Ech souz zu dem Zweck mat genannten Kontakter op enger Terasse vun engem Café onwäit vum Helleg-Geescht Plateau. Mir hunn op eist Zesummentreffen no esou laanger Zäit geprost an allerlee Geschichten erzielt. Esou, wéi een dat eben esou mëscht.

Download audio file (angschtaschrecken117.mp3)
mp3 download

Dat ass eng angenehm Säit um Jetsetterliewen, et kann een dacks „REUNION“ féieren. Interessant dorunner, Leit net all gudden Daag ze gesinn ass och, dat een sech dann eppes ze zielen huet. Virausgesaat, et huet een net schon all Blödsinn op soziale Netzwierker wéi Facebook un déi onintresséiert Ëffentlechkeet posaunt.

Ech si net per se géint sozial Netzwierker. Ech benotzen selwer immens vill vun deenen Siten, sinn dacks op Facebook, twitteren relativ vill an hu scho gebloggt, do wosste vill Leit nach net, wat een Modem wier. Trotzdem hunn ech Leit eppes ze zielen, wëll ech net all Kéiers en Message schreiwen, wann ech op d’Toilett ginn. Am Fong schreiwen ech just dann Messagen iwwert d’final Phas vu menger Verdauung, wann dat op der Toilett vun engem Heichgeschwindegkeetszuch geschitt.

Zum Gléck souz ech mat Leit zesummen, déi genee esou een verstännegen Emgang mam Internet wéi ech hunn. Villäicht sinn se esouguer nach e bëssen méi verstänneg an schreiwen näischt, wann se bei 250 km an der Stonn schäissen.

Iergendwann ass an engem Haus um Helleg-Geescht Plateau Kaméidi komm. Oder éischter: vun der Terasse vun dem Haus ass Kaméidi komm. Mir hu net laang gebraucht fir eng heterosexuell Koppel, déi sech allem Uschäin no zimlech gären haten. Esou koum et, dat den Typ säin Hiem ausgedoen huet. Oder éischter: En krut et ausgedoen. Ech weess net, ob si sech bewosst waren, dat se géifen beobacht ginn.
Angscht a Schrecken sinn kuerz opgeflaamt. Wann een eng Terasse um 5. Stack vun engem Appartementshaus an der Uewerstad huet, rechent een dann net domadder, dat Leit kéinten rop kucken, während een selwer mam Virspill beschäftegt ass?

Et sollt alles nach e bëssi méi louche kommen.
De Kaméidi ass méi haart ginn. Leit hu Kreesch gedo, aaner Leit erop geruff an mat schicken Cocktailglieser gewenkt.
Dat do war keen Koitus am Fräien, mä eng Party. Mat wahrscheinlech Koitus am Fräien. An wéi et ausgesinn huet, waare net zwou Persoun dorunner bedeelegt.

Nirft mir hunn d’Leit iwwer Sex mat Vampiren sinnéiert. Ech froe mech jo, wiesou esou seelen iwwert Sex mat Werwëllef riets gett. Ech wees jo net, mä dat stellen ech mir e bessen méi interessant fir. Also, besonnesch fir Leit, déi Schwellkierper an domadder Blutt bei hirem Akt interessant fannen. An dat sinn der jo awer net wéineg.

Elo hunn d’Leit vum Balkon ugefaangen, d’ Passanten ënnert hinnen ze ruffen. Wahrscheinlech hunn se Obszönitéiten an ironesch Aluedungen gebläert.
Mech huet zu dem Zäitpunkt gewonnert, dat nach keen vun der halwer Millioun Blockwarten aus dem Grand-Duché d’Police geruff hat. Villäicht war awer grad Tour de France an Léit déi 5000 Kalorien am Daag verbrennen an déi natierlech just a Form vu Nuddelen an Banannen zou sech huelen AN och nach zoufällegerweis aus Lëtzebuerg kommen hunn irgendwéi gewonnen oder esou eppes.

Angscht a Schrecken hate mech. War ech mëttlerweil schon esou prüd, dat mech e puer hallefplakeg Leit ofgeschreckt hunn? Oder waar et den blannen Hedonismus, deen déi Gestalten an hirer haarder an vulgärer Art a Weis propagéiert hunn? Wat war esou faszinéierend un Sex mat Vampiren?
A virun allem: Wosst de Luc Frieden, wat net wäit vu sengem ehemolegen Büro géif passéieren?

