Mir hunn eis zu puer ob de Wee no Graz gemaach. Graz ass d’Haaptstad vun der Steiermark, am Süde vun Éisterräich. 100 an e puer Zerquetscht Quadratkilometer Fläch, Awunnerzuel 260.000. Also dat, wat een also Grousstädter esou als Pampa ugesäit …

Download audio file (angschtaschrecken112.mp3)
mp3 download (16,5 mb)

Mir haten do een immens konstruktivt an ustrengend Seminar an engem eemolegen Architektebüro. Wat een virun allem doru gesinn huet, dat virun der Dir een Schëld op dem „ARCHITEKT“ stoung, houng an iwwerall Biller vun escheresquen architektonesche Konstruktiounen houngen. Ausserdeem houng eng al Kaart vun der Belge do. Dat wollt esou ganz a guer net passen, huet mech awer drun erënnert, dat ech net mol wosst, ob d’Belge iwwerhaapt nach een Land wier oder ob et net villäicht schon zu biergerkrichsähnlechen Zoustänn komm wier, bei deenen d’Land sech separéiert hätt.

Ech wier jo dofir, een Deel vun der Belge ze kafen. De Grand-Duché kéint dann endlech kulinaresch Spezialitéite wéi Fritten a Schokla exportéieren. An elo, wou keen d’Wallonie well, kéint een dat sécherlech zimlech bëlleg kréien. Ausserdeem wier Lëtzebuerg da sengem éiwegen Ziel, endlech erëm Mier ze hunn, méi no. Ech si jo der Meenung, dat de Wahlsproch „Mir wëlle bleiwen, wat mir sinn“ am Fong just aus Respekt virun den belgen Nopere gewielt ginn ass. A Wierklechkeet wollten se bestëmmt „Wann d’Belge net wier, hätte mir Mier“ huelen.

Mä zeréck op Graz. Eise fréieren Architektebüro louch vis a vis vum Stadtpark. De Stadtpark ass eng breet gréng Sträif matzen an der Stad. Eng fein Saach, well een net nëmmen eng flott Vue ob de Park haat, mä och schnell emol am Gréngen ausspane konnt.

Iergendwann war et owes, déi éischt puer Fläsche Wäi ware schon eidel a mir hu beschloss, eis nach e bëssen an de Park ze setzen an do gemitterlech ze chillen. Eng kuerz Zäit laang ass och de Plang gefall, bei eng ominéis Persoun mam Numm „Fuchsi Fuchs“ op de Gebuertsdag ze goen. Wann dat de richtegen Numm vun der Persoun war, hunn ech mech gefrot, wéi konnt een nëmmen esou grausam sinn a seng Kanner esou nennen?

Mir also erwier an de Park, e bëssi getrëppelt, laanscht eng ganz Réi vu Leit, déi am Park souzen, gedronk, gekifft a gechillt hunn. Normal Jugendsubkultur, déi eben owes sou am Park sëtzen. An Éisterräich ass dat nämlech net wéi a Lëtzebuerg, wou „am Park sëtzen“ fir déi meescht Leit wéi eppes klengt, wat just Assien an Drogenverreckter maachen.

Op een Mol si mir laanscht ee Café komm, den „Parc House“ geheescht huet. Zwee voll Meedercher stounge virdrun an hunn iwwerdriwwen Discobewegeeungen gemaach. Ech hu net richteg verstanen, wisou een eng Disco mat esou engem schrecklechen Numm an esou ee schéine Park setzt. Angscht a Schrecke waren also och an der schéiner Steiermark präsent.

D’Idee ass op komm, dach ob den Schlossberg ze goen. De Schlossberg ass een klenge Bierg oder groussen Hiwwel, ob deem een Tuerm mat enger Auer steet. Klengt net esou immens spannend, mä ech hu mir verséchere gelooss, dat et sech géif lounen, den Wee bis erop ze maachen. Ech hu mech kuerz gefrot, wat ee „klenge Bierg“ fir éisterräichesch Verhältnisser wier, wëll ech do schonns ganz lusch Erfahrunge gemaach hunn. Esou huet d’Bezeechnung „Bierg“ fir eng fir mech riseg Erhiewen mat Fielsen an Schnéi uewen drop d’Eingeborene hei just immens zum laache bruecht. Wahrscheinlech géif ech een Sauerstoffgerät an Klottergeschier brauchen, fir den Schlossberg ze erklimmen. Wisou een een Tuerm mat enger Auer ob esou een groussen Hiwwel baut, verstinn ech och net wierklech. Angscht a Schrecken.
Mir also an der Däischtert een klenge Foussgängerwee aus Serpentinen erop.
Ech hunn zu menger grousser Iwwerraschung festgestallt, dat de Wee ob de „Bierg“ och just esou wäit war wéi vum Péitrussdall an d’Uewerstad. Och hunn ech keng speziell Ausrüstung gebraucht.

D’Vue uewe wat flott, och wann ech déi Geschicht mam Aurentuerm nach ëmmer net ganz verstanen hunn. Ech sinn och der Meenung, dat d’Ziffereblaat ganz einfach vill ze kleng ass, fir daat do iergendeen vun ënnen aus der Stad eppes erkennt. An fir all Kéiers de Bierg erop ze rennen, wann een d’Auerzäit wësse wëll, do gëtt een jo total blöd dobäi.

Et war och eng kleng Maierchen do, fir dat een net erof fällt. Direkt hunn sech Leit drop gesat. Mir gëtt et bei esou Saachen dann ëmmer direkt zimlech schlecht. Ech kann net gesinn, wann Leit no um Ofgrond turnen an ech mir all Moment erwaarden, se géife geschwënn erof falen. Virun allem dann, wann et riicht erof geet an een sech keng Hoffnung maache kann. Wann een e puer Meter riicht rof ob Fiels oder Pavé fällt, kennt een ënnen héchstwahrscheinlech als bluddege Bräi un.
Ech hu jo bei esou Saachen net primär Angscht ëm mäi Liewen, mä éischter dat mäi Brëll rof fale géif. Dat ass eng zimlech schrecklech Visioun. Ech géif näischt méi gesinn an misst 20 Meter méi déif hallef blann no mengem Brëll sichen an hoffen, dat en wéi een Wonner nach ganz wier. Eventuell sollt ech mir een Brëll mat esou enger Schnouer kafe, wéi vill al Leit een hunn. Da kann een héchstens nach bis op meng Broscht falen. An ech kéint dofir Angscht ëm mäi Liewen hunn.

Ech krut dunn nach d’Geschicht erzielt, wéi een Kolleg seng Höhenangscht iwwerwonnen huet. En ass eng 25 Meter héich Fielswand erof gesprongen. An een Séi. Wëll ënnen am Waasser Leit mat engem Elektroboot laanscht gefuer sinn, déi hien zoufällegerweis kannt huet. Eng Saach, déi een iwwregens nëmme mat Wasserschlappen maache soll, soss rappt een sech beim Antauchen d’Féiss op. An deemno wéi knaschteg d’Waasser ass, kann een duerno nawell ganz uerg Entzündungen hunn.

