Trotzdem ass d’Welt nach emmer net gerett. Dofir ged et all Joers d’Oekofoire, ob där een dann ganz vill Saache kaafe kann, fir d’Welt ze retten…

Download audio file (angschtaschrecken105.mp3)
download mp3 Angscht a Schrecken ob der Oekofoire

Amsterdam. Déi enzeg Haaptstadt an Europa, déi net zouglaich Regierungssetz ass. Kaum eng Staadt ged esou mat Drogen, Sex an Exzesser verbonnen. Ged et eng aaner europäesch Staadt, déi sech esou fir en gonzojournalisteschen Trip offréiert, wéi Amsterdam?
A waat fir e besseren Daach, fir op Amsterdam ze fueren, wéi 40 Joer no Woodstock?

Download audio file (angschtaschrecken103.mp3)
mp3 download Angscht a Schrecken zu Amsterdam

Also an den Auto an no knapp 4 Stonnen an villen Warnungen vum Navigatiounsgerät, mir wieren ze séier ennwee sinn mir zu Amsterdam ukomm gewierscht. Wann een bis an esou enger grousser Staat ass, ass et schwéier, de Wee ze fannen, well et iwerall Einbahnstrossen an schlechte Satelitenempfang ged. Héi sinn schon Angscht a Schrecken opkomm. Mä net all ze laang, well irgendwann hu mir en Parkhaus an durno och eisen Hotel fonnt. Daat heescht, mir hunn eng Dier fonnt, déi hannert engem luschen Geldwieselschalter an engem schmuelen Hausagang luch. Op engem Ziedel mat schlechtem Englesch stoung irgendeppes vun enger Receptioun an engem aaneren Haus. Do si mir dunn hi gaangen an kruuten och de Schlessel fir eise Raum, den mir offensichtlech mat aanere Leit gedeelt hunn, wéi mir un Rucksäck an Kleeder op verschiddenen Better gesinn hunn.

Ech fannen et emmer erem komesch, waat fir Betrieber sech „Hotel“ nennen kennen an wéi verschidden dach d’Verdeelung vun de Stären sinn kann. Nach vill méi komesch fannen ech et, wann een no engem „Hostel“ sicht an dann bei engem Hotel rauskennt, daat awer eischter ausgesait wéi en schlechten Hostel.

Mä dat waar grondsetzlech mol egal. Mir waaren an engem vun Asiaten gefuerten Hotel an nach vill méi wichteg: mir waaren zu Amsterdam!
Also virdeischt mol raus, d’Stadt entdecken. Ob enger grousser Plaatz waaren allerlee Strossenkenschtler ze gesinn. Daat waaren virun allem Leit, déi sech als bekannt Figuren verkleed haaten an roueg do stoungen oder Fotoen mat de Leit gemaach hunn. Et waaren zum Beispill den Darth Vader an den Batman ze gesinn. Wiesou sech déi Leit virun allem als Figuren verkleed hunn, déi een schwaarze Kostum hunn an sech dann an d’prall Sonn stellen, hunn ech net ganz verstaanen.

Irgendeen Mellen mat laangen Hoer an enger Stemm, déi no vill Whiskey, Gauloise ouni Filter an Brennspritius geklongen huet, huet d’Leit bei sech geruff an mat secher schrecklecher Stemm irgendwelch konfus Geschichten erziehlt. Hien huet zwar vun sech behaapt, hien wier Féierschlecker, huet awer am Fong just geschwaat an d’Leit no bei sech geruff. Mir sinn relativ wait wech vun em stoen bliwen.
Irgendwann huet en gemengt, mir missten och no bei hien kommen oder mir sollten eis verpissen.
Angscht a Schrecken sinn méi grouss ginn. Wiesou stoungen esou vill Leit rondrem een offensichtlech Drogenverreckten, deen just haart jaizt an keen enzegen vun sengen ugekennegten Tricker mescht?

Mä Amsterdam ass net nemmen voller Meller, déi ob enger grousser Plaatz rondremjaizen, nee, Amsterdam ass och voll mat Hippien an Kifferen. An Leit, déi et gären géifen ginn oder et op manst interessant fannen. Dofir ass Amsterdam och voll mat Butteker, déi Hippie- an Kifferkitsch aus Plastik made in China un Touristen verkeeft, déi dann doheem erziehlen, sie wieren an engem Coffeeshop gewierscht an hätten echt Hanflimonad kaaft, mä do wier awer naischt dran.

Drogenkonsum un allen Stroßenecken. Iwerall an Amsterdam richt een daat, waat bei eis emmer nemmen an Policemeldungen an schlechtem Daitsch als „süßlicher Geruch“ beschriwen ged. Dofir richt een awer guer keen Zigarettendamp. Et ass e bessi esou, wéi wann een epes kriebserregendes, dreckeges, stenkeges mat eppes ersaat hätt, waat op manst mol guer net esou schlecht richt.

Drogenkonsum also. Mir huet daat komescherweis keng Angscht gemaach. Oder soen mir esou: D’Gewessheet, daat zu Amsterdam immens vill Leit rondrem laafen, déi irgendwelch Drogen geholl hunn an wahrscheinlech och oft net genuch Erfahrung mat denen Drogen hunn, fir mat denen Saachen, déi se graad erliewen, emzegoen, huet mir keng Angscht gemaach. Zu Letzebuerg hunn ech vill méi Angscht virun Drogenverreckten, déi op knaschtegem, blaiverseuchten Heroin hänken an mir Zännfleesch aus dem Mond kraatzen wellen, fir et un thailänesch Organhändler ze verkaafen, wéi ech zu Amsterdam Angscht virun irgendwelchen Drogenverreckten haat.

Zu Amsterdam kritt een legal net nemmen Gras an Shit, mä och divers Champgionen, Meskalin-Kaktussen, lusch Saachen wéi Kratom an wahrscheinlech nach genuch aaner psychoaktiv Drogen, déi déi komescht Saachen mam menschlechen Gehier maache kennen. Trotzdem muss een keng Angscht hunn. Konsumenten vun psychoaktiven Drogen verzeihen sech meeschtens an hier Kummer an blocken stonnenlaang op een Labyrinth-Bildschirmschoner oder Mandelbrotequationen.

Mir hunn eis entscheed, eng Glace z’iessen an eng Bootsfahrt duerch d’Kanäl vun Amsterdam ze maachen. Um Scheff hu mir dunn mol direkt geléiert, daat Kanäl zu Amsterdam Grachten heeschen an et der ongeféiher 23 Milliarden dovunner ginn. An ongeféiher genee esou vill Brecken. Amsterdam ass also net nemmen e bessi wéi San Fransicso, mä och e bessen wéi Vendeg. Just, daat während enger Bootsfahrt keen komesch sengt, mä just op 4 verschiddenen Sproochen emmer erem daat selwescht erklärt ged. Wat virun allem dann nerveg ass, wann een op manst 3 vun denen Sproochen versteht an no an no ufänkt, och nach déi hollänesch Erklärungen ze verstoen.