Dat eenzegt, wat elo nach gehollef huet war eng Glace iesse goen …

Summer ass och esou eng Zäit. A grousse Stiedt gett et onmosseg wäerm, an d’Hetzt zidd och an der Nuecht net eraus. Wann e Pech huet an och mol keen Wand geet, ass et schwiereg, iwwerhapt Ofkillung ze kréien. An genee esou ass et mir gaangen …

Download audio file (angschtaschrecken116.mp3)
download mp3

Irgendwann haat ech es genuch. Keng Loscht méi, dauerend Äistéi maachen ze mussen, fir irgendwéi um Liewen ze bléiwen. Also hunn ech entschloss, ech géif probéiren an de Nordwesten ze kommen, atlantesch-ozeanescht Klima an sou Geschichten.

En Fluch, wéi déi läschten Kéier, konnt ech mir net erlaaben. Mäin Ökohellegeschäin ass ze wichteg a blënkeg, an ausserdem ass Fléien mat der nationaler Fluchgesellschaft vill ze déier. Een Auto hunn ech net, cf. Ökohellegeschäin. Also sinn nach Zuch an Trampen bliwwen. No engem kuerzen Bleck op d’Präislëscht vun der „Österreichischen Bundesbahn“ hunn ech een längere Bleck op Internetsäiten geworf, déi erklären wéi Trampen esou geet an op wat fir Strossen een gutt Trampen kann.
Ech hunn dunn iwwerluecht, wéivill Gepäck ech hätt an dat ech dat net onbedengt immens wäit wéilt matrondremschleefen an hunn an de sauren Apel gebass a mir een Zuchticket bestallt. Lëschterweis kann een bei der ÖBB just Zuchticketen bis Saarbrecken bestellen. Och wann een Lëtzebuerg agett, et kennt emmer nëmmen een Ticket bis Saarbrécken. Angscht a Schrecken sinn opkomm. Viru mengem geeschten Aan ass eng saarlänesch Jamaikakoalitioun Amok gelaaf an huet d’Grenzen zum Grand-Duché zougemaach.

13 Stonnen Rees. Ech hu mech wahnsinneg gefreet. Besonnesch wëll d’Rees moies um 6 géif lassgoen an ech an deenen Deeg virdrun ni méi fréi wéi um 5 Auer am Bett wor. Ech hunn also entschloss, d’Nuecht duerch ze maachen an dann am Zuch ze schlofen. Een perfekte Plang. Zousätzlech zu der Middegkeet vun engem ganzen Daag apaacken an läscht Saache klären géif ech nach Alkohol drenken, fir d’Middegkeet nach ze verstärken.

Nodeems ech gefillten 12 Deeg gebraucht hunn, fir meng Sportsposch mat gefillten 12 Tonnen Kleeder anzepaacken an all mäi Klengkroom, deen ech onbedengt géif brauchen, an een Rucksaack gedreckt haat, war et och scho baal Zäit fir goen. Ech hunn mäi Gefrupps an Gedrénks an déi läscht fräi Plaatzen gedreckt an sinn op den Zuch gaangen.

Ennerwee hunn ech wéi verreckt no mengem Ticket gesicht. Ech haat mir en natirlech zwee mol rausgedreckt. Déi zweet Versioun luch secher ennert all menge Kleeder. Ech wollt déi wierklech just am Noutfall rauskrommen. Zum Beispill wann de Schaffner beim Versuch se ze kontrolléiren a be mol Nuesbludden géif kréien, esou dat den Ticket voll mat Blutt wier. Oder wann ech meng Habseelegkeeten géint duerchgedréint Drogeverreckter verteidege misst an meng eenzeg Waff een hoffentlecht schaarft Steck Pabéier mat mengem Ticket drop wier.

Ech hunn den Ticket natirlech fonnt, mä hunn dräi mol missen kucken, iert ech mir d’Nummer vum Waggon a vu menger Sëtzplaatz gemierkt haat. Ech wees, ech hunn virun e puer Episoden nach behaapt, et wier jo langweileg, d’Setzplaatzen net ze reservéiren, mä ech wollt Schlofen, a Schlofen kann ee virun allem dann gutt, wann een eng Sëtzplaatz reservéiert huet.

Zwanzeg fir Siewen. Den Zuch sollt all Moment fueren. Ech hunn mech kammoud an de Sëtz vu mengem Heichvitessezuch gesaat an eng Bécks Béier opgemaach. Aus mengen Kopfhörerern ass eng Oper komm. Den Klassik-Kanal vum ICE geet net op d’Batterien an berouegt d’Nerven.
D’Leit hunn e bessi komesch gekuckt. Mir sollt et egal sinn.