Iergendwann hate mir dunn keng Loscht méi, ze fäerte mir géifen eroffalen an dem Dues (och Dachs genannt) nozekucken, wéi en sech duerch déi uerdentlech an schéin arrangéiert Blumme gewullt huet. No enger kuerzer Diskussioun hu mir eis fir den bësse méi laange Wee entscheet, deen awer dofir méi schéi wier.

Zu de Kläng vun enger Ukulele si mir Trapen erof an de Stadzentrum vu Graz gaangen. Eise lokale Guide huet eis virgeschloe, eis dach nach d’Mur-Insel unzekucken. D’Mur ass de Floss, deen duerch Graz fléisst an d’Mur-Insel ass een Konschtprojet. Och Graz war mol Kulturhaaptstaad vun Europa, dh. Sie hunn dat gemaach, wat mir meeschtens „Kulturjoer“ nennen. Deemools hunn se eng Insel an de Floss gesat. Natierlech huet dat ganzt net esou geklappt, wéi et sollt. D’Insel schwëmmt net a steet op hydraulesche Stelzen. Amplaz dat se wéi geplangt Konzerte drop organiséieren ass just een Café dran, deen net esou gutt besicht ass. Angscht a Schrecke sinn mir an meng entsaten Aen gesprongen, wéi mir déi neonblo Luuchten op der Mur-Insel opgefall sinn.

Mir si wéider gaangen an hunn duerch iergendwellech komesch Zoufäll een zimlechen Ëmwee duerch Graz gemaach. Nach dozou ware verschidde Membere vu menger Reesgrupp esou opgedréit, dat se bei all Klooterwand, Rutschbahn, Dirndelgeschäft an iwerliewensgrouss Kuckucksauer stoe bliwwe sinn. Nach dobäi ass de Numm „Fuchsi Fuchs“ ëmmer méi oft gefall. Ech
huelen un, de Fuchsi Fuchs ass esou eng Art éisterräicheschen Toni. Eng ominéis Persoun, déi et zu enger Hallewprominenz gepackt huet an ville Leit een Beispill ass. Fir déi eng ofschreckend, fir déi aner een Held.

Angscht a Schrecken hate mech. Firwat gouf et och zu Graz, nach Joere nom Kulturjoer, neonblo Luuchten? Wat sollt de komesche Café am Park? Wisou hänkt an engem Grazer Architektebüro eng Kaart vun der Belge? Firwat baut een eng Auer op engem Bierg? A virun allem: Ween ass de Fuchsi Fuchs?

Dat eenzegt, wat elo nach gehollef huet, war d’Flucht. An déi sollt eng laang sinn. Virun allem dann, wann een am Zuch nierwt enger Persoun setzt, déi lusch Disneyfilmer kuckt, déi wierke wéi eng infaliséiert Versioun vu Lord of The Rings …

Download audio file (angschtaschrecken45.mp3)
mp3 download Angscht a Schrecken net bei, mee och net ganz wait wech vun de Kakamaschinen

Mir, dh. Ech an meng bescht Frendin, daat den Nolauschtern zwaar net onbekannt ass, mee awer anne-onym bleiwen well, wollten eigentlech just op en Konzert. Ech well d’Geleegenheet nach schnell notzen an mech fir den schlechten Wuertwitz entschellegen.
Mir waaren ursprünglech der Meenung, mir geifen en Konzert zweschen den Kakamaschinen gesin, quasi am Schaiss also.

Wéi mir den Musée, den ze kleng fir déi greißt vun de Kakamaschinen ass, ereescht hun, hun mir schon vun waitem gesin, daat irgendeppes net gestemmt huet. En schwarz-waiss gestraiften Fändel mat engem rouden Draach houng do. Als ausgebildeten Gonzojournalist mat Fähegkeeten an der Heraldik hun ech direkt erkannt, daat et sech em de Fändel vun der Republique Libre de Clairfontaine gehandelt huet.
Waar de Musée mat den Kakamaschinen besaat? Geifen domadder d’Eroberungspläng, déi secher irgendwou an engem Tirang an der aaler Molkerei geifen leien, wouer gin?

Angscht a Schrecken hun sech lues an lues ungeschlaach, och wann alles ganz friddlech gewirkt huet. Eng Onmass Leit huet Entrée bezuehlt, obwuehl ech ganz secher, irgendwou am Internet gelies ze hun, daat desen Event dach gratis wier. An wéi mir alleguerten wessen, stemmt alles waat am Internet steht.

Meng Begleedung huet sech daat och gesoot an huet einfach mol geziehlt, hat hätt eng Akkreditatioun. Oder hat geing Fotoen fir d’Band maachen, déi, an daat hun mir lo och mol rausfonnt, net am Schaiss zweschen den Kakamaschinen gespillt huet, mee am Keller. Daat waar Nouvellen, déi esou ziemlech alles geännert hun. Waat fir grausam Saachen geifen eis an dem Keller erwaarden?
Angscht a Schrecken sin méi grous gin, wéi mir eis bei Receptioun gedreckt hun an ech d’Kakamaschinen fir d’eischte Keiher erbleckt hun.
Meng Begleedung huet dunn d’Geschicht vun der Bandfotographin einfach nach eng Keiher erziehlt, an d’Leit hun him daat einfach geglewt. Waat erem eng Keiher en Beweis dofir ass, daat en den Leit egalwaat erziehlen kann, et muss just irgendeppes mat „Press“ oder „Veröffentlechen“ ze din hun, dann kennt een iwerall eran. Oder baal iwerall. Ob manst awer an de Keller ennert de Kakasmaschinen, wou en Konzert soll sin.

Daat, waat mir nämlech Angscht gemaach huet, waar folgendes: Meng Begleedung haat en Fotoapparat vun 100 Euro dobai, an naischt, waat irgendwéi no Fotographenausrüstung ausgesinn huet. Keng Stativen, Lichtmiesser oder soss Fotographenkrimskrams. An virun allem: wiesou hun se mech fir naischt erangeloss? Daat enzegt, waat ech gedroen hun, waar déi daitsch Iwersetzung vum Bret Easton Ellis sengem Roman „American Psycho“ an en Hawaiihierm. Daat ganzt an enger rosa Stofftuut.

Ok, et keint en lo argumentéiren, mir wieren alleguerten e bessi méi oder manner schick ungedoen gewierscht, mee daat kann dach net esou vill ausmaachen. Ech hun schon Journalisten an vill méi schlechten Kleeder gesin. Et mescht Angscht, wéi einfach et ass, wann en einfach heinsdo bessi daat ass, waat en op daischt „dreist“ ass.

