An et ass net nemmen bei den Déiren esou: Och mir Menschen verleen eis arttypesch saisonofhängeg Verhaalensweisen emmer méi wait no vir. Mir fänken schon am Abrell un ze grillen.

Download audio file (angschtaschrecken94.mp3)
download mp3 Angscht a Schrecken ob enger Grillparty am Fréijoer

An ob eben esou enger Grillparty waar ech virun net all ze laanger Zait.
Do souzen mer also, deelweis an Jacketen, well esou waarm waar et dann eben nach net an hunn bis an d’Dämmerung eran gegrillt, gefruppst an Béier aus diversen Quellen gedronk. Daat flott un enger „Jiddereen brengt eppes mat“-Party: Et muss een selwer net vill matbrengen an irgendeen huet emmer en Sixpack mat drenkbarem Béier matbruecht.

Mir ass daat ganzt ziemlech ongemittlech virkomm. Net, well d’Leit mir net symphatesch gewierscht wieren oder de Béier net gudd oder main Tofu net duerch, mee… et waar Abrell an mir hunn gegrillt. Et ass esou lues kaal ginn an mir souzen dobaussen an hunn eis nemmen esou hallew drun gestéiert. Angscht a Schrecken souzen och irgendwou, vlaischt an engem daischteren Eck, wou daat diffust orangescht Liicht vun der Glouss net op se gefall ass.
Mir waaren dobai, eis un den Klimawandel ze gewinnen. Einfach esou, wéi wann naischt wier! Dann géifen mir elo eben fir Ouschtren grillen goen, och wann et eng Woch virdrun nach geschneit huet!

Zum Gleck ass d’Gespreich dann zu engem vun mengem Lieblingsthemen nirwt mengem Ökohellegenschain, menger beschten Frendin, daat den Nolauschtrer net onbekannt ass, allgemenger an diffuser Gesellschaftskritik oder Kiwidollaren komm: Drogen.
Méi genee: Poppers.
Ech hunn mir déi obligatoresch Schwulenwitzer erwaard, iwert déi ech net laachen kann. Se sinn komm. Normalerweis ass op dem Punkt d’Diskusioun eriwer, irgendeen zielt nach eng Anekdote an dann kennt irgendeen aanert Thema op, iwert daat erem Witzer gemaach ginn, irgendeen eng Anekdote ziehlt an dann ged méi Béier gedronk.

Des Kéier net. Irgendeen huet geruff: „Komm mir fueren Poppers kaafen!“
An hien kruut allgemeng Zoustemmung. Aus der Grillparty, déi e bessi fréih am Joer waar, sollt also
elo eng geféierlech Drogengrillparty ginn …

D’Equipe, déi déi Drog besuerge sollt, ass zesummen gestalt ginn. Ech hunn mech natirlech fraiwelleg gemeld an sinn mat enger Fläsch Béier bei den Auto gehetzt. Wann esou eng Aventure start, muss sech all gudden an treien Gonzojournalist fraiwelleg mellen. Wéi kéint een Gonzojournalist sinn an NET mat ob esou en Trip goen?

Mir hunn eis also mat engem Sixpack an den Auto gesaat, eng schwaarz daitsch Rennmaschin, déi een bei all Geleegenheet an den Setz gepresst huet wéi soss just Astronauten an hirer Rakeitensetzer gedreckt ginn.

Poppers, daat sinn flesseg an kuerzfristeg wierksam Drogen an bestinnt aus Amylnitrit, Butylnitrit oder Isobutylnitrit. Well se virun allem am homosexuellen Millieu als Aphrodisiakum angesaat ginn, ginn se virun allem an Sexshops verkaaft.
Interessanterweis schengen Poppers net verbueden ze sinn an et schengt och keng Unstrenung ze ginn, se ze verbidden. Deelweis mussen se als Teppeschreinger vermaarkt ginn, mee wann den Sexshop Teppeschreinger verkeeft, kann daat de Konsumenten jo egal sinn.

Mir haaten eppes no 10 an waaren zouversichtlech, daat am Fong nach all Sexshop an Metteleuropa misst op sinn.

Den Chauffeur huet op den Gas gedreckt, ech hunn eng Schlupp Béier geholl an lass ass d’Rees an d’Stadt gaangen. Haart an Dreckeg – an virun allem op der Sich no Drogen – een Owend, genau esou wéi ech et gären hunn.

Zu eisem groußen Erstaunen schengt d’Kirch och nach emmer en groußen Anfloss op d’Wirtschaft am Grand-Duché vun der Angscht ze hunn. Anescht kann ech mir et op jidderfalls net erklären, daat een Sexshop Freides Owes em zeng Auer schon zou huet.
Alt erem an den Auer, eng grous Schlupp Béier geholl an wéider. Am Garer Quartier hunn mir dann och fonnt, waat mir gesicht hunn.