Wat blöd um Klassik-Kanal am ICE ass: d’Duerchsoen kommen extra-haard duerch d’Kopfhörer. Ech muss net soen, wéi schrecklech „Zänk iu vor traweling wit Deutsche Bahn“ ass, wann een et zwanzeg mol muss héiren. All Kéiers, wann ech irgendwelch interessant Dreem iwwert Drogen a schéin plackeg Mënschen haat, huet mech d’Stëmm vun engem gelangweilten Schaffner, deen mech iwwert de Bistro an der Mëtt vum Zuch informéire wollt, erwäscht. Angscht a Schrecke sinn opkomm.

Trotzdem hunn ech een gutt Steck vun der Streck bis Frankfurt geschloof. Do hunn ech missen emklammen a hu beschloss, den nach fehlenden Ticket vu Saarbrecken op Lëtzebuerg ze kaafen. Den Automat huet de Bus vun Saarbrecken op Lëtzebuerg natirlech net kannt. Ech hu mir, wéi beim Metzler, eng Nummer gezunn an drop gewaard dat ech géif drukommen. Zesummen mat ronn 60 Leit, vun deenen e puer der ausgesinn hunn, wéi wann se iwwert dem Waarden eng Famill gegrennt a Kanner kritt hätten.
Angscht a Schrecken fueren am léifsten mam Zuch.

Glécklecherweis kruut ech mäin Ticket esou just nach mat Zäit a konnt berouegt op Saarbecken fueren. Do hätt ech geenee 4 Minuten fir de Bus ze erwëschen. Net onméiglech, awer och net graad déi relaxten Aufgab.
Irgendwann huet sech een decken, no Tubak sténkenden eelre Mann nierft mech gesaat. Et waar ee klengen Regionalzuch, deen komescherweis Tabloen un all Setz haat. Ech waar extrem midd an de Mann huet genuschelt, mä ech si mir sécher, dëse Saatz héiren ze hunn:
„Hier kann man ja einen Joint drehen, hehehe!“
Ech hu frëndlech gegrinst a näischt gesoot. Drogeverreckt aal Leit, déi sech geigesäiteg „Schatz“ nennen (seng Frau souz op der aanerer Säit vum Gang) an däitsch Iwersetzungen vum Balzac liesen sinn mir … suspekt. Fir et frëndlech auszedrecken. Wann Angscht a Schrecken eng mënschlecht Gestalt hätten, ech wéist ziemlech genee, wéi se géifen ausgesinn.

Den Zuch ass roueg duerch déi westdäitsch Pampa gefuer. D’Zäit ass äiskaal géint mech gelaaf. Ech wosst, dat mäi Plang, einfach ze schlofen, net méi géif opgoen. Angscht a Schrecken haate mech.
Firwaat kann bei der Deutschen Bahn anscheinend kee Mënsch englesch? Wiesou kann een an Eisterräisch keng Ticketen fir a Lëtzebuerg kaafen? Misst ech meng jämmerlech Possesiounen mat engem schaarfen Blat Pabéier, op dem mäin Ticket gedreckt wier, géint Drogeverreckter verteidegen? A virun allem: Géif ech de Bus op Lëtzebuerg nach kréien?

Dat enzegt, wat elo nach gehollef huet, war d’Flucht. D’Flucht aus dem baal nach fuerenden Zuch op der Gare vu Saarbrecken …

Download audio file (angschtaschrecken78.mp3)
mp3 download Angst und Schrecken in Leipzig, auf der Gamesconnvention und sonstwo im Osten

Wir fuhren über Berlin nach Leipzig. Ich erhoffte mir den Glamour der Hauptstadt, die so hip ist, dass man hip in ihr wie den bekannten Kindernahrungsmittelhersteller schreibt. Was mich daran erinnert, dass ich überhaupt nicht verstehen kann, wieso erwachsene Menschen viel Geld für kindgerechtes Kompott ausgeben, dass sie als Kompott/Muss sehr viel billiger erwerben können. Vielleicht will man da auch ein Kindschenschema aufrechterhalten, das in meinen Augen extrem unsexy ist.

Stattdessen sah ich nur die Straßenbahn von Berlin. Und den Fernsehturm. Wieso braucht man eigentlich Türme mit einem Restaurant in der Spitze, um Fernsehen auszustrahlen? Wenn wenigstens Fernsehen dort oben GEMACHT würde, aber nicht einmal das ist der Fall.