Ech wees net, ob et am Lëtzebuergeschen en Wuert fir „dreist“ ged. Wann jo, geif ech déi Leit, déi wessen, waat fir en Wuert daat ass, mir daat matzedeelen. Meng Email ass joel@graffiti.lu an meng Handysnummer PIEEEEEEEP.

Mir sin also an de Keller ennert de Kakamaschinen gaangen. Do huet et no Iestebulli geriicht. Waat zwar keen schlechte Geroch ass, mee an engem Keller ennert Kakamaschinen hätt ech mir esou ziemlech all Geroch erwaard, mee net deen vun Iestebulli.
Angscht a Schrecken waaren och an desem Keller. Vlaischt haaten sie sech och als Fotographen ausginn.

Ech hun probéiert, daat alles ze ignoréiren an sin menger Begleedung an den Raum, wou sech den ominösen Konzert ofgespillt huet, nogetrollt.
Op een mol konnt ech mech net méi wirklech dorobber konzentreiren, Angscht a Schrecken ze ignoréiren. Cyanblo Neonstuben hun den Raum ausgeliicht, komplizeiert musikalesch Strukturen hun den Raum erfellt an de Buedem huet aus rengem Krässi bestaanen.

Meng Begleedung ass mat sengen heichen Stiwelen am Krässi angaangen. En Moment haat ech den schrecklechen Gedanken, daat daat ganzt just en Faal vum Wim Delvoye wier. Vlaischt wier den Krässi an Wirklechkeet Treibkrässi (esou wéi „Treibsand“) an mir geifen lues an lues angoen an dann geif den diaboleschen Wim Delvoye, Erfannen vun den Kakamaschinen kommen an eis un seng grausam verdauend Maschinen verfidderen.

Angscht a Schrecken haaten mech. Zum Gleck huet de Fakt, daat déi meeschten Leit net am Krässi angaangen sin, dogeint geschwaat. Ausserdem ass den Wim Delvoye, den Erfanner vun den Kakamaschinen, Vegetarier an huet och schon Schwain tätoweiert. Ech wosst net, ob daat geif geint d’These vum Treibkrässi schwätzen, mee et huet mech berouegt.

Et gouf drai Zyklen. En Set Musek, dann erem Paus. Daat ganzt drai Mol. An denen Pausen hun mir meeschtens mat irgendwelchen Leit geschwaat, déi mir méi oder manner gudd kannt hun. Ech hun mir och irgendwann eng Keier Zopp (Muertenzopp) geholl an en Glas Wain. Hei hun ech erem en Moment Angscht a Schrecken erliewt: Den Wain huet en missen vun enger Kaart ausssichen, an ech sin ungekuckt gin, wéi wann ech tatsächlech Ahnung vun letztebuerger Wainer hätt. Waat net de Fall ass.
Ech hun erem missen un d’Kakamaschinen denken. Vlaischt wollt en just, daat mir eis geifen de Bauch gudd voll schloen, fir daat d’Maschinen och ordentlech eppes ze verdauen hätten?

Ech hun un eng Geschicht geduercht, wou ech eppes ähnleches schon eng Keier heiren haat.
Demols ass et em eng aal Frau an en Uwen gaangen. Angscht a Schrecken sin nach eng Keier méi grous gin, mee de Wain huet mir gehollef, mech ze berouegen.

Irgendwann waaren déi drai Sets dunn eriwer an mir hun e puer aal Bekannter getraff, déi eis net nemmen flott Fakten iwert Kakamaschinen erziehlen konnten, mee mir och nach en secheren Heemwee versprach hun. Des Keier sollten jo och keng Drogenverreckter dobai sin.
Mir sin bis op eng Terasse gaangen, wou en eng Kakamaschin an engem Wantergaard stoen gesin konnt.
Angscht a Schrecken sin méi grous gin.
Eng gigantesch Maschinn, déi am Endeffekt just eppes konnt: Schaiss produzeiren. Ech wollt net vun esou engem Koloss aus Stohl an Reiher verdaut gin, fir herno am Vakkum angeschweest vun Leit mat vill Souen an weineg Gehiir kaaft ze gin an dann an enger geruchsneutraler Vitrinn ze verstepsen.
Leit hun festgestallt, daat ech un dem Owend Gebuerstdaag hätt an hun all 5 Minuten „Happy Birthday“ gesongen. Ech hun daat relativ schrecklech fonnt. Mee emmerhin nach besser, wéi vun enger Maschin verdaut ze gin.
Irgendwann hun mir entschloss, mir hätten elo oft genuch Kaka gesoot an wollten dunn nach e bessi op komeschen Techno fetzen. Ausserdem waar déi Fraa, déi irgendwou an dem Kellerlabyrinth, vun dem ech mir emmer nach net esou secher waar, ob et net eng Faal vum diaboleschen Wim Delvoye wier, anscheinend relativ berühmt.

Mir hun also schon zu menger Begleedung an der Band, déi jo afin zu hirer Fotographin muss sin, Äddi gesoot, obwuehl en sech secher waar, et geif en sech nach eng Keier iwert den Wee laafen. Wouranner genau de Senn bestaanen huet, wosst ech net wirklech. Dem Comissaire Balzer sin mir och nach iwert de Wee gelaaf.

D’Stemmung an dem Keller, wou déi komesch, anscheinend berühmte Fraa net nemmen opgeluecht huet, mee och nach wéi well rondrem gesprongen ass, waar um Deifpunkt ugelaangt. Leit iwert 30 stoungen loschtlos mat hirem Wainglas an hirer Schossel Ietsebulli rondrem an hun sech geigensaiteg gefroot, ob se sollten danzen.
Mir hun et einfach gemaach.
Also, gedanzt. Wann mir schon sollten verdaut gin, dann net ouni virdrun gedanzt ze hun.
D’Musek ass emmer méi obskur gin, déi anscheinend berühmte Fraa, déi wéi well rondremgehopst ass, huet aal Diskoklassiker opgeluecht. Irgendwann hun mir beschloss, ze goen. Angscht a Schrecken waaren omnipräsent an de Gesiichter vun denen Leit iwer 30, déi sech einfach net entscheeden konnten, ob sie lo danzen sollten oder net.

Menger Begleedung ass bei där Geleegenheet ne Instrumentenstänner op d’Feiss gefall. Ech hun gespiirt, daat et elo heich Zait waar, ze goen. Mee eis Flucht aus dem Labyrinth ennert de Kakamaschinen sollt kuerz virun der Dir op en Enn goen.