Mä mir hunn awer vill gesinn. Den scheinste Gracht. Den eelste Gracht. Den Gracht mat denen scheinsten Haiser. Een vun denen scheinsten Grachten. Déi schéinsten Breck. An natirlech daat schmuelsten Haus. Daat waar allerdengs net um Band, mä den Kapitän vum Scheff huet extra de Mikro geholl an eis alleguerten op daat schmuelsten Haus zu Amsterdam opmierksam gemaach.
Fréiher hunn an dem Haus drai Familien mat am ganzen 35 Kanner an dem Haus gewunnt. Haut wunnt just nach een Hamster dran.

An esou sinn mir wéider duerch Amsterdam gaangen, hunn Glacen giess, sinn Tretboot gefuer an hunn eis wichteg an schéin Gebaier ungekuckt. An well ech een Fan vum öffentlechen Transport sinn, huet meng Begleedung mir esou guer d’Freed gemaach, fir zwou Statiounen mam Amsterdamer Metro ze fueren. Eigentlech ass den Amsterdamer Metro guer keen richtegen Metro. Et sinn eischter Ubooter, déi duerch den Bulli fueren, ob dem Amsterdam gebaut ginn ass.

Zu gudder Lescht, kuerz iert mir gefuer sinn, waare mir dann awer och an een Coffeeshop. Deen komescherweis ausgesinnen huet wéi eng Meschung aus Waikiki-Hawaii-Bar an engem ofgestirzten Raumscheff. Schlecht Stemmungen. Hannert der Theik stoung de Chef, een Vietnames mat enger Glatz, deen düster dragekuckt huet an wahrscheinlech och een Weltraumnazi waar.
Irgendwann waar et Zait. Mir hu missen raus. Mir hunn missen heem. Mir hu missen bei d’Parkhaus. Ech hunn een Wee gesinn, deen direkt zu der Stross, an der Parkhaus waar, gefouert huet. Ech hu quasi em den Eck d’Parkhaus scho gellen liichten gesinn.

Komesch gemoetresch Formen. Vill véiereckeg Leit ennerwee.
Irgendwann sinn mir laanscht en Geschäft gelaaf, an deem et just een Buch ze kaafen gouf: irgendeen Scientology-Wierk. Un der Dir vun dem Geschäft stoung eng Fra, déi ob englesch Saachen geruff a gesongen huet an probéier huet, onschelleg Leit an de Buttek eranzeien, fir se Scientologygehierzewäschen.
An sie waaren genee ob esou Leit wéi mech aus. Ech hunn wahrscheinlech e bessen ausgesinn, wéi wann ech ob Drogen waar, well ech desorienéiert waar an probéiert hunn, daat blöd Parkhaus ze fannen. Ob Drogenverreckten an ausgebrannten Junkien huet se gewaard, fir se mat hirem komeschen Gesang eranzelackelen an se dann fir hire komesche Kult ze gewannen.
Ech sinn am leschten Moment ob d’Sait gesprongen.

Angscht a Schrecken haate mech. Grachten. Drogenverreckter an Drogenkonsum un all Strosseneck. Routliichtvéirel. Scientology. Féierschlecker, déi nie Féier geschleckt hunn. Orientéierungslos verluer zweschen Milliounen Grachten.

Daat enzegt, waat elo nach gehollef huet, waar d’Flucht…

Elo ged et Angscht a Schrecken Buttons a Stickeren, et gouf eng – wann och net immens gudd besichten – Angscht a Schrecken Liesung an et ged AngschtaSchrecken.lu, wou een all d’Episoden lauschteren an roflueden kann. An iwregens och kommentéiren kann, mä daat maachen irgendswéi déi mannsten Leit. Mä wann ech dann awer froen, wéi se et fannen, fannen déi meescht et emmer gudd. Wat ech och komesch fannen.

Download audio file (angschtaschrecken100.mp3)
Angscht a Schrecken mat Angscht a Schrecken mp3 download

Humor ass jo iwerhaapt eppes „komesches“. Ween kann schon genee definéiren, wouriwer een wärt laachen? An dann ass och d’Fro, ob Angscht a Schrecken onbedengt eppes ass, iwert daat een sech freckt laache misst. Emmerhin ginn oft eescht Themen wéi Drogenmessbrauch an Paranoia am öffentlechen Transport ungeschwaat. Ween wees, wéivill paranoid Drogeverreckter hautesdaags an Zich setzen? Dat erennert mech un den Typ, den ech op menger Rees an den reenege Süden getraff hunn an den mir do ongefroot vun senge riesegen Knospen geziehlt huet. Wat wuehl aus dem ginn ass? Vlaischt hunn se seng Plantage mettlerweil gestiermt an en zillt elo just nach Tomaten?

Emmer wann ech Leit dobai beobachten, wéi se Angscht a Schrecken lauschtren, mierken ech, dat déi meescht Leit net do laachen, wou ech laache géif. Mä op komplett aaneren Plaatzen, déi ech wesentlech manner witzeg fannen. An déi Pointen, déi ech speziell konstruéiren an dran setzen, fir daat een soll driwer laachen, ginn oft einfach ignoréiert oder d’Leit schmunzelen just. Mä do kann een wuehl net ganz vill dogéint maachen. Ech kann mech hechstens als onverstaanend Genie fillen.

Mä dat Gefill hunn ech oft genuch. Also net esou dat vum Genie, mä méi daat vum onverstaanen sinn. Déi Leit, déi oft iwerhaapt naischt verstinn an komescherweis „ironieresitent“ sinn, daat sinn déi, déi am haarsten jaizen. Zum Beispill wann ech eppes géint hier Lieblingshippiedisko soen. Dobai ginn ech am Fong och immens gären dohinner an wollt meng Erliewnisser just a spezieller Form eriwerbrengen. Ech hunn och d’Gefill, daat Leit, déi sech beschwéiren, dat nemmen maachen, well se sech eben gären beschwéiren. An vlaischt huet daat och e bessi mat Tabubresch ze dinn. Oft soen ech Saachen, déi eigentlech jiddereen wees, mä déi awer keen ausschwätzt. Zum Beispill, daat all Nationalfeierdaach d’selwescht ass an een roueg d’Geschicht vun virun zwee Joer ziehle kann, ouni daat irgendeen et mierkt.

Dann ginn et natirlech och Leit, déi sech an hirem nationale Stolz ungegraff fille, wann ech iwer Oberschlesien schreiwen, do géifen et net vill Autoen mat 4-Takt-Motor. Dat war zwar vilaischt bessen eng blöd Ausso, mä heinsdo muss een och en bessen méi blöden Witz duerchgoen lossen.