In Leipzig begrüßte uns eine gigantische Bahnhofshalle, die wohl monumental aussah, aber -für den Osten sehr untypisch – gar nicht m al so hässlich war. Ein Schild verriet: Sie stammte aus der Zeit, als der Sozialismus nur erst in den Köpfen von irgendwelchen Drogenverrückten real existierte. Die Leipziger hatten nach dem Bau des Bahnhofs dem Architekten beide Hände abgehackt, damit er nie wieder eine höhere Bahnhofshalle bauen konnte. Oder ihn mit einem merkwürdigen Knebelvertrag dazu gewzungen. Oder beides, was wahrscheinlicher ist.

Aus der Bahnhofshalle raus war das erste, was ich erblickte, Rohre. Dicke, grellblau gefärbte Rohre, die merkwürdigerweise alle als überirdische Leitungen funktionierten. Angeblich sind es nur temporäre Entwässerungsrohre. Man baut nämlich einen großen Tunnel unter die Stadt, durch den dann Züge fahren können.
Die cyanblaue Farbe der Rohre errinnerte mich an das Kulturjahr 2007 in Luxemburg, wo der cyanblaue Hirsch das Logo war und die Farbe überall präsent war. Düstere Erinnerungen an Waschbenzin anstatt Rum und viel zu wenig Drogen kamen auf. Angst und Schrecken waren auch durch den nicht mehr existierenden eisernen Vorhang nicht aufzuhalten.

In Leipzig war an dem Wochenende die Games Connvention. Die größte Computerspielmesse Europas. Das bedeutete, dass sich Tausende und Abertausende von Freaks, Gamern, Nerds, Geeks, Computerspielejournalisten und andere Verrückte sich auf den Weg nach Leipzig gemacht hatten und dort die Straßenbahnen verstopften.
Ich hatte mir natürlich eine Presseakkreditierung angefragt, damit ich keine Eintrittpreise und Schlangen an den Eingängen über mich ergehen lassen müsste. Es gibt nichts, wofür man Journalisten besser behandeln sollte als andere Menschen, aber es tut einfach verdammt gut, wenn einem die Füße geküsst werden, weil man das richtige Schildchen umhängen hat. Und es gibt oft lustige Sachen umsonst, manchmal sogar zum Essen.

Wir saßen also in der Strassenbahn zur Games Connvention und betrachteten die Freaks, die da reinstiegen und gar nicht mal versuchten, nicht wie Leute auszusehen, die nur einmal im Jahr, nämlich zur Games Connvention, Sonnenlicht sehen.
Ein relativ massiger Junge mit schiefer Brille hatte einen „Guitar Hero“ Sticker über das Muster auf seinem T-Shirt geklebt, was sein Coolness-Level auf -7 sinken ließ.

Je näher wir an die Messe kamen, desto voller wurde die Straßenbahn mit Gamers, die es kaum erwarten konnten, endlich auf die Games Connvention zu kommen. Sie hatten in der Mehrzahl dunkle Tshirts an, meistens mit irgendwelchen Insider-Sprüchen, oftmals aber auch mit den Namen ihrer Clans.

Als wir dann auf dem Messegelände angekommen waren, hatte ich das Gefühl, bei einer Massenevakuierung nach dem SUPER-GAU dabei zu sein. Radioaktive Strahlung gemischt mit Panik und Wegweisern mit riesigen Schaumstoffhänden, die ständig die Richtung schreien und jeden, der aus der Rolle fällt, anbrüllen.
Angst und Schrecken hatten mich. Wofür dieser Menschenandrang? Wohin wollten all diese Freaks? Und wenn schon so viele vor der Tür waren, wie viele sollten dann erst drinnen sein?

Das Pressezentrum war angenehm ruhig. Hier und da saßen ein paar müde Journalisten und tippten ihre Berichte in ihre Laptops, man wurde freundlich bedient und es waren keine Freaks weit und breit. Durch ein Drehkreuz ging es in das sogenannte „Buissiness-Center“. Ein Saal voller Kasten. Totale Stille. Snackbars. Geschäftsgespräche. Ruhe vor dem Sturm. Hier liefen die wirklich wichtigen Geschäfte auf der Games-Convention. Waffenhandel und sowas.

Da sich irgendwie nichts genaueres über die Anwesenheit von Journalisten herausfinden ließ, bewegten wir uns Richtung Messe. Dafür mussten wir kurz über einen Hof laufen, wo berreits eine unmenge von völlig entkräftigten Freaks auf dem Boden lagen. Einige stöhnten leise, weil ihre Haut verätzte. Das ist eine völlig normale Reaktion, wenn man einige Jahre lang kein Sonnenlicht gesehen hat.