D’Sucht no Nikotin vun engem Member vun eiser Grupp huet eis an d’Gespreich mat mir vun Biller bekannten Leit bruecht. Als Zeechen vum Fridden sin Iwerraschungseeer ausgetosch gin. No deser Zeromonie, déi mir erem Angscht a Schrecken angejoot huet, sin mir dun endlech geflücht.
Wech vun de Kakamaschinen vum diaboleschen Wim Delvoye an d’Parkhaus net wait dovunner, do an den Auto an mat dem dun Richtung Fraiheet.
D’Flucht mat zwee Leit, déi all Lidd um Radio matsangen, ass laang an voller Angscht a Schrecken…

Download audio file (angschtaschrecken22web.mp3)
mp3 download Angscht a Schrecken an der Rotonde 2

Ech hun mech do also am Virfeld virun de Computer gesaat an hun akustesch Gäärt kreeiert, déi méi oder manner kenschtleresch waaren.
Mee domadder ass et jo net duer gaangen. Well och virtuell Gärt hun missen ausgestellt gin, an dofir hun mir se missen an en durchaus realen Container brengen.

Virdeischt huet en den Container awer mol missen fannen, an daat waar net esou einfach. Wéi esou oft bei Kultursaachen muss en de Wee eischter sichen. Ech haat jo schon Erfahrung mat esou Saachen gemaach, an zwaar an engem Tunnel zweschen zwou Kulturbauten um Kierchbierg.Des Keier sollt et awer an der Rotonde 2 sin. Déi un sech och net esou schweier ze fannen waar. Et ged wéi de Numm vun der Rotonde 2 et schon seet, zwou Rotonden. D’Rotonde 1 an d’Rotonde 2. Ziemlech einfach, net wirklech onkomplizeiert. D’Rotonde Eent ass ganz fresch gemaach gin, renovéiert an gesait elo ziemlech propper an hygienesch aus. Owes gin déi zwou ronn Ex-Atelieren cyanblo beliicht an gesin dann aus wéi en Kulturpuff, mee daat ass en aaneren Problem.

D’Rotonde 2 ass net fresch gemaach gin. Do gesait et esou aus, wéi wann virun 6 Meint nach dran geschafft gin wier. Waat och stemmt. Futis Dichtungen, verrascht Reier, Knascht, bei dem en leiwer net freet, wou en hier kennt, Nato-Stacheldroht ronderem. Et ass net hypokrit ze soen, daat d’Rotonde 2 en gewessen Charme huet. Et muss en sech just bewosst sin, daat Charme net emmer an der Form vun rosa Hieserscher oder kleng Kaatzen optrett.

No e puer Minuten domm aus der Wäsch kucken kruuten mir gewissen, wou eisen Container gestaanen huet. Elo hun mir de virtuellen Gaart an den realen Container missen brengen. Ouni d’Hellef vum bloen Hirsch.
Un sech kann en doriwer frou sin, daat et keen liewegen bloen Hirsch ged. Also, an Maskotschenform wéi et se an esougenannten „Vergügungsparken“ ged. D’Virstellung, daat en aarmen Student sech misst an en vill ze waarmen an pelzegen cyanbloen Hirschkostüm drecken, fir dann tolpatscheg duerch d’Geigend ze laafen an esou d’Maskotschen vum Kulturjoer ze sin, ass ellen. Ween esou eppes geif realiséiren, muss wirklech staark an ellen Drogen huelen.

Un sech waar daat ganzt net esou furchtbaar problematesch: Einfach e puer Boxen opriichten, zwou Bänken aus engem schwedeschen Miwelhaus zesummenbasteln, den Raum ofdonkeln an Rollrasen leen.
Ween Rollrasen just aus der Theorie kennt, den kann sech net virstellen, wéi daat Material sech verhällt.
Rollrasen soll un sech eppes propperes, einfaches, grenges sin. Fir schéinen Wues an fennef Minuten. Bessi esou wéi Zopp aus der Tuut. Net esou flott wéi déi richteg, mee méi einfach an méi schnell.
Esou wait zur Theorie an idealen Virstellungen.
Rollrasen riicht komesch, fir net ze soen: en meffelt. No Buedem, Verwesung, angepaacktem Gras.
Rollrasen ass net einfach auszerullen. Et ass esouguer eng ziemlech schwierg an schmierg Geschicht. Duerch den Buedem kritt en d’Hänn an och d’Kleedung voller Bulli, waat net onbedengt immens angenehm ass.
Nodeems mir den Rollrasen verluecht haaten, hun mir eis missen mat komeschen techneschen Detailer offannen, wéi zum Beispill komeschen Stänneren fir Cd-Playern drop ze stellen. Ausserdem hun mir missen Bänken aus engem gewessen schwedeschen Miwelhaus opbauen, waat eng relativ obskur an angschtaflössend Geschicht waar. Virun allem, well et ouni op d’Bedienungsanleitung ze kucken vill méi einfach waar wéi mat. Ween och emmer déi Saachen zeechent, huet eng extrem gudd Fantasie an relativ weineg Erfahrung mam wirklechen Liewen. Ech waar mir ziemlech secher, daat den Bedienungsanleitungszeechner bei dem schwedeschen Miwelhaus en drogenverreckten Sadist waar, den sech en Spaß dorausser mescht, komplizeiert Ziedeln ze zeechnen.

Daat ganzt huet sech zu Angscht a Schrecken entweckelt. Déi knaschteg Rotonde, déi cyanblo Beliichtung, déi all Moment ungoen an en kulturverblenden keint, den mefflegen Rollrasen an den bloen Hirsch, den an irgendengem daischteren Eck op eis gelautert haat.
Et gouf lo just nach eppes… d’Flucht.

Download audio file (angschtaschrecken21web.mp3)
mp3 download Angscht a Schrecken an engem komeschen Tunnel zweschen zwou Kulturbauten um Kierchbierg

Ech sin also ausgerüst gin mat engem immens groussen an modernen Handy mat Kamera an soss technickschnickschnack, engem Batch, an virun allem mat Informatiounen iwert den komeschen Event, ob deen ech hin sollt. Mee daat waar och bessi de Problem. Et gouf keng Infos. Daat enzegt, waat ech wosst, waar, daat den Event am Tunnel zweschen dem Mudam an der Philharmonie um Kierchbierg waar.

Ech wosst bis den Owend guer net, daat do en Tunnel wier. Ech hun mir daat virgestallt wéi eng Unterführung fir Fousgänger, kleng an iwersiichtlech an un sech eng interessant Plaatz, fir Theater ze spillen. Ech waar nämlech der Meenung, et geif Theater gespillt gin, oder ob manst eppes an déi Richtung.

Vum Gronn ob den Kierchbierg ze kommen schengt en laangwiereg Geschicht ze sin, wann en sech dobai un déi normal Standartweeer wéi deen iwert déi “roud Breck” hällt. Main Chauffeuer, den iwregens en aalen, mee extrem komfortablen Auto gefuer ass, huet eng Retsch vun komeschen Schlaichweeer kann, déi eis an 10 Minuten op de Kierchbierg bruecht hun.