Mä daat ass quasi de Prais, wann een eng Serie mescht, déi irgendwéi hallewwegs funktionéiert an en klenge, awer duerchaus liewege Fankrees huet.

Dann hunn ech natirlech baal all Woch main ganz perséinlechen Horror. Nämlech wann et dann dorems ged, déi ganz Geschicht héi ze schreiwen. Ech fänken nämlech emmer vill ze vill speit domadder un. Meeschtens Sonndes owes um zeng Auer oder deelweis esouguer nach Méindes moies oder esouguer ereischt am Nometten. Esou wéi haut. Haut hunn ech um eng Auer ungefaangen, ze schreiwen. Mettlerweil ass et halwer 3 an ech muss ech mech elo wierklech flaissen, fir nach irgendwéi färdeg ze ginn an net völleg ausser Otem um Radio unzekommen, well ech hu misse laafen. Well wann een ausser Otem ass, leisst et sech net gudd schwätzen.

Ausserdem ass dann emmer d’Fro: iwer waat schreiwen ech? Deelweis ginn et Wochen, do kann ech mech virun Themen, déi sech lounen géifen, guer net retten. Et ginn awer och Wochen, do kann ech mech virun Leit, déi mir Themen virschloen, guer net retten. An dann ginn et Wochen, do ass einfach naischt geschidd. Summerlach. Oder Wanterlach. Oder Hierschtlach. Deelweis heinsdo och Freijoerslach. Heinsdo ass den Grand-Duché vun der Angscht eben net esou fuerchtbar, wéi ech en braischt, mä vill ze vill brav an biergerlech. D’Politik leeft hannert zouenen Dieren an op manst een vu mengen aalen Kollegen Angscht an Schrecken ass an der Vakanz an erféiert onschelleg Touristen op der belger Plage.

Angscht a Schrecken virum waisse Blaat. Oder eischter virum waissen Bildschirm. Wann ech och nach emmer alles misst mat der Hand schreiwen, géif ech verreckt ginn. Dat kann een jo awer och kengem zoumudden.

An daat enzegt, wat dann nach helleft, ass schreiwen. An seier schwätzen. An probéiren meiglescht keen Fehler ze vertuddelen. Voller Angscht a Schrecken ass dat natirlech schwéier. Mä als Gonzojournalist probéiert een natirlech emmer dat bescht fir seng Nolauschtrer ze brengen.
An deem Senn: op 100 wéider Episoden!

Download audio file (angschtaschrecken98.mp3)
mp3 download Angscht a Schrecken schon erem eng Kéier op enger Praisiwerechung an enger Bank

Ech waar alt erem eng Kéiher vill ze vill speit drun an hunn mech missen flaissen. Mat nassen Hoer op den Zuch gerannt, den Ökohellegenschain konnt ech och nach ennerwee poléiren an kucken, op main Hiem richteg geknäppt wier, esouwiesou. Ausser Otem an mat dem schrecklechen Bewosstsinn, daat ech wahrscheinlech völleg durchgeschweest op der Praisiwerechung géif ukommen. Daat ass jo eng Angscht vu ville Leit. Also, daat se völleg nassgeschweest irgendwou ukommen an dann dofir ausgelaacht oder schief gekuckt ginn. Wobai dat jo am Fong naischt esou schlemmes ass. Wann een vun uewen bis ennen voller Bulli irgendwou ukennt, dann hunn d’Matmenschen Recht, een auszelaachen oder schief uzekucken.
Mä net, wann een nass geschweest ass. Ween nass geschweest ass, waar endweder mat ze schicker Kleedung laang an der Sonn, huet geschafft oder sech extrem ugestrengt, fir zu Zait irgendwou ze sinn. Daat sinn Saachen, déi dach eischter e bessi Respekt verdengen wéi daat en Leit dofir sollt auslaachen.

Iwregens: Et ass net de Schwees selwer, deen richt, mä d’Bakterien, déi en zersetzen. Fir genee ze sinn, ginn laangketteg Fettséiren zu méi kuerzen wéi zum Beispill Botterséier zersaat. Ausserdem ass am Schwees Vitamin C. Do wonnert een sech, daat nach keen Mensch an der Liewensmettelindustrie op d’Idee komm ass, een Gesondheetsgedrenks an enger Sauna hierzestellen.

Ech haat iwregens Deo dobai, waat meng Angscht e bessen méi kleng gi geloss huet. Ausserdem hunn ech mech berouegt, andeems ech een interessante Podcast gelauschtert hunn. Daat ass iwerhaat eng flott Strategie. Wann een sech berourgen well, kann een einfach aanere Leit nolauschtren, wéi se iwer interessant Themen schwetzen. Et huet een eng menschlech Stemm, muss sech net ze vill unstrengen, ged awer intelektuell e bessi stimuléiert. Aus dem selweschten Grond haat ech Physikstonnen emmer immens gären.

Déi Bank, an der ech de Prais iwereecht sollt kréien, steet um Kirchbierg. Am Bankevéirel. Et ginn jo am Fong net méi esou vill Banken, déi „downtown“, also an der Uwerstaat stinn. Wahrscheinlech, well et do ze déier ass an een sech net irgendwelch komesch architektonesch Monstren kann dohinnerbauen. De Kirchbierg ass oder waar laang Zait eng enzeg Spillwiss fir Architekten an hier komeschten Ideen.

Ech waar also ennerwee fir op den Kirchbierg. Mam Bus. Irgendeen muss jo mam gudde Beispill vir goen. D’Auer ass verdächteg no un Sechs Auer komm, awer och nemmen, well den Zuch, op deen ech voller Angscht gelaaf waar, Verspeidung haat. Eng ganzer zeng Minuten. An wéi mir alleguerten wessen, sinn et emmer déi lescht zeng Minuten, déi engem d’Geneck briechen. Ech hu mir geduercht: Pff, et mescht esou gesinn dach iwerhaapt keen Ennerscheed, obs du lo fennef Minuten ze speit kenns oder net, bei esou Veranstaltungen dauert et esouwiesou emmer op manst bis um Vierel op bis et unfänkt.

Wait gefehlt. Ech sinn seelenroueg iwert de Parking vun der Deutschen Bank gaangen, laanscht eng Wiss aus Plastik an daat ziemlech ellent Gebai eran.
Wou alles schon amgaangen ass. Den daitschen Botschaftler waar schon amgaangen, eng Ried ze haalen. An Setzplaatzen waar och scho keng méi do.
Daat ganzt Gebai waar am Fong en enzegen, ronnen Bannenhaf. Op all Mauer houngen irgendwelch méi oder manner schéin Biller bzw. déier Konschtwierker an dozweschent hunn irgendwelch Leit déi nächst Finanzkris virbereed. Op verschiddenen Stäck, déi duerch spiralförmeg Gallerien matneen verbonnen waaren. Dat ganzt ennert enger Mellechglaskuppel. Definitiv net wierklech déi gelongenst architektonesch Spillerei um Kierchbierg.