Dann war es soweit. Wir betraten die Messe. Unglaublicher Lärm schallte uns entgegen. Eine Unmenge an Freak, Nerds, Geeks und Gamer drückten sich an einen Stand, an dem ein neues Online-Mulitplayler-Fantasy-Spiel vorgestellt wurde. Ich sah einen kleinn pickligen Jungen mit einer Unfrisur und einer schiefer Kassenbrille, dem der Mund offenstand. Von seinen kleinen spitzen Zähne tropfte der Sabber aus seinem Mund.
Angst und Schrecken hatten mich und ließen mich nicht mehr los. Ich war kaum 5 Minuten auf der Messe selbst und hatte das Grausen selbst schon gesehen. Wenn Angst und Schrecken je personifiziert werden sollten, so ungefähr würden sie aussehen. Oder eher harmloser.

Ich drückte mich durch die Menge und versuchte Spielerinnen zu interviewen. Ich musste aufpassen, sie nicht mit den Hostessen zu verwechseln, die oftmals wie Spielfiguren gekleidet waren und versuchten, das verquere Rollenbild der Frau mit ihrer übersexualisierten Anatomie wiederzugeben. Auch einige Besucherinnen waren verkleidet. Als ich „Lara Croft“ fragte, was sie denn spielte, kam ich mir nach der Antwort „Tomb Raider“ relativ dumm vor. Anderseits war ich Journalist, ich durfte selbst die offensichtlichsten Fragen stellen.

An jedem Stand hatten sie irgendeinen Hampelmann gestellt, der wohl als Berufswunsch hatte, bei einem ultra-hippen Radiosender zu arbeiten, aber nicht mal das schaffte und deshalb jetzt auf Messen die Leute einheizen musste und wahllos T-Shirts in die Menge warf. Eins hätte mich fast am Kopf getroffen, wenn nicht einer als Darth Vader verkleideter Nerd in die Luft gesprungen wäre und es aufgefangen hätte. Angst und Schrecken stellten mir bei jedem Schritt ein Bein – und wäre ich gefallen, ich wäre wohl nie wieder aufgestanden.

Die Leute gröhlten bei jedem Bild von einem neuen Spiel – oder auch nur einem Update, das sie zu sehen bekamen. An allen Teststationen bildeten sich unmöglich lange Schlangen, denn alle waren heiß darauf, das Spiel auch nur fünf Sekunden lang anspielen zu können. Menschen, die den Bösewichtern auf den erwähnten Spielen glichen, versuchten die Schlangestehenden einzuschüchtern, damit sie die Schlange verliessen und diese sich in ein regelbares Maß verkleinerte. Eine Ödipusaufgabe. (Das war jetzt ein sehr lustiger Witz. Die Hörer sind angehalten, jetzt zu lachen.)

In einer Halle waren hochfrisierte PCs zu sehen, die mehr leisten konnten als das Rechenzentrum des luxemburgischen Geheimdienstes und eine bessere Auflösung als die Realität hatten. Wer brauchte so etwas? Oder war die Frage etwa wirklich: Wer brauchte ein Leben, wenn er so einen PC hatte?

Angst und Schrecken hatten mich. Dies war der ideale Ort für das Elfenmädchen, das mir einmal an einem hellen Tag in einer Schule über den Weg gelaufen ist und mein Leben für immer verändert hat. (Zum Schlechteren!)
Wieso waren diese Leute alle so freakig? Wieso war es anscheinend soviel hundert mal toller, ein Trailer auf einer Leinwand zu sehen, während man drei Ellenbogen zwischen jede Rippe gepresst bekam, wenn man ihn auch gemütlich am PC ansehen konnte? Was war an diesen Spielen, die sich teilweise sehr gleichten, so super? Das Bild von dem Jungen, der sabberend auf die Spielepräsentation glotze, verfolgte mich.

Das einzige, was jetzt noch half, war die Flucht. Es war mir egal, wohin. Wegen mir hätte es auch nach Halle gehen können…

Download audio file (angschtaschrecken57.mp3)
mp3 download Angscht a Schrecken mam »Project Chanology«

Mee verschidden Saachen waaren och mir emmer en Rätsel. Wou zum Beispill all déi Videoen an Biller hier kommen, déi durno joerenlaang duerch den Internet an eventuell och duerch déi real Welt turnen. Et ged do zum Beispill déi sougenannten LOL-Cats, den Introsvideo vun engem schlecht iwersaatzen japaneschen Videospill, den Badger-Song, an esou weider, an esou weider. Anscheinend schengt Quell vun all dem Blödsinn d’Sait 4chan ze sin. Daat ass un sech en groussen Forum, wou jiddereen Biller dropsetzen kann. Daat do allerlee Blödsinn dobai ass, versteht sech vum selwen. Wéi ech de Site entdeckt hun, ass et mir kaal den Reck erof gelaaf. Wéi konnt sech esou eng gigantesch Unsammlung vun komeschen Biller an blödsinnegen Kommentaren esou laang virun mir verstoppen? Wiesou huet nie irgendeen mir gesoot, daat den Site geif existéiren? Ech waar mir ziemlech secher, daat meng zwee aal Bekannten Angscht a Schrecken des öfteren op den Site gin, fir sech Inspiratioun ze sichen.