Elo hun ech gesin, daat ech onrecht haat. Den Tunnel zweschen dem Mudam an der Philharmonie waar net eng Unterführung fir Foussgänger, mee en grousen Autostunnel mat zwou Spueren. An en waar komplett ofgedaischtert, daat heescht mat schwarzer Folie zougepescht.
Ech waar mir net secher, ob mir ob der richteger Sait vum Tunnel waaren, well ech hun nämlech keen gesin. Keen Oppasser, keen Acteur, guer naischt.

Aus dem Tunnel ass komesch Musek komm. Ech hun ugefaangen, drun ze zweifeln, daat ech en Theatersteck geif erliewen.

An dem schwaarzen Plastik, den eigentlech daat waar, waat en normalerweis “Silofolie” nennt, waar eng Entree. Esou fuerchtbaar falsch konnten mir dann guer net sin. Vlaischt geifen mir elo direkt ob der Bühn landen, mee dann keint en emmer nach erklären, et wier en Gonzojournalist an domadder dierft en daat.

Iwerhaat ass “Ech sin Journalist, ech därf daat!” emmer eng gudd Excuse. Et kann en och soen “Ech sin Journalist, ech muss daat maachen!”, mee daat ass eischter wann en ze speit kennt.
Journalisten kommen, an daat ass einfach de kulturellen Anfloss, oft ze speit an maachen bei sou ziemlech allem en desinteresséierten Androck. Oft hun se och nach irgendwelch Drogen geholl, fir hieren ustrengenden Alldaach iwerhaat ze packen. Daat sin ob manst déi gängest Virurdeeler, déi sech oft och nach bestätegen.

Mir hun also den ominösen Angang fir den ominösen Tunnel benotzt an sin ran gaangen. Mir stoungen dun net ob enger Bühn, mee um Enn vun engem Tunnel, an dem ech méi wéi nemmen daischter waar. Wann ech soen mir, dann heescht daat, main Chauffeuer ass mat ran gaangen, fir ze kucken, ob mir ob der richteger Plaatz waar. Nodeems mir daat offensichtlech net waaren, huet hien fonnt, daat ech elo jo geif elleng de Wee fannen an huet sech aus dem Steps gemaach. Mat engem aalen, mee extrem luxuriösen Wohn op komeschen Schlaichweeer.

Ech sin duerch den komeschen Tunnel gaangen, deen wéi gesoot extrem daischter waar. Ech hun komesch, techno bis industrial-meisseg Musek heiren, an der sin ech einfach mol no gaangen. Et gouf un sech net vill Richtungen, wou en konnt hingoen. Eigentlech gouf et just viichentjez. Waat den Virdeel haat, daat en net wirklech konnt den falschen Wee huelen. An deem Senn haat main Chauffeuer schon Recht mat senger Schlussfolgerung, daat ech de Wee elo geif elleng fannnen.

Ech hun trotzdem gespiert, wéi meng zwee aal Kollegen Angscht a Schrecken erem méi no komm sin. Waat, wann et trotz allem den FALSCHEN Tunnel waar an ech elo an engem ennerirdeschen Drogenlabor oder enger illegaler Gelddreckerei geland waar?
Ok, et waar ziemlech onrealistesch, daat een ennerirdesch Drogenlabor oder eng illegal Gelddreckerei just eng Silosfolie als Entree hätten, mee ween konnt daat schon mat Secherheet soen?

Déi düster Musek ass emmer méi haard gin. Ech sin denen komeschen, mechaneschen Kleng emmer méi no komm. Ech hun nach emmer naischt gesin ausser Noutfallbeliichtung.
Sollt et an dem Tunnel je zu engem Noutfall kommen, sou geht et secher net mat der Noutfallbeliichtung duer. Ech rekommandéiren also jidderengem, den duerch den Tunnel zweschen Mudam an Philharmonie um Kierchbierg fiert, eng Täschenluucht matzehuelen. Am beschten wieren Halogenstrahler, mee eng kleng Täschenluucht kann enner Emstänn och schon Liewen retten.

Ech hun dunn eng Bühn gesin. Ausserdem en Meschpult, eng Batterie, Verstärker, an soss Audio-Krimskrams, den en eben esou brauch. Ech hun mech no menger Kontakfraa emfroot, mee et huet keen se kannt oder wosst net, wou se wier. Doweinst sin ech weider gaangen, an d’Richtung “no vir” an sin um aaneren Enn vum Tunnel erem rauskomm.
Do sin ech dann opgeklärt gin, waat daat ech tatsächlech déi falsch Entree benotzt hätt, mee weider schlemm waar et net. Ech haat schon gefaart, ech geif op manst beis gekuckt gin, mee dorunner huet keen geduercht.

No ongefeier enger halwer Stonn waarden ass et dun lass gaangen.Ech sin fir naischt erankomm, weinst mengem Batch, den mech als “Flasheur” ausgewissen huet. Mat dem riesegen Handy mat der grouser Kamera hun ech obskur Videon gedreint.

Mee wéi en dun erem am Tunnel waar, kruut ech eng ellen Iwerraschung.
Den ganzen Tunnel waar cyanblo angefirwt. Et huet ausgesin wéi wann en dest Joer net laanscht den onnatirlech gefirwten Paarhufer geif kommen, den de Logo vum Kulturjoer ass.
Ween iwregens net wosst, daat Hirschen Wiederkäuer sin, dem sief daat mat op de Wee gin. Onnetzt Wessen kann en emmer gebrauchen.

Angscht a Schrecken sin zereck komm. Op der aanerer Sait vun der Bühn ass en Film projeziert gin. Den huet eidel Metrosstatiounen gewissen an komeschen, mechanesch Kläng dobai gespillt. Et huet ziemlech gespenstesch gewierkt an ech kruut emmer méi Angscht. Irgendwann hun ech gemengt, ech hätt en Aan gesin an dun haaten Angscht a Schrecken mech wirklech. Ech hun mech gefillt wéi an engem ennerirdeschen Drogenlabor, wou d’Wirkung vun denen neien Kreatiounen graad geif um grousen Public ausgetest gin.
An ech haat leider en schlechten Trip erwescht.