Daat wier dach mol een Concours. Déi gelongsten architektonesch Spillerei um Kierchbierg, gewiehlt vun den Nolauschtrer vum Radio ARA. Aanersaits: Leiwer net. Herno gewennt nach den Kino oder den bekannten Akaafszentrum um Kierchbierg.

Ech stoung also an der Deutschen Bank um Kierchbierg, hu missen un den Josef Ackermann denken an hunn Botschaftler aus drai verschiddenen Länner nogelauschtert, wéi se déi Daitsch Sproch an hier Bedeitung an Letzebuerg geluewt hunn. Irgendwéi huet een emmer nach en komesche Baigeschmaach, wann irgendeen eppes luewt, waat „daitsch“ ass. Wat jo och alt erem ziemlech komesch ass, well wann irgendeen Soviet-Kitsch witzeg fennt, dann laache mer just an denken net un Gulag an Kirch. Dofir: méi laachen iwert Nazien.
Wann et elo demnächst op Youtube en Film ged, wou een Szenen aus „Der Untergang“ mat engem Text ennertitelt huet, wou den Hitler sech opreegt, well ech gesoot hunn, et soll een iwer Nazien laachen, dann sinn ech richteg stolz.

Irgendwann sinn dann déi knapp 150 Leit, déi ausser mir all en Prais kruuten, opgeruff ginn an mir kruuten all en Buch an d’Hand gedreckt. Och flott. Ech sinn frou iwer Bicher. Wéi ech Leit daat geziehlt hunn, hunn déi mech gekuckt wéi wann ech Lepra hätt. Aanersaits: wat hätt ech mat engem Bong fir Bensin ze kaafen gemaach?

Ech hu mech mat e puer Leit ennerhaalen, déi ech vu freiher kannt hunn. Mir waar opgefall, daat an der Bank och en Bild vum Joseph Beuys hänken géif. Angscht a Schrecken sinn opkomm. Mir waar den Numm zwar bekannt, mä d’Bild huet am Fong wierklech just ausgesinn, wéi wann et Gekritzel wier. Emmerhin waar de Mann net esou wait gaangen wéi sai Kolleg an haat Feschsprenzen op en Blaat gepescht an e puer Stricher dobai gemolt. Op engem aanerem Bild waar d’Floss an en Zockerpäcken ze gesinn. Do waar een an de Restaurant an huet direkt zwee Konschtwierker draus gemaach, déi déi daitsch Bank voller Freed kaaft huet. Well irgendwou mussen déi vill Souen jo hinn.

Scho komesch. Mir sinn an der Krise an trotzdem kreien ech stänneg Praiser a Banken iwereegt. Mä , an daat ass bestemmt eng Auswierkung vun der Krise, et gouf just bellege Wain an Chipsen. Ech hätt mir kulinaresch dach e bessi méi erwaard. Op manst en Pain Surprise.

Irgendwann sinn mir dunn gaangen. Also, meng Bekannten sinn bei hiren 60PS-Auto gaangen, bei dem et anscheinend en Wonner ass, wann en 4 Leit transportéire kann an ech sinn – Ökohellegenschain verpflichtet – op de Bus gaangen. Ech hunn eng ganz Retsch vun Feiß ze gesinn kritt. Foussfetischsten hätte sech vlaischt gefreet, mä ech sinn net esou de Fan vun oppenen Blodderen. Aanersaits gouf et eng Persoun, déi en relativ flotte Tattoo um Fouß haat. Waat jo och eng interessant Plaatz fir en Tattoo ass, well net vill Leit se gesinn, ausser et ass een en Hippie an leeft emmer Buerfeiß duerch d’Geigend. Mä dann sinn se vlaischt emmer esou dreckeg, daat een den Tattoo awer net gesait.

Ech kruut alt erem Konscht- a Bauwierker um Kierchbierg erklärt. Scho komesch, wann Leit, déi vun enger Konscht-Sektioun kommen all meiglech Gebaier an Schrottskulpturen beim Numm a bei der Bedeitung kennen. Angscht a Schrecken sinn opkomm, wéi verschidde Leit an déi falsch Richtung gaangen sinn. Bio-Leit hätten net vill Ahnung vun Geo, huet et geheescht.

Mai Bus ass komm. Flucht.

Download audio file (angschtaschrecken59.mp3)
mp3 download Angscht a Schrecken eng weider Keiher an enger relativ versiffter Hippiedisko, déi wéi en Piratenscheff heescht

Eigentlech sollt en als Gonzojournalist jo emmer ob Angscht a Schrecke gefaasst si. Mee heinsdo ged en eben och äiskaler erwëscht – virun allem dann, wann en mengt, et wier en ob der gewonnener Säit. Ech waar jo schon eng Keier an der relativ versiffter Hippiedisko, déi wéi en Piratenscheff heescht, (Fir puristen: cf. Episode #32) also wosst ech, wat geif ob mech zou kommen. Mee trotzdem ënnerschätzt en emmer erem, wat do ob en zou kennt.

Fir déi Leit, déi déi Folg, wou ech des speziell Location schon eng Keier behandelt haat, nach net héiren hunn, eng kleng Zesummefaassung: Iwerbleibsel aus den 60er Joeren, Hippien an hir geeschteg Nofolger, Drogenkonsum, LSD-gedränkt Fallschiermer an dat flott Wuert polytoxikomaneschen Tripp. A genee dohinner sollt et zeréck goen.

Wéi och meng lescht Rees an déi relativ versifften Hippiedisko ass et och dess Keier op enger Bushaltestell lassgaangen. An erem eng Keier net, fir de Bus ze huelen, mee fir ob den Auto ze waarden, den mech sollt sichen kommen. Den ass och zu mengem Gleck relativ séier komm. Et waar nämlech batter kal dobaussen, an wann ech et nach laang hätt misse waarden, wier ech wahrscheinlech un der Bushaltestell ungefrueren. Datt wier en séiert an kaalt Enn vun menger Diskotour gewierscht.

Mee den Auto ass komm, an hannert dem Stéier souz meng beschte Frëndin, déi den Nolauschter net onbekannt ass. Mir sinn da relativ gemittlech bis an den wellen an onbekannten Oste vum Land gefuer.
Wann een an déi Hippiedisko well, kennt en eigentlech net wirklech dovunner ewech, duerch d’Brousse ze fueren. An esou sin mir och dess Keier duerch den onbekannten Oste gefuer an hunn dobäi Dierfer mat esou wonnerbaren Nimm wéi Eppelduerf passéiert. Vun Eppelduerf wees ech eigentlech guer näischt, ausser dat et do eng Keier am Joer eng grouss Spaghettisfriess ged. Wahrscheinlech ass Eppelduerf déi Uerschaft mat dem héichste Pastafari-Undeel am Land.