Sexshops sinn hier eegen Welt, meeschtens e bessen schmuddeleg an déi Saachen déi een do gesait géif en leiwer am Internet bestellen, well d’Verpackung dann nach net verbleecht ass. Den leiten huet awer ziemlech propper ausgesinn. Vill waiss an vill neonblo Tuben. Mir sinn kuerz duerch d’Geschäft gaangen an hunn eis als Männer op een wesentlecht Kierperdeel reduzéiert gefillt. Angscht a Schrecken sinn opkomm. Waat waar daat vir eng komesch Paralellwelt zweschen Dildoen, Pornofilmer an bloen Neonstuben. En komeschen Moment laang hunn ech mech gefroot, op daat net déi iwreggebliwen Neonstuben vum Kulturjoer 2007 wieren…

Un der Théik stoungen dann verschidden Fläschen mat Poppers. Mir hunn den Mann an der Kees gefroot, op hien eis kéint berooden. Nee, waar seng kloer Äntwert.
Emmerhin waar en eierlech. Mir hunn eis fir déi anscheinend staarkste Fläsch entscheed an hunn eis op den Heemwee gemaach.

Do huet sech erausgestallt, daat d’Party sech mettlerweil no bannen verlaagert hätt. No enger klenger Episode „Mir maan esou wéi wann mir naischt kritt hätten“ hunn mir d’Fläsch dunn erausgezaubert an opgemaach. Ausotmen. Nueslach zouhaalen. Déiiiiiiiiiiiifffffffffff anotmen.

Extrem schnell setzt eng Wierkung an, déi virun allem Laachen ausgeleist huet. Donirwt e bessi Schwindel, d’Gefill, de Kapp géif explodéiren an Reeboufaarwen eraussprangen.
Ech hunn och gemengt, ech géif elo fir emmer esou bleiwen. No 5 Minuten waar d’Wierkung allerdengs schon erem fort. Bis een déi nächst Nues geholl huet. Erem Laachen, Schwindel, rondremtorkelen, eng Nues vun der Drecksdrog huelen, déi wéi Terpentin gericht huet an wahrscheinlech déi selwescht Wierkung haat.

Angscht a Schrecken sinn méi an méi grouss ginn. Waat géif passéiren, wann ech tatsächlech op engem Poppers-Flip géif hänken bleiwen an de Recht vu mengem Liewen just nach Laachen kéint? Wiesou hunn mir schon am Abrell gegrillt? An virun allem: Wiesou ass elo nach een Auto an d’Stadt gefuer, fir eng zweet Fläsch ze kaafen?

Daat enzegt, waat elo nach bliwen ass, waar d’Flucht. An en greisseren Rausch …

Download audio file (angschtaschrecken33web.mp3)
mp3 download Angscht a Schrecken an der Grillsaison

Eng net onwichteg Roll spillen dobai secher och d’Medien. An Milliounen Tester gin déi neisten Griller, déi beschten Holzkuelen, déi endflammbarst Grillanzünder an déi obskurst Methoden, fir Fleesch an annert Gemeschels ze grillen, getest, verglach an als gudd empfond.
Deck Männer mat komeschen Gesiichtshoerfrisuren zielen eis, waat dann den beschten Wain fir bei daat gegrillten, ungebrannten oder verkuehlten Fleesch wier.

Ech fannen daat schon ziemlech erschreckend. Den allgemengen Gesond- an Schlankheetstrend ged fir déi Nometteger an Owender, op denen gegrillt ged, komplett vergiess. Et ged einfach net gesoot, daat eng Mettwurscht furchtbaar fetteg ass an et och relativ geiferlech ass, ungekuehlten Fleesch ze iessen, well cancerogen.

Daat leist alles relativ vill Angscht a Schrecken bei mir aus, net well do gegrillten Fleesch, daat ech jo bekanntlechermossen net iessen, zum “Maß aller Dinge” eropgehuewen ged, mee vill eischter well do en an Zaiten vun der globaler Erwärmung an allgemengem vun menschen hervirgeruffenen Klimawandel extrem gefeierlechen Trend geschaafen ged.

Et muss gegrillt gin. Elo. Egal, ob d’Sonn schengt oder op graad en Taifun iwer eis Käpp zidd. Dann eben ennert dem Prabbeli. Mee mir grillen.

Un sech kannn en jo naischt dogeint soen. Ech grillen mir eppes net-deiresches mat vill Eewaiß an et ged vill gudd Zaloten, vun denen en herno méi saat ass wéi vun deem, waat stonnenlaang op dem Grill luch. Daat ass alles schéin an gudd. Mee et ass den Fanatismus, mat dem daat ganzt zelebreiert ged, den mir Angscht mescht. Grillen als Reliounsersatz?