No dem erschreckenden Film ass et weider gaangen mat Musek. Daat hescht, mat immens komeschen Tein, déi emmer méi sphäresch gin Sin. Elo waar ech iwerzeegt, daat se geifen Drogen un de Leit ausprobeiren. Ech haat en grousen Loftschlauch gesin, den stänneg Loft an den Tunnel gepompelt huet. Ech waar mir ziemlech secher, daat se domadder Drogen an de Public gespeist hun. Zu der Musek sin och nach Luuchten komm, déi en extrem komeschen Effekt haaten, waat net wirklech gehollef huet, meng Angscht ze bekämpfen.
Daat enzegt, waat elo nach Bliwen ass, waat d’Flucht aus dem komeschen Tunnel. Mee aus engem Tunnel, den sech an en enzegen Resoanzkierper fir elektronesch Kläng verwandelt haat, ass naischt einfaches. Seier an haard huet keen Zweck, wann daat, virun dem en flücht, 200 Meter laangen Hall ass…

Download audio file (angschtaschrecken18web.mp3)
mp3 download Angscht a Schrecken an Computerbutteker an am Kulturjoer

Ech waar eng Keier an engem Computerbuttek, wou ech et mat der Angscht ze din kruut. Virdeischt mol luchen an der Fenster vill Deeler wéi Grafikskaarten an Prozessoren, déi endweder schon emmer futti waaren oder irgendwan an der Sonn geifen schmelzen. Och déi Keschten, déi donirwt luuchen, waren eng Keier farweg. Mee an dem Moment, wou ech an den Buttek gaangen sin, luuchen se wahrscheinlech schon zenter 16 Meint an der Fenster an waaren dementsprechend immens blatzeg.

An dem Geschäft waar et immens stebseg. Baal esou stebseg wéi an engem Musekvideo vun enger Gothic-Band. Bei betreffend Band huet Gerüchter en Kamion mat speziellem Filmsteps bestallt, fir den Video ze dreinen.
Ech huelen un, daat den Verkeefer an dem betreffenden Buttek elo eng Staublunge huet an doweinst schon an der Prepensioun setzt. Ech konnt an dem Buttek kaum otmen, an ech sin villes gewinnt.
Wéi ech en Kabel wollt kucken, waar meng Hand herno esou voller Steps, daat ech se hun missen eng hallew Stonn laang mat enger spezieller Seef wäschen, iert se sech net méi ungefillt huet wéi wann se dem Tut-ench-amun geif geheiren.

Daat hun ech ob alle Falls ziemlech komesch fonnt. Ech hun emmer geduercht, Computerbutteker missten up-to-date sin an op heichglanz poleiert. Un sech misst an enger esou schneller Brance wéi dem Computermarkt de Buttek emmer no “nei” richen. Mee oft sin se stebseg, blatzeg an déi Programmer, déi se verkaaften sin esou aal, daat se net MEI op engem aktuellen PC laafen. Firwaat esou Butteker nach existéiren, ass en physikalescht wéi ökonomescht Rätsel. Wahrscheinlech huet den Toni eppes domadder ze din.

Eppes ganz aneschteres ass d’Kulturjoer. Et ass amgaangen, mir schreiwen d’Joer vum bloen, bockegen Hirsch an trotzdem geschidd irgendwéi naischt. Et ass alles wéi emmer. Wéi daat ganzt am Dezember schon ungefaangen haat, hätt en mengen kennen, drogenverreckt Kenschtler geifen elo all Daach irgendeppes verrecktes maachen an d’Stadt mat komeschen Instrumenter an Schwenungen setzen.
Mee nee, et stinn just iwerall blo, bockeg Hirschen rondrem an et freet en sech firwaat. Et ged dorobber och wahrscheinlech keng aaner Äntwert wéi “Et ass eben Kulturjoer” oder “Se sin dach flott, déi blo Hirschen, nee?”.
Ech vermudden och hei erem, daat eng gewess Persoun, der hiren Numm ech elo net nennen well, eppes domadder ze din huet.

Wann en bedenkt, wievill Geld benotzt gin ass, fir blo Hirschen ze produzéiren, déi dann schlussendlech soss naischt maachen wéi an der Geigend rondremstoen, kann en wirklech Angscht kreien. Irgendwann wärt daat Kulturjoer vlaischt wirklech zum Liewen erwäschen. An dann ass Letztebuerg en eenzegen Besch voller bockeger bloer Hirschen. Dann en keng ominös Päck mat Drogen méi ze bestellen, well sech d’Welt unfillt wéi ob engem furchtbaaren Drogentrip.
Ech gesin et virun mir, wéi all Daach en aaneren drogenverreckten Kenschtler seng komeschen Visiounen realisiert an mat Faarw duerch d’Geigend scheisst oder mat rastegen Motorseen op Fässer schleit. Daat wier wirklech Angscht a Schrecken…

Download audio file (angschtaschrecken09web.mp3)
mp3 download Angscht a Schrecken op enger komescher Versammlung vun engem Konschtprojet am Kader vum Kulturjoer 2007

Fläsch null null siewen nennt sech en Projet wou Jonker sollen multimediaaduiovideoteschnesch Reportagen iwer eben Evenementer am Joer vum bloen bockegen Hirsch op en Site schecken. Fir déi ganz hip daat ganzt och per SM- oder MMS.

De bloen Hirsch ass bockeg, well en röhrt. Daat ass esou defineiert gin. An Hirschen röhren nemmen, wann se bockeg sin. Brunft nennt en daat beim Hirsch. Esou Saachen kann en iwerall noliesen, wann et een interesseiert.

Mir wossten net richteg, wéi en op déi ominös Plaatz irgendwou am Grond geif kommen. Ob jidde Fall wosste mer net, wei mer et mam Auto geifen maan. Also sin mir durch enk an schlecht Strossen gefuer. Mat haarder, drecker Musek.
Vlait muss daat esou sin. Vlait muss en als Journalist, an virun allem als Gonzo-Journalist einfach ze speit kommen an de Cliché erfellen.
Mit haaten dann och ongefeiher 10 Minuten Retard, waat sech jo dann nach am “cadre académique” hällt. Un sech kéint en deen jo och “cadre journalistique” nennen.
Mee ganz schlemm schengt keen eise Retard fonnt ze hun. Gesoot huet op alle Falls keen eppes.
Et huet sech awer och vlaischt keen getraut.

Daat ganzt waar an der Abé Neumünster. Die besteht jo aus verschiddenen Gebaier, die zimmlech bis ganz aal sin an irgendwann eng Keier reno- an moderniseiert gin sin. Mat vill Glas.
An mat Luuchten, dei engem vum Buedem aus riicht an d’Gesicht strahlen an vun denen een furchtbaar verblend ged.

Nodeems mir ongefeier 6 Schelder nogaangen sin, hun mir endlech den eischten Raum ereescht. Den waar allerdengs just d’Garderobe. Normalerweis schengt en en Büro ze sin, well esou huet daat Material, waat do rondrem stoung, jiddefalls ausgesin.
Mir sin virdeischt mol begreißt gin, ob eng immens fein an zufirkommend Maneier. Do konnt en sech wirklech net beschweiren. Mee eppes un dem Raum waar immens versteierend.
Et stoung en Fernseh, en aalen Modell um Bueden.