Dat meng zween aal Bekannter Angscht a Schrecke mat vun der Partie wieren, ass mir spéitstens du bewosst ginn, wéi mir laanscht en Scheld gefuer si, ob dem stoung, dat d’Stross weinst Bauarbechte gespaart waar. Riets vun mir ass et an en déiwe Gruew eroof gaangen, den ongeféier 5 Meter méi déif loung wéi den Deel opgerappten Buedem, ob dem mir gefuer si. En waar voller Kallek. Ech hun mir virgestallt, wéi den Auto vun der Streck voller Steng an Lächer ofkennt an mir an den Gruew an den Kallek falen. Da geif wahrscheinlech eng gigantesch wäiss Steppswollek rondrëm eis entstoen an mir geifen am wäisse Kallek begruewe gi. En séiert an steppegst Enn vun eiser Diskotour.

Angscht a Schrecke si méi grouss ginn, wéi meng beschte Frëndin, dat den Nolauschterer net onbekannt ass, gemengt huet, dat et wuel keng esou gudd Idee gewierscht wier, déi lei, am grousse ganze relativ onfärdeg Stross ze huelen. Den Auto ass allerdengs nach emmer gefuer. Lues zwar, mee ëmmerhin. Anerersäits hunn ech mir gewënscht, en hätt Allradundriw, dat hätt vill Saache wesentlech méi einfach gemaach.

Irgendwann hate mir den onfärdegen Strossenabschnett dunn awer ouni gréisser Zweschenfäll passéiert an konnten eis Rees Richtung versifften Hippiedisko fortsetzen.

Déi hun mir dun och relativ schnell ereescht. Als eischt. Ech haat daat nach nie. Normalerweis sin mir emmer vill méi speit an déi Hippiedisko gefuer, wou d’Stemmung esou geint 12 lues ufänkt opzekommen, geint Eng den Climax ereescht an dann fir déi meescht bis Zwou oder Drai weidergeht.
Ech haat mer erwaard, daat op manst déi puer aal Hippien, déi schon an den 60er Joeren net zu denen jengsten Hippien geziehlt hun, schon geifen do setzen – oder, an daat huet mer méi wahrscheinlech geschengt, danzen. Ech hun do Leit gesin, déi nie opgehaalen hun, ze danzen. Okay, normalerweis geif en et „an Trance rondremtorkelen“ nennen, mee fir déi Leit waar et wahrscheinlech danzen.
Mee nee, et waar komplett eidel an der berühmt-berüchteger Hippiedisko, déi awer esou daischter an versifft waar wéi emmer.

Mir hun eis also op en vun denen Descher gesaat, wou soss emmer déi Stammclienten kommen, déi offensichtlech just weinst der flotter .. ehm… Atmosphär kommen an net danzen wellen. Daat ass jo och esou eng Saach bei Diskoen. Et gin och Leit ran, déi net danzen wellen.
Meng beschten Frendin, daat den Nolauschter net onbekannt ass, huet also ungefaangen, mir seng lescht Wochen ze erziehlen. Ween hat wéi ech e bessi méi perseinlech kennt, wees, daat dat laang daueren kann. Trotzdem muss ech fair an journalistesch korrekt bleiwen an därf net vergiessen ze erwähnen, daat ech während der Zait keng Spueren vun mengen zwee aalen Bekannten Angscht a Schrecken gesin hun.

Daat sollt sech awer mat der Arrivé vun verschiddenen Leit déi mir vague an menger beschter Frendin, daat den Nolauschter net onbekannt ass, besser bekannt waaren, änneren. Sie hun sech un eisen Dech gesaat an hun ungefaangen hier Geschichten ze zielen. Dobai ass et haaptsächlech drems gaangen, aaner Leit op irgendeng Art an Weis erof ze maachen. Net, daat ech eppes dogeint hätt: ech muss et just net andauerend heiren. Ausserdem sin ech mir ziemlech fehl op der Plaatz virkommen, well ech déi Leit, iwert déi geschwaat gin ass, all net kannt hun. Angscht a Schrecken waren also dach am Raum. Wahrscheinlech haaten sie et sech fir eng knapp Stonn um Contoir gemitterlech gemaach an waaren elo erem do. Dofir awer mat duebeler Kraaft.

Irgendwann hun ech missen op d’Toilett. Daat waar eng gudd Geleegenheet, ewech vun denen komeschen Leit ze kommen an e puer normal Momenter op enger roueger Plaatz ze verbrengen.

Op der Toilett dunn stoungen e puer komesch Leit, déi gesoot hun, et wier alles besaat. Ech sin mir direkt virkomm wéi op den Toiletten am „Breat Easton Ellis“ sengem Roman „American Psycho“. Do ged emmer mat irgendwelchen Drogen gedealt an et spillen sech déi verrecksten an eklegsten Szenen do oof. Bis elo waar mir esou eppes nach nie passéiert.
Mee déi Leit, déi do stoungen an komesch Witzer gemaach hun, hun den Androck vun Drogenverreckten op mech gemaach. Net déi Zort vun gemittlechen Junkien, déi den ganzen Daag op der Gare setzen an eng Keier all puer Deeg austicken an sech geigensaiteg unjaizen. Sie hun och net gewierkt wéi e puer Kifferen, déi drop an drun waaren, sech och nach déi lescht puer Gehierzellen wechzedämpen.
Nee, daat lei waaren geiferlech Drogenverreckter. Angscht a Schrecken sin méi grous gin. Waat geif elo mat mir passéiren? Geifen se mech mam Kapp an en Pissoir drecken, bis ech keng Loft méi kriit? Oder geifen se den Doftsteen am Pissoir ufänken an déi toxesch Dämp anotmen, fir dann op engem giganteschen Horrortrip Amok ze laafen an déi zwee LSD-getränkt Fallschirmer op d’Leit erofzezeien?

Ech wollt net erem goen. Engersaits wollt ech net, daat se weissten, daat ech weisst, daat sie gefeierlech Drogenverreckter waaren, aanersaits hun ech wirklech missen op d’Toilett. Main mettlerweil mettleren Alkoholspiggel huet net wirklech gehollef, eng Entscheedung ze treffen.

Zum Gleck ass een vun den Drogenvereckten aus enger Kabin gesprong komm an ass erausgelaaf. Seng Akoliten sin him hannen drun gaangen. Ech konnt mech erliichteren.

No enger gewesser Zait ass et dun esou lues lassgaangen mam danzen. Mee irgendwéi huet et des Keier net esou geklappt. Ech waar ziemlech midd an menger beschter Frendin, daat den Nolauschter net onbekannt ass, ass et ähnlech gaangen.
Mir hun also relativ schnell erem opgehaalen an sin bis virun d’Dier gaangen.

