt, op ech oder sie Drogen geholl oder ange-otemt hätten, an doweinst geifen eng komesch Fantasiesproch schwätzen, déi mech ganz wait un d’Sprooch vun den Elben aus enger gewesser Romanserie, wou et em en Rang geht, erennert huet. No enger Zait hun ech dun gemierkt, daat et Hollänner waaren, déi probéiert hun, letztebuergesch ze schwätzen.

Waat hun déi hei am Osten vun Letztebuerg, matzen an der Brousse, virun enger versiffter Hippiedisko dei heescht wéi een Piratenscheff gesicht? Geif den Fallschirm eroffaalen an den polytoxikomaneschen Trip “des Todes” ausleisen? Waar den Toni dach irgendwou an der Geigend? Waat geif mat dem aalen Hippie passéiren, wann en misst heemgoen?

D’Flucht waar elo daat enzegt richtegt. Mir hun do nach en Gespraich iwer Journalismus gefouert. Ech hun kengem geziehlt, daat ech Gonzojournalist wier.