An do ass en komeschen Film mat ondefineierbaaren Saachen an Gro- an Brongtein dran gelaaf. Ech hun mir erwaard, daat geschwen geif een engem aanerem mat der Buermaschin durch D’Aan bueren oder mat enger Motorsee an raschteg Fässer schneiden. Mee ier ech esou eppes konnt gesin an all meng Virurdeeler geigeniwer vun Kenschtler bestätegen, sin mir an een aaneren Raum geleet gin.

Ech denken iwregens, daat déi allermescht Kenschtler legal oder nach leiwer illegal Drogen huelen Daat ass vlaischt en Virurdeel, mee ech kruut et schon ze oft bestätegt, fir net dorunner ze glewen. Trotzdem, oder grad doweinst, sin mir, wéi schon virudrun gesoot, vill Konschtprojeten durchaus symphatesch.

An de Raum, wou mir komm sin, soutzen rondrem Descher, die en iwregens aus irgendengem komeschen Grond mat Ritschratschen kann uneen kliewen, schon eng ganz Retsch Leit, dei een alleguerten endweder an die legal oder illegal-Drogen-Kategorie anklasseieren konnt. Bis ob e puer Steck, die hun seriö gewirkt. Speider sollt sech erausstellen: et waaren Wessenschaftler, die mat komeschen 3D-Techniken schaffen. An esou engem Beruf brauch en iwerhaat keng Drogen ze huelen.

Dunn ass et lass gaangen mat Presentatiounen. Virdeischt ass jiddereen virgestallt gin. Dun ass de Projet virgestallt gin. Dun ass en Film gewissen gin, den virun allem aus verpixelten Videobiller vun Ministeren mat klassescher Musek am Hannergrond bestaanen huet. Daat ganzt op dem fameisen Owend, bei dem ech an enger Bar, die ausgesait wei en Scoutschalêt, Wäschbenzin kruut an net an die berühmt-berüchtegt Rotonde erankommen sin.
Vill verpasst haat ech allerdengs net, wei ech um Video gesin haat.

An enger Paus ass et dun Gedrenks an, Knabbereien an komesch Kischelscher an suspekter Form gin. All déi Saachen waaren vun gudder Qualiteit an et konnt en sech wirklech net bekloen. Trotzdem huet alles bessen suspekt gewierkt an dem Raum.
Ech hun mech och bessen deplaceiert gefillt. Vill Leit waaren vun dem pixelegen Video esou beandrockt, daat se ungefaangen hun, mat hiren Handyen ze filmen oder Toun opzehuelen.
Ech hun dun geduercht ech misst mech dann och net schummen dofir, daat ech alles geif ophuelen an hun de Mikro offen op den Desch gestalt.
Mir sin trotzdem nach weider komesch gekuckt gin.

Och wei daat ganzt dun färdeg waar an mir Äddi gesoot hun, sin mir nach eng Keier laang beschwaat gin. Net ob eng onfein aart an weis, mee trotzdem… ech kruut e bessi Angscht.
Emmerhin waaren vill Kenschtler do. Leit, die sech Filmer unkucken, wou Leit mat der Motorsee an d’Aan gebuert kreien an mat der Buermaschin Musek op raschtegen Fässer maachen.
Leit, die wameiglech all Daach en suspekten Pack mat Drogen vum Rastamann heemgeliwert kreien.
Am allerschlemmsten Fall waar irgendeen verreckten Drogenfreak do, den et flott geif fannen, selwer mat rastegen Fässer op Leit anzeschloen an dann bludeg Filmer ze dreinen.

Nee, den Büro an engem ziemlech antiken Gebai waar keng Plaatz fir mech. Ob manst net dann, wann ech net wosst, ob waat fir eng Persoun ech misst obpassen, wann se alleng mat mir am Raum waar.

Waat nach bliwen ass, waar d’Flucht.
Die waar genau esou haard an dreckeg wei eis Arrivé, mee mei schnell. Mir hun een Wee fonnt, den eis innerhalb vun 4 Minuten vun der Abbé Neumünster zum ARA Haaptquarteier bruecht huet. Hätten mir daat eischter gewosst…
Mee lo waar daat och egal. Am Radio sin komesch Messagen iwer ausgefaalen Sendungen gelaaf,
an mir sin mat hescht meiglecher Vitesse aus dem Höllenschlund geflücht…

Download audio file (angschtaschrecken06web.mp3)

Den 9. Dezember waar et also souwait. D’Joer 2007 ass endlech ungaangen. Also, d’Kulturjoer, enner Kenneren och nach “d’Joer vum bloen Hirsch” genannt. Den bloen Hirsch hun se iwregens geholl, well en iwerall an der Grousregioun virkennt. Daat ganzt heescht zwar “Letztebuerg 2007?, et spillt sech awer net nemmen zu Letztebuerg, mee eben och an der Grousregioun of.

Mir waaren nach zu 3 no engem laangen Nometten Jingle-produzeiren am Hauptquarteier vun Graffiti, direkt vis a vis vun der Gare. Et waar mettlerweil 11 Auer an mir hun eis geduercht, die Party op der aanerer Sait misst lo schon amgaangen sin.
Mettes haaten se op der Gare komesch Lautsprecheren opgeriicht, die ausgesin hun, wei wanns de aus Disneyland geifen kommen. An irgendeen Männchen mat engem Hobois stoung do an huet ganz komesch Geraischer gemaach.
Een Moment hun se elektronesch Musek zu denen komeschen Geraischer gespillt, daat huet der ganzer Szenerie en flotten Toutch gin. Allerdengs net laang, dun waar et just nach komesch an ech wollt leiwer net wessen, wei et geif weidergoen.

Ech waar och den 2007-Buttek. Do kritt en, wei an esou villen Geschäfter dei bei der Gare leien, nemmen Kreemschen ze kaafen. Allerdengs nemmen bloen-Letztebuerg2007-Hirsch-Kreemschen. Taasen mam Hirsch, Tshirten mam Hirsch, Jacketen mam Hirsch, Poschen mam Hirsch, Leffelen mam Hirsch, Stremp mam Hirsch, Buedmäntel mam Hirsch, Nudlen an Hirschform, Hirschstatuten mam Hirsch, Stickeren mam Hirsch, Buttons mam Hirsch. Ech wollt en Moment schon no Kondomen mam Hirsch froen, wei ech den Letztebuerg2007-Schnaps gesin hun.
Konnt en daat ganzt nach eescht huelen? Oder waar den ganzen komeschen Letztebuerg2007-Buttek eng selbstironesch Aktioun? Ech wollt, daat et esou waar. Well wann en deen Buttek muss eescht huelen, an daat hun ech geduercht, dann ass daat fir ze färten. Dofir sin ech ziemlech seier och erem eraus gaangen.