An der versiffter Hippiedisko ass daat en normalt Ritual. Do stinn dann Hollänner, déi d’Elben-Sprooch aus Herr der Ringe schwätzen (oder eben letztebuergesch, waat bei denen Leit keen Ennerscheed meescht) oder irgendwelch komesch Kiffer, déi virun der Dir en Joint femmen, wéi wann et daat normalst vun der Welt wier. Daat steiert absolut keen.
Anscheinend sollen och schon Leit en Kuch voller komescher Substanzen virun der Dier verdeelt hun. Daat ass awer just en Gerücht.

Ech hun mech gefroot, op den Rastamann och heinsdo geif an der komescher Disko optauchen. Oder ob den Toni eppes mat denen geiferlechen Drogenverreckter vun der Toilett ze din hätt. Vlaischt geif och en Skandaljournalist mat engem botaneschen Nonumm optauchen an mat sengem pyschedeleschen Fotoapparat komesch Biller vun den aalen Hippien maachen, déi schon zenter 40 Joer an der komescher Disko danzen an nach nie opgehaalen hun…

Angscht a Schrecken sin méi an méi grous gin. Irgendwou ass eng Persoun rondremgesprongen déi haard gejaut huet „Ech sin den Praktiker, de Praktiker! Ass daat net wonnerbar!“

Angscht a Schrecken haaten mech. Ech wosst, daat dest defintiv den falschen Daag waar, fir an deser versiffter Hippiedisko aal ze gin. Virun allem, well en wahrscheinlech en polytoxikomaneschen Doud stirwen geif, well den LSD-getränkten Fallschirm op en geif faalen.

Daat enzegt, waat elo nach Bliwen ass, waar d’Flucht…

Download audio file (angschtaschrecken32web.mp3)
mp3 download Angscht a Schrecken an enger relativ versiffter Hippiedisko, déi wéi en Piratenscheff heescht

An wann mir schon bei Relikten sin: Net nemmen d’Disko selwer, mee baal den gesamten Interrieur schengt aus original-Hippiezaiten ze staamen. Woumadder en roueg soen kann, daat et e bessi versifft ausgesait.
Zum Beispill d’Dekoratioun vum Plafong, déi aus zwee groussen Fallschirmer besteht, schengt nach original aus den 60er Joeren ze sinn. Mee dozou speider méi.

Ech haat mir also virgeholl, en Owend, wou ongefeiher eng Millioun Leit an der Staadt wieren, an den Osten vum Land ze fueren. An mengem Plang waar och virgesin, ze danzen. Daat ass nach sou eng Eegenschaft vun dem ganz bestemmten Lokal. Et ass relativ onmeiglech, net ze danzen. An wann en sech selwer net beweegt, sin sou vill Leit rondrem en erem, daat en ganz einfach beweegt ged.
Et ass normalerweis net neideg, ze danzen. Et ged en gedanzt.

Esou Reesen starten meeschtens op enger Bushaltstell. Net, well een den Bus hellt, mee well et eng gudd Plaatz ass fir ze waarden. Et ass en ennerdaach, et kann en sech setzen, an den Auto, den en sichen kennt, huet eng relativ secher Plaatz fir stoenzebleiwen. Heinsdo kennt och en Bus laanscht, den verwonnert stoen bleiwt an en dann nach vill méi verwonnert kuckt, well en net well matfueren.

Ech stoung also op enger relativ kaaler Bushaltestell ze waarden. A be mol ass en, den sech och als Passageier vun mengem Auto ausginn huet, opgetaucht. Hien huet an enger Plastiktuut gekroomt an irgendwelch subspekt Substanzen an en Becher aus engem Fastfood-Restaurant geschott. Wann an mam Fligger flitt, därf en jo bekanntlech keng Flessegkeeten mat huelen, well daat keint jo Flessegsprengstoff sin. Ech fannen daat komesch. Un sech keint och all Knätsch Plastiksprengstoff sin.
Op alle Fall sin mir Leit, déi suspekt Flessegkeeten an den Fastfood-Restaurant-Becher schedden, net ganz geheier. Ausserdem haat ech en liicht aaneren Passageierplang am Kapp. Mee un sech sollt mir daat egal sin.

Den relativ aalen Auto, den och deelweis komesch Geraischer mescht, ass och relativ direkt komm an mir hun eis dun alleguerten erangedreckt. Ech sin abendteuerlech Geschichten gewuer gin. Et ass dobai virun allem em voll Leit gaangen, déi virun den Auto getrollt sin. Héi ged et vlaischt erem Zait, dem Bildungsoptraag vum Medium Radio nozekommen: Alkohol am Strossenverkeiher ass eng gefeierlech Saach. Och als Foußgänger. Et ass méi angenehm, am Grueff ze schlofen an eng Nirenentzündung ze kreien wéi iwerrannt ze gin.

Während der Fahrt ass mir den Typ mat sengen suspekten Flessegkeeten emmer méi onheemlech gin. Sollt hien um Enn en vun denen gefeierlechen Drogenverreckten sin, déi emmer ganz harmlos wierken, bis se eng Keier net méi daat kreien, waat se eigentlech wellen? Angscht a Schrecken waaren ganz eendeiteg mat un Bord. Mee am Moment souzen se nach am Handschuhfach.

Um Wee fir an den Osten vun eisem dach net esou furchtbaaren breeden Ländchen muss en duerch eppes, waat ech geif als “Brousse” bezeechnen. Kleng Dierfer, eng an schaarf Keieren, bei denen en sech freet, op den Strossenplanger den Daag gesoof haat oder just en fanateschen Fan vun Biergcoursen waar.
Mee irgendwann waaren mir dann en dem Duerf am Osten unkomm, wou déi versifften Hippiedisko, déi wéi en Piratenscheff heescht, steht. Nodeems mir den Recht vun der Grupp vun dem mir op manst e bessi suspekten Tipp mat den obskuren Flessegkeeten an sengem Becher begreißt haaten, hun mir irgendwann entschloss, eran ze goen. Dozou muss en vlaischt soen: Bei der Disko ass et och schon een Erliewniss, just virun der Dir ze stoen. Ob manst, wann en zu speiderer Stonn virun der Dir steht.
Verschidden Leit bleiwen och einfach gären an der Heck stoen an huelen illegal Substanzen zou sech, och wann eng domm Idee ass, wann en an daat speziellt Lokal well goen. Do, sou ged gemunkelt, huelen och Leit an daischteren Ecken ongesin illegal Substanzen op.

Mee d’Fro ass eischter déi, ob en daat dann iwerhaat nach muss. Nodeems ech den ziemlech bellegen Entree vun drai Euro bezuehlt haat, hun ech mat Freed festgestallt, daat et haut net esou voll wier wéi soss. Waat sech mat der Zait awer nach änneren sollt, waat awer net onbedengt schlecht waar. Ech hun mir den erwähnten, ziemlech versifften Kader ungekuckt an wosst: Angscht a Schrecken geifen desen Owend och danzen. Mee daat hellt en quasi mat an Kaaf.