Op alle Fall ass op dem Site och irgendwann en Group enstaanen, den sech konsequenterweis „Anonymous“ nennt. Eng Reih Leit, déi eigentlech jidderengem symphatesch misst sin: Sie hacken myspace-accounts, jooen Pädophiller an verbreeden och soss relativ vill Onrou an Verwirrung am Netz. Ech kann daat alles novollzeien, mee trotzdem sin déi Leit esou… komesch, daat Angscht a Schrecken och bei mir opgetaucht sin, wéi ech déi eischten Keier vun hinnen heiren hun.
An engem komeschen Video huet eng elektronesch Stemm de Krich erklärt. Angscht a Schrecken sin méi grous gin.

Virdeischt hun ech net verstaanen, wourems et gaangen ass. Komesch Wierder sin gefall, an d’Bild vum Video huet eigentlech just aus enger Staadt bestaanen, wou Wolleken laanscht gezun sin. Un sech hun ech mer erwaard, all Moment geif irgendeppes um Bildschirm passéiren, waat mech furchtbaar erfeiren geif an main duerch de ville Gonzojournalismus schon extremt nervöst Härz geif mat engem Cou stoen bleiwen. An dann geif ech doud emfaalen. Mam Kapp op d’Tastatur. Keen extrem schéinen Doud. An op main Grawsteen geifen se schreiwen „Gesturwen, wéi en geliewt huet: mat Angscht a Schrecken“.
Wann ech bessi iwerleen, klengt daat guer net emol esou schlecht als Sproch um Grawsteen. Emmerhin besser wéi „Endlech hällt en de Baack!“, waat wahrscheinlech um Grawsteen vun. gewessen. pseudo-investigativen. Journalisten. Hei. Am. Land. Wärt. Stoen.

Op alle Fall hun ech dunn relativ schnell rausfonnt, em waat et gaangen ass. Anonymous huet der Sekte Scientology den Krich erklärt. Einfach esou. Also, vlaischt net graad einfach esou.
Ech wees net, ob daat en bekannten Fakt ass, mee den Tom Cruise, den jo bekanntermossen an der Sekte Member ass, ass an engem Video opgetaucht, wou en esou ziemlech egal waat geziehlt huet. Also, den Video ass am Internet opgetaucht. An den Tom Cruise huet doranner wirklech ausgesin wéi wann en graad op engem firchterleechen Meskalin-Drogentrip wier an probéiert hätt, mat Speed dovunner roofzekommen an vun sengem Produzent nach eng Taas Kaffi mam Kokain dran servéiert kritt hätt, fir daat d’Wierder besser aus dem Mond rutschen. Ausserdem ass am Hannergrond dauernd d’Titelmelodie vun Mission Impossible gelaaf, déi iwregens en furchtbaaren Ourenwuerm ass.

Angscht a Schrecken. En Video vum Tom Cruise, den sain Gehier am Wäschsalon net nemmen mat enger ordentlecher Portioun Lenor an Calgon gewäsch kruut, mee et anscheinend och nach direkt do vergiess haat.
An als Reaktioun dorobber vun engem Group, den sech „Anonymous“ nennt, en Video mat enger mechanescher Stemm, déi der Scientology-Sekt de Krich erklärt.
Angscht a Schrecken sin méi grous gin.

Ech wosst, daat Scientology eng komplett verreckt Sekt ass, déi dorunner glewen, daat d’Seilen déi an den Menschen stierchen duerch eng Atombommenexplosioun AN engem Vulkan op engem aaneren Planéit vun hirem richtegen Kierper getrennt gin sin. Ausserdem sin sie geint Psychatrie an brengen och schon mol Leit em, wann et muss sin. Immens onbequem an onsymphatesch Leit also, déi net zu normalen Verreckten geziehlt kennen gin. Wann en Mensch dorun glewt, daat irgendeen Typ, den virun 2000 Joer op zwee Stecker Holz houng, vun enger Fraa op d’Welt gesaat gin ass, déi nie Sex haat (bzw. Sex mat engem Geescht, mee daat ziehlt anscheinend net!), dann ass en vlaischt e bessi verreckt. Och wann en dorunner glewt, daat d’Welt vun engem giganteschen Spaghettimonster erschaafen gin ass, huet en vlaischt eng kleng mat der Broutscheiss. Mee et ass en net gefeierlech. An daat ass de Problem mat Scientology. Et ass een Grupp vun gefeierlechen Verreckten, déi d’Leit mat komeschen Gedankenstreimmießinstrumenter traktéiren.