Et waar wei gesoot 11 Auer owes an mir waaren just nach zu drai an hun eis op de Wee an die berühmt-berüchtegt Rotonden gemaach, die och schon neonblo geliicht hun. E bessen wei en Puff. Op der Breck iwert der Gare sin eis ongefeier 100 bis 300 Leit entgeintkomm, die alleguerten gekuckt hun, wei wann sie vun engem bloen Hirsch an den Henner gebass gin wieren an daat cyanblot Deier dann op hir Schong gepisst hätt.
Et huet natirlech keen eis gewarnt.
Mee ech konnt mir jo denken, daat die ganz Aktioun geif Angscht a Schrecken gin.

Virun der Rotonde stoungen ongefeier 2000 Leit an enger Schlang fir ran. Obwuehl 2 Rotonden gin, gouf et just eng Schlang. Vun baussen huet en an die neonblo Kulturpuffen erangesin an et waar quasi eidel dobannen. Virwaat waaren d’Leit all dobaussen?
Die ganz Szenerie ass mir ziemlech spunesch Virkomm.
Ech wollt lo eigentlech en Witz mat “spuneschen Tiermchen” maachen, mee mir ass keen angefall. Den Auditeur därf lo awer trotzdem laachen. Merci.
Mir hun eis bessen emgekuckt an hun gesin daat et och en Ausgang gouf, wou Securitysleit stoungen an d’Leit geziehlt hun. An ech denken mir mol, sie hun och obgepasst daat sech net einfach een geif do eranschlaischen.

Mir hun mat denen Leit geschwaat an probeiert mat eiser ARA-Memberskaart mei schnell wei die ca. 500 Meter laang Schlaang virun der Entree eranzekommen. Leider huet daat net geklappt. D’Situatioun ass emmer mei komesch gin. Et stoungen net nemmen Leit an der Schlang, mee och einfach sou an klengen Kresser nirwendrun. An si hun alleguerten ausgesin, wei wann se vun engem ganzen Ruddel vun Cyan-Hirschen op d’Schong gepisst kruuten hätten.
Ech hun esouguer en heigen Regierungsbeamten gesin, den keen einfach esou erangeloss huet. Et waar zimmlech ellen. Die Rotonde, die en gesin huet, waar ziemlech eidel an d’Leit stoungen just do. Wei wann et an dem furchtbaar neonblo beliichteten Gebai verbueden wier, Spaß ze hun. Iwerhaat huet et esou geschengt wei wann Spaß an Kultur net geifen zesummen passen. Eng eescht Saach eben.
Et stoung och eng Ambulanz do. Wahrscheinlech, fir wann et engem schlecht geif gin. Oder en eng elleptesch Kris weinst denen neonbloen Luuchten geif maachen. Oder vun engem bloen Hirsch gebass geif gin.

Ech haat net nemmen d’Flemm, mee ech hun die ganz Szenerie sou lues an lues och onheemlech fonnt. Zum Gleck hun mir beschloss eppes drenken ze goen.
An wouhinner geht een, wann en genuch vun cyanbloen Letztebuerg2007-Eröffnungspartyen huet?

Richteg. Op die hippsten Plaatz am ganzen Land.
Die berühmt-berüchtegt Hollerescher Stross, an der ech jo schon Angscht a Schrecken erliewt hun.
Sou sollt et och des Keier kommen.
Mir sin an eng Boîte gaangen, die ausgesait wei en Scoutschâlet mat morbider Dekoratioun. Ech hun mir direkt en Cuba Libre bestallt. Den huet bessi komesch geschmaacht, wei wann de Rum net gudd wier. Ech hun naischt drop gin, emmerhin waar die ganz Mixtur drenkbaar an ech hun die Taatsach missen bekämpfen, daat ech vill ze vill oft niichter sin.

Ech hun mech an der Bôite an zweschen der bessi mei düsterer Clientell ziemlech …normal, fir net ze soen e ganz e bessen deplaceiert virkomm. Op manst haat ech eng schwaarz Jacket un, die huet villes erem gerett. Ej wollt mir nach Rum sichen goen, wei en een aalen Schoulkolleg vun mir gesin hun. Hien huet net verstaanen waat ech an der hipper Boite hei ze sichen hätt, an ech hun him gesoot, daat ech op der Sich no Alkohol waar. Dun huet en mir en Honnerter gin an gesoot “Huel waats de wells an huel mir en Paack Zigaretten mat!”
Daat hun ech dun och gemaach. Ech kruut en Glas mat enger waisser Flessegkeet an vill Ais.
Ech hätt direkt missen wessen, daat et keen Rum war. Speitens nodeems ech geschmaacht haat, wosst ech et. Ech hun dun ungehool daat et Wodka wier an waar och ze fridden. Emmerhin haat ech daat Gedrenks spendeiert kritt.

Vun engem Moment op den aaneren ass et “Klick” bei mir gaangen an et huet sech alles gedreint. Ausserdem hun ech gemierkt daat daat Gedrenks och keen Wodka waar. Et huet geschmaacht wei Alkohol mat bessen Waaser. Et hätt gudd kennen Terpentin oder Wäschbenzin sin.

Vun dem Moment un sin meng Enerrenrungen net mei esou kloer. Ech wees nach, daat en probeiert huet, main Brell mat dem Gedrenks ze wäschen, waat och erstaunlech gudd geklappt huet. Um eng Auer waar alles un an aus. Sie hun d’Musek ausgemaach an d’Leit sin alleguerten gaangen. Ech hun d’Welt net mei verstaanen.
Wiesou ass an der hippster Stross vun der Welt um Eng Auer owes schluss?
Op aaneren Plaatzen kommen d’Leit ereischt um 1!

Ech hun daat ganzt zimlech schrecklech fonnt. Virdeischt deen Desaster bei 2007, dann Wäschbenzin mat Ais amplaatz vun Rum an elo en vill ze schnellen Schluss…

Ech souz dun schlussendlech am Zuch fir heem, wei mir daat schrecklechst um ganzen Owend opgefall ass. Sie haaten die neutral an oft nogemaach Stemm, die am Zuch d’Haltestellen unseet, duerch eng bekannt Norichtespricherein ersaat. Die Fraa klengt emmer, wei wann se vun engem bloen Hirsch an d’Schong gepisst kritt hätt. An bei all Haltestell mengt en, elo geif d’Noricht kommen, daat op der Plaatz eng Gasleitung explodeiert wier an et 5000 Doudeger gin wier, sou en ellenen Toun huet se drop.
An ech souz midd an net mei ganz niichter am Zuch an sin all Keiers zesummengezeckt, wann die Fraa d’Haltestellen duerchgesoot huet. Ech kruut nach eng Keier eng ordentlech Portioun Angscht a Schrecken…
An esou sollt daat lo en ganzt Kulturjoer laang goen?