Ech hun mir déi besooten Fallschirmer ungekuckt an mir d’Fro gestallt, wievill Stebs do geif drop leien. Mee nach eng aaner Fro huet mech beschäftegt, an daat waar en Fall fir meng zwee Kollegen. Wéivill Spuren vun illegalen Substanzen sollten do nach dran sin. Ech hun mir virgestallt wéi e puer drogenverreckt Hippien den Fallschirm an den 60er mat LSD getränkt hun an sech dun all zesummen drenner geluecht an all puer Minuten eng Keier drun geleckt hun. An Nikotin setzt sech jo bekanntlech an Ridoen of, wiesou also net och aaner, pyschoaktiv Substanzen?

Waat geif passéiren, wann den Fallschirm geif op mech faalen, während ech amgaangen wier, ze danzen? Ech hun mir virgestallt, daat dat en relativ ellenen Trip wier. Polytoxikomanesch Visiounen sin virun mengem enneren Aan opgetaucht. Ech wollt déi net wirklech erliewen. Ech hun also einfach missen hoffen, daat naischt geif passéiren. Alkohol huet et méi einfach gemaach, net dorunner ze denken.

Alkohol haat awer och den Nirweneffekt, daat ech d’Musek besser fonnt hun an der Meenung waar, ech keint richteg gudd danzen, waat ech dann och gemaach hun. Mettlerweil waar ausser engem aalen Hippie, den wahrscheinlech schon 50 Joer laang an der Disko, déi heescht wéi en Piratenscheff, danzt. Emmer d’selwecht. Egal wéi d’Musek graad aas. Wahrscheinlech danzt en och nach, wann d’Musek aus geht an dann muss een him soen, daat hien muss heemgoen.
Ech huelen un, hien waar en vun denen, déi deemols ennert dem Fallschirm souzen, wéi en mat LSD getränkt waar.

Angscht a Schrecken sin e bessi am Alkohol an an de Leit ennergaangen, mee vun Zait zu Zait sin ech erem baal iwer ze gefall. Nämlech all Keiers dann, wann en de Fallschirm um Plafong gesin hun oder main Bleck op net esou illuster Gestalten, déi an engem Eck souzen, aus denen en suspekten seißlechen Geroch komm ass, gefall ass. Déi hun mech dann meeschtens net esou frendlech zereckungekuckt. Ech hun also leiwer weidergedanzt.

Irgendwann kennt de Punkt, wou en sech völleg verausgabt huet an weinst der fehlender Ventilatioun eraus muss fir Loft ze huelen. Dann schwätzt en normalerweis e bessi virun der Dir, wou op manst e puer méi Leit stinn, déi daat och maachen.

Mir hun decidéiert ze goen. Ech waar frou doriwer. Angscht a Schrecken haaten mir den ganzen Owend iwer emmer an emmer erem en klengen Stouss geint d’Schinnebeen gin, sou daat ech mir guer net méi secher waar, op ech net einfach duerch Otmen vun der Loft an dem Lokal op engem schlechten Tripp waar.

Ausserdem haat ech daat schlecht Gefill, daat den owend esou fantastesch gewierscht waar, daat ech mech net wonneren geif, wann den Toni geif optauchen. An daat geif wahrscheinlech bedeiten, daat ech herno wirklech op enger Art vun Tripp gewierscht wier.

Mir hun eis Leit angesammelt an sin dun bei e puer Leit stoen bliwen, déi eng komesch friem Sprooch geschwaat hun. Ech hun mir virdeischt d’Fro gestallt, op ech oder sie Drogen geholl oder ange-otemt hätten, an doweinst geifen eng komesch Fantasiesproch schwätzen, déi mech ganz wait un d’Sprooch vun den Elben aus enger gewesser Romanserie, wou et em en Rang geht, erennert huet. No enger Zait hun ech dun gemierkt, daat et Hollänner waaren, déi probéiert hun, letztebuergesch ze schwätzen.

Waat hun déi hei am Osten vun Letztebuerg, matzen an der Brousse, virun enger versiffter Hippiedisko dei heescht wéi een Piratenscheff gesicht? Geif den Fallschirm eroffaalen an den polytoxikomaneschen Trip “des Todes” ausleisen? Waar den Toni dach irgendwou an der Geigend? Waat geif mat dem aalen Hippie passéiren, wann en misst heemgoen?

D’Flucht waar elo daat enzegt richtegt. Mir hun do nach en Gespraich iwer Journalismus gefouert. Ech hun kengem geziehlt, daat ech Gonzojournalist wier.

Download audio file (angschtaschrecken07web.mp3)

Et ged Deeg, do mescht an alles richteg an trotzdem leeft alles schief. Esou och des lescht, wou ech op eng sougenannt Retroparty war. Also, ech sin net dohinner gaangen, fir do Spaß ze hun, mee fir do ze hellefen. Mee un sech haat geduercht, daat dat ganzt relativ flott geif gin. Ech haat also fir, mech e bessen ze amüseiren. Esouwait wei daat eben ob Retropartyen meiglech ass.

D’70er Joeren waaren ungesoot, daat ganzt huet sech Bloen Eck Revival genannt. Ech sin schon öfters lanscht de Bloen Eck gefuer. Ech mengen, do ass lo en Café dran. An irgendeppes mat Pärd hun ech och schon heiren. Ass och net esou wichteg. Wichteg ass: et ged haut nach en blot Strossenscheld, ob dem “Bloen Eck” steht.
Blo Strossenschelder sin seelen zu Letztebuerg. Jiddereen kennt dei giel, wou einfach d’Nimm vun der Staad oder dem Duerf dropsteht. Dann gin et och nach waiss Schelder, do stin Nimm vun Plaatzen drop, die keng Uertschaft sin, mee trotzdem en Numm hun, wei zum Beispill en Bauerenhaff, den ausserhalb vun engem Duerf leit.
Mee blo Schelder hun ech soss nach nie gesin, die gin et just beim bloen Eck, den et un sech jo net mei ged.

Ech kruut och schon Geschichten geziehlt vun Leit dei zu Fouß oder per Anhalter an dei Disco gaangen sin. Muss also eng zimlech grandios Plaatz gewierscht sin. Quasi den Zentrum vun der Hippie an Drogenkultur zu Letztebuerg an den freien 70er Joeren.
An d’Iwerechter vun genau der Kultur sollten eng Revival-Party irgendwou am heigen Norden hun.

An dohinner sollt ech dann och, fir ze hellefen.
Ech waar , wei gesoot, optimal virbereed. Ech haat dei richteg, politesch absolut korrekt Schong un, haat genuch Souen dobai, fir mir main Alkohol selwer ze bezuehlen an als allerwichtegst haat ech en Sonnenbrell dobai.
En Sonnenbrell ass emmer gudd, wann et ze hell ass zum Beispill. Oder wann en verschidden Saachen net mei well gesin.