Ech hun mech op engem komeschen, düsteren Wiki, deen en Pokemon als Logo haat, schlau gemaach. Do waaren déi net esou geheim, mee trotzdem düster Pläng vun der „Operation Canology“ opgeschriwen, an daat an engem komeschen Internet-Slang, den quasi net ze verstoen waar, wann en net graad all 2. Beleidegung als Ersatzwuert fir irgendeppes furchtbaar Banales geholl huet. An do stoungen d’Waffen vun desem Krich: Ungreff op de Site vun Scientology, Telefonsunriff, endlos Faxen mat schwaarzen Saiten, Fluchblieder, Veröffentlechen vun internen Dokumenter, an esou weider, an esou weider.

Virun e puer Minuten waar ech nach en ganz normalen Internetbenotzer gewierscht. An elo waar ech zweschen d’Fronten vun engem Krich gerooden, wou op der enger Sait eng onheemlech, anonym Mass stoung, an op der aanerer Sait en Sekt vun geiferlechen Verreckten.
Angscht a Schrecken haaten mech. Daat léi waar gefeierlech, an net op déi normal Art an Weis. Daat léi waar keng Kaffifahrt vun Drogenverreckten, daat léi waar… Krich. Also, anscheinend.

Ech hun mech dorunner erennert, wéi ech eng Keier zweschen d’Fronten vun enger Verschwörung gerooden waar, wou op der enger Sait en Grupp vun anarchisteschen Informatiounsterroristen an de Geheimdengscht stoungen an op der aanerer Sait déi roud-riets-Pol-Pott Brigaden, déi aus dem Keller vun enger letztebuergescher Zeitung eraus operéiert hun.

Naasen Schwees ass mir de Bockel erofgelaaf. Ech wosst net méi, waat ech maachen sollt. Daat enzegt, waat elo nach bliwen waar, waar d’Flucht. Mee och op en virtuellt Kraiz ze drecken, fir vun engem Site erof ze kommen, netzt naischt méi. Ech haat meng Spueren hannerloss, an wann eng vun denen zwou Partéien wollt, konnten sie mech kreien, do waar ech secher …

Download audio file (angschtaschrecken29web.mp3)
mp3 download Angscht a Schrecken op enger halsbriecherescher Fahrt duerch d’Brousse

Ech sin aus menger Jugend gewinnt, vum Stadtkär aus op den Kierchbierg ze fueren an dobai den öffentlechen Transport ze benotzen. Et huet en jo net fir naischt en mat Angscht a Schrecken erkämpften Öko-Hellegenschain. Daat ass eng ziemlech flott symbolesch Saach. Et fiert en den laangen Wee den ganzen Bierg erop, wou een en Land voller Dreem bzw. en popcornverseuchten 10-Sall-Kino erwaard.

Mee des Keier sollt alles anescht kommen.
Ech waar mat e puer Freaks am Auto ennerwee. Eng Frendin, déi lo mol einfach “M.” nennen, haat e puer Stonnen virdrun mat mir ofgemaach, an de Kino ze fueren. Hat haat nach 2 aaner Leit dobai, ech ech net kannt hun, mee déi ech awer net onsymphatesch fonnt hun. Irgendwéi brengt d’M et emmer färdeg, nach Leit fir mat an de Kino ze fannen. Wann enges scheinen Daags op Chreschtdaag geif eng Atombom faalen an Kettenuwen geif explodéiren, d’M geif et trotzdem färdeg brengen, op manst 2 Leit rondrem sech ze versammelen, déi mat him en Film geifen kucken goen.

Aus irgendengem komeschen Grond fueren ech mam M emmer am heigen Tempo iwer irgendwelch obskur Schleichweer an der Brousse, déi direkt hanntert dem Kino erauskommen.
Fir an den Kino waar och alles an der Reih. Den Tempo waar zwar schnell, mee net halsbriecheresch. Mir sin zu Zait fir eisen Film komm an hun eis deen ungekuckt. Doriwer ged et net all ze vill ze zielen.

Mee no dem Film ass et méi interessant gin.