Den Beschloss, daat gegrillt ged, ass emmer seier do. An daat geht et un d’Plangen. Wann en geif Spaghetti kachen, wier en an zwou Minuten mam Plangen färdeg, mee beim Grillen ass daat anescht. Virdeischt ged jiddereen gefroot, waat en gären hätt. Et huet en dann Auswiehl zweschen Grillwurschten, Mettwurschten, Kotletten an den nach méi fettegen Alternativen mat Keis dran an Speck ronderem.
Ech gin dann emmer komesch gekuckt, wann ech soen, ech geif matgrillen, mee mir eben main Gegrills selwer matbrengen, well ech et kengem zoumudden well, mussen net-deirescht Gegrills ze kaafen. Virun allem well ech mir selwer daat net zoumudden.

Nodeems dann jiddereen gewiehlt huet, waat hien vertilgen well, ged dann emmer eng Descisioun getraff: “Ech mengen ech huelen vun allem 20 Steck!”. Waat natirlech dozou feiert, daat um Grill-Daag eppes iwreg bleiwt, obwuehl en jo hätt keinten exakt plangen. Den nächsten schrecklechen Deel ass den vun den Zaloten. Et ged laang geschwaat, diskuteiert an virgeschloen. Normalerweis huet een herno awer just zwou Zorten, awer déi duebel an draifach.

Dann keent den Deel, wou et sech lount, bei denen Milliounen Tester an Funk an Fernseh opgepasst ze hun: Waat fir en Grill? Waat fir Kuehlen? Wei fänken mir daat ganzt un?
D’Diren vun der Hell maachen sech grous op, wann en ufänkt, iwert Kuelen, Grillen mat Buchenholz, oder Gasgriller ze diskutéiren. Hellt en déi normal Kuelen oder déi handgeschnetzen Bio-Kuehlen aus Holz aus bio-dynameschen Ubau?

Et ged emmer en designéiert, den de Grill matbrengt. En aaneren grillt an nach en aaneren mescht d’Feier un. Jidderen huet seng eegen, helleg Aufgab. Meng schengt et ze sin, Angscht a Schrecken ze erliewen.

Wann all déi Punkten dobai sin, kennt dann den groussen Daag.
Endlech. D’Sonn schengt (oder och net), et ass vill Alkohol do, et sin genuch Zaloten do vir d’Grondversuergung secherzestellen, d’Fleesch lait och irgendwou an et ged gegrillt.
Verschidden Leit feiren sech op, wéi wann hiren Geburstdaag op Chreschtdaag gefall wier an ausserdem op engem Konzert vun hirer Lieblingsband en Mettel geint de Kriebs erfonnt gin wier an den Traité fir den eiwegen Weltfridden geschloss gin wier.

Alleng daat mescht, daat meng zwee Kollegen Angscht a Schrecken aus dem Kuehlensaack sprangen an mech virun dem ganzen Gegrills zidderen lossen.

Jiddereen fennt grillen flott, mee beonnesch, wann en rondrem en Feier setzt, op dem Gegrillt soll gin, ged engem kloer, wiesou den Mensch relativ schnell an der Geschicht d’Kachmaschin an d’Mikrowell erfonnt huet: Et setzt en irgendwéi emmer am Dapp, stenkt durno wéi en, den zee lang beim Feier souz an et otemt en méi oder manner gefteg Gasen an.

Normalerweis fehlt bei engem Grill-Daag emmer irgendeppes. Oder d’Feier geht net esou un wéi et soll. Dann ged op irgendwelch méi oder manner gefeierlech Mettelen zereckgegraff. Do gin dann Loftblosmaschinen vum Föhn bis hin zur Fliigerturbin ausgepaackt oder et gin brennbar Substanzen vum Benzin bis Nitroglyzerin op d’Kuehlen geschodd, fir se unzekreien.

An Argentinen fueren d’Leit ganz gudd domadder, eng ganz Kou stonnenlaang op richtegem Holz, daat ziemlech liicht brennt, ze grillen. Mee den Mettel- bis Westeuropäer brauch sain Triumph vun der Technik an schedd fossilen Brennstoff op net esou ganz fossil Holzkuelen. Iwer Geschmaach kann en secher streiden, mee mat denen meeschten Argentinnier just op Spunesch.

Angscht a Schrecken sin bei mir bei Grillfester emmer “präson”. Je méi pyromanesch de Grillmeeschter ass, emsou schrecklecher fannen ech daat ganzt. Vlaischt sollt ech déi nächsten Keier einfach selwer grillen.
Oder, an daat ass déi beschten Method, flüchten…