No enger abenteuerlecher Rees mam Auto duerch den heigen Norden sin mir och dann op enger Plaatz unkomm, die sech “Pärdsscheier” genannt huet. Et huet allerdengs net wei eng Pärdsscheier ausgesin. Eischter wei en Sall mat komeschen Luuchten, engem Contoir an e puer Beierbänken mat Kärzen drop. An engem DJ-Pult, daat haaptsächlech aus engem Mac-Laptop bestaanen huet.

Mir hun eis net hannert de Contoir gesaat, mee an d’Caisse. Daat war wahrscheinlech die beschten Idee vum Owend. Ech huelen mol un, daat et hannert den Contoir nach vill mei schrecklech waar wei hannert der Caisse. Obwuehl d’Musek jo iwerall die selwescht waar.

Am Ufank waar et ziemmlech roueg an et waaren net vill Leit do. Ech hun mech nach iwert jiddereen, dem ech en Bändchen konnt undoen, gefreet.
Die Bännerscher waaren iwregens neongreng. Et waar die Zort vun Bännerscher, die en ouni eng Scheier net erof kritt an die en soss och furchtbaar nervt. Ech kann mir gudd virstellen, daat schon Leit sech embruecht hun, well se sou en Bändchen net mei vun ihrem Aarm erofkritt hun.
Irgendeppes seet mir, daat esou Saachen schon ziemlech secher geschidd sin.

Die Bännerscher wieren un sech guer net neideg gewierscht. Et sin ongefeier 20 mol Leit eraus gaangen, den ganzen Owend iwer. De Recht vun de Leit ass einfach dobannen bliwen. Wahrscheinlech, well et dobaussen ze kaal waar oder et gereent huet.

Eng aaner Aufgab vun mir waar et, Bongen fir d’Gedrenks auszedeelen. Die meescht Leit hun direkt bei hirer Entree 10 Bongen matneen kaaft. Ech denken mir, die meescht haaten herno nach op manst 1 Bong an hirer Boxentäsch an hun sech um Heemwee geirgert.
Ech konnt mir daat gudd virstellen, wei eng Persoun Ufank 50 mat engem Gedrenksbong an der Boxentäsch aus dem heige Norden bis an en Foubourg vun der Staadt heemfiert an die ganzen Zait denkt “Elo hun ech 10 Bongen kaaft an hun der just 9 verbraucht, lo sin ech awer wirklech rosen!”.
An die Persoun ged emmer mei rosen an firt emmer mei seier. An herno kritt se doweinst nach en Protokoll. An alles just weinst engem Gedrenksbong.

Wei dun mei an mei Leit komm sin, ass d’Musek och eng aaner gin. Virdeischt sin nämlech ziemlech roueg, elektronesch Saachen gelaaf. Oder et waar nemmen een Lidd, daat 45 Minuten 48 Sekonnen gedauert huet. Esou genee konnt ech daat net soen. Ech hun och net wirklech opgepasst.
D’Leit hun sech en Glas Beier geholl, den DJ begreisst an sech op d’Beierbänke gesaat.
Ech hun geduercht: OK, daat ass eben wei en Café mat komescher Hippie-Musek aus den 70er Joeren an daat enzegt waat net esou normal ass, ass d’Beliichtung an die komesch Projektiounen.

Op enger Mauer waar nämlech eng Projektioun aus dem Laptop. Do konnt en komesch Reesen zweschen 3D-animeierten Bierger, psychadelesch Farwkombinatiounen oder Fotoen vun freieren Revival-Diskoen bewonneren. Heinsdo all die 3 Saachen zesummen. Ech hun mech gefroot, weivill LSD verschidden Leit giess haaten an hun un ongefeier en DIN A4-Blaat geduercht. Op daat realistesch waar, wees ech net. Wahrscheinlech ass et awer.

Irgendwann ass d’Musek dun mat engem Schlaag anescht gin. Et ass en bekannt Lidd aus den 70er Joeren gespillt gin, an op een mol huet sech alles bewegt. All die Leit, die ech durchaus als net mei esou furchtbaar jonk geif bezeechnen an denen ech an denen leschten Stonnen an Minuten en neongrengt Bändchen op den Arm gepescht haat, hun ungefaangen ze danzen.

Et waar en Lidd vun den Doors, daat des Well ausgeleist haat. Virdeischt waar daat Danzen nach e bessen steif. Ech hun schon Leit esou danzen gesin. Et ged Plaatzen, ob denen sech emmer e puer aal Hippien mat laangen groen Hoer an engem Kappduch zweschen de Leit bewegen an op eng komesch, onrhytmesch Art an Weis danzen. Ech waar esou Saachen gewinnt. Ech waar un sech dorobb virbereed, esou Leit ze begeinen.
Ech haat mir och geduercht, daat verschidden vun denen Leit e bessi Gras oder daat engt oder aanert Blaat LSD zou sech geholl hätten.

Mee ech waar net drop virbereed, daat ech eng Onmass vun komescher Musek zesummen mat durchaus eescht ze huelenden Persounen, die sech op eng komesch Aart an Weis beweegt hun, präsenteiert kriit.

En Detail: Op engem schwaarzen Bildschirm konnt en liesen, waat fir en Lidd graad gespillt gouf. Oft huet sech den Titel fir eng hallef Stonn oder mei laang net geännert. An daat waar keen Fehler, mee die Lidder hun wirklech esou laang gedauert, och wann se quasi emmer d’selwescht geklongen hun.

Daat ganzt waar fir Angscht ze kreien. Ech waar op alles virbereed gewierscht, mee et waar ganz anescht komm, wei ech mir et geduercht haat. Irgendwou am heigen Norden waaren Iwereschter aus der letztebuerger Hippie an Drogenkultur aus den 70er Joeren zesummenkomm, fir eng Party ze feieren, an ech waar mattendran an hun neongreng Bännerscher un Ärm mat Goldaueren gepescht. An daat ouni Senn, well nämlech nie en drun geduercht huet, erauszegoen.

Zu mengem Gleck konnt ech fir naischt Alkohol konsumeiren an hun Bierenbeemchen gedronk. Bierenbeemchen, daat ass Bierendrepp mat bessi Cola. An desem Fall waar just esou vill Cola dran daat sech d’Bierendrepp schwarz gefierwt huet. Allerdengs huet och den Alkohol naischt gehollef. Ech haat d’Gefill, en huet die ganz Saach eischter verschlemmert.
Die ennzeg Saach, die gehollef huet, waar, heemzefueren.
Zum Gleck hun mir daat dann och nach ziemlech frei gemaach. Mee d’Liewen ass net mei daat selwescht mat dem Wessen, daat et esou Treffen vun Zait zu Zait ged. Treffen, wou sech d’Iwerrechter vun der der letztebuerger Hippie an Drogenkultur aus den 70er Joeren trefft an op komesch Musek danzt…