Hun ech soss emmer méi oder manner laang bei méi oder manner kaalen Temperaturen op en Bus gewaard, main Ökohellegenschain poleiert an mir virgestalt, wéi virun ech denen komeschen Drogenverreckten, déi hiren Kaffi moies mat 3 Leffelen Speed dran drenken an den selweschten Bus wéi ech huelen wollten, flüchten kéint.

D’Zait, déi en op en Bus virum Kino waarden muss an d’Lofttemperatur verhaalen sech antiproptional zueneen. Wann et aiskaal ass, dauert et op manst 45 Minuten an/oder den Arret ass weinst enger Motorscourse an den Foirshaalen op enger aanerer Plaatz. Mee wann d’Sonn schengt an naischt dogeint hätt bessi dobaussen ze stoen, steht den Bus schons do, wann en aus dem Kino kennt.

Mee mat denen Problemer hun ech mech des Keier net missen eremschloen. Keng schwiereg klimatesch Bedenungen, keng Drogenverreckter an main Ökohellegenschain keint ech och geschwen geint en Fligerticket bei CO2-Airlines emtauschen.
Waat net heescht, daat et des Keier sollt manner Angscht a Schrecken gin wéi mam öffentlechen Transport, well och den Individualverkeiher huet genuch Potential fir Horrortripper.

Zum Beispill, wann en mat zwee bis drai net nemmen eendaiteg suizidären mee och nach ziemlech verreckten Gestalten an engem Auto vill ze schnell op komeschen Schlaichweeer duerch d’Brousse ennerwee ass.

Ech souz also um Recksetz vun dem Gefir, daat net nemmen raschteg waar, mee och nach seier gefuer ass an komesch Manöver geamaach huet.
Ech hun probeiert verschidden Spannungen ze leisen. Sou zum Beispill d’Wiel vun der Musek, déi zwaar denen zwee Freaks gefall huet, d’M, waat um Steier souz, awer fuerchtbaar nervös gemaach hun.
Waat doranner resulteiert huet, daat haat net nemmen vill ze schnell gefuer ass, mee och nach ziemlech gereizt waar. Waat déi zwee, déi nemmen irgendwelch komesch synthetesch Drogen geholl konnten hun, ausgenotzt an ausgebaut hun.

Zum Beispill, an deem se probeiert hun, en Blaisteft mat den elektreschen Fensteren vum Auto ze spetzen. Waat, just nirwebai gesoot, net gelongen ass. Den Blaisteft ass just ofgebrach.

Et ass eng extrem domm Idee, den Chauffeur vun engem Auto nervös ze maachen.
Ech hun probeiert, mech ze berouegen. Angscht a Schrecken souzen riets an lenks nirwt mir an waaren mat dem selweschten Gurt ungestreckt wéi ech. Daat ass iwregens extrem gefeierlech. Also, zwou Persounen mat dem selweschten Gurt unzestrecken. Ech wees net wiesou, mee ech hun daat heiren an huelen un, daat et stemmt.
Ech hun probeiert, deif an an aus ze otmen an aus der Fenster ze kucken.

Et ass relativ schweier, sech ze entspannen, wann en obskuren Schlaichwee mat gefillten 250 Kilometer an der Stonn laanscht en flitt. Ausserdem ass et eng extrem domm Idee, den Chauffeur vun engem Auto dann nach méi nervös ze maachen, andeems en em stänneg irgendwelch erfonnten Fuerfehler virwerft.

Normalerweis sin ech jo fir eng schnell an rücksichtlos Flucht aus Situtiounen, wou Angscht a Schrecken sech opdrängen an et färt, et geif en en Been oder en Aarm verleiren. Mee meng enzegt Meiglechkeet wier gewierscht, aus engem Auto ze sprangen, den mat gefillten 300 Kilometer an der Stonn duerch d’Brousse gefuer ass an an dem 2 bis 3 Leit souzen, déi definitiv net bei kloerem Verstand waaren.
Ech hätt wahrscheinlech méi wei nemmen een Been verluer. Ech wier ausserdem an der Brousse geland an hätt nie méi heem fonnt.

Mir ass naischt aaneres iwreg bliewen wéi an dem Auto setzen ze bleiwen an ze hoffen. Ze hoffen, daat d’Drogen vun denen Freaks geschwen geifen hier Wierkung verleiren. Ze hoffen, daat irgendeen opmierksamen Passant, zum Beispill den Rastamann oder den Toni en Paack mat denen richtegen Drogen zur Fenster bei mech geif werfen an ech esou keint verdrängen. Ze hoffen, daat ech mech NET geif un déi lescht Verkeiherstatistiken geif erenneren…