Ech hun op en Scoutschâlet opgepasst, an dem den Daag drop eng Hochzait waar. Dun ass en Club des Jeunes komm, huet Holz gemaach an sech komesch, angeschteinflössend beholl. Eng Bluesband ass unkomm an huet roueg gewaard. Dun ass en Konvoi aus dem Osten vum Land komm an déi eigentlech Feier sollt ufänken.

Download audio file (angschtaschrecken36web.mp3)
mp3 download Angscht a Schrecken déi zweeten Keier op der Hochzait vun menger beschter Frendin, daat den Nolauschter net onbekannt ass, senger Tata

Virdeischt stoung jiddereen méi oder manner onwessend rondrem an huet d’Brautpuer gekuckt, daat net tradionell gekleed waar. Ech hun allerdengs keen Rais méi gesin. Rais ged op d’Brautpuer geworf, als Fruchtbaarkeetssymbol. Angeblech.
Ech sin der Meenung, et ged eischter Rais geworf, fir dem Brautpuer daat onverglaichlescht Gefill ze gin, herno Rais an allen meiglechenen an onmeiglechen Kierperöffnungen ze fannen.

Irgendwann ass opgefall, daat nach zwee Autoen gefehlt hun. Eng eeler Fraa an meng Bescht Frendin waaren nach verschollen. Also, déi eeler Fraa haat sech verfuer an irgendeen huet si jo missen retten goen. Waat geheescht huet, daat ech relativ onbehollef do stoung an net wirklech wosst, waat ech sollt maachen. Meng Aufgab waar erfellt an elo sollt sech meng Belounung kreien: D’Feier. Friessen an Saufen. Sou oder sou ongefeiher.

Um Grill huet d’Feier gebrannt, den Club des Jeunes huet alles, waat irgendwann eng Keier Punkto Geschier an symetreschen Musteren opgestallt gin waar, op aaner Descher gestallt, fir den Schampes ze serveiren. Eigentlech waar et no der Hochzait op der Gemeng schons Schampes an engem Café gin. Mee daat sollt keen drun henneren, es nach méi ze drenken.

D’Glieser waren ruck-zuck gefellt an mir stoungen an dem Zelt, wou ech nemmen e puer Stonnen virdrun d’Wänn mat Moosgummihärzen verziert haat. Leider haat irgendeeen d’Wänn eropgediebelt, sou daat keen méi d’Moosgummihärzen gesin huet. Waat definitiv schued waar.

Irgendwann ass meng bescht Frendin an déi eeler Fraa dann och ukomm. Ongefeiher eng hallew Stonn nom Recht vun der Hochzaitgesellschaft, den sech quasi an der Gesamtheet anescht ugedoen huet, iert et Schampes gouf. Ech mengen, daat waar déi eischt Hochzait, op der ech Leit an Turnschlappen an Buerfeiß gesin hun. Mee ech waar och nach net op besonnesch vill Hochzaiten.

Fir elo nach eng Keier déi Aventure mat denen 2 fehlenden Autoen ze resuméiren: Déi eeler Fraa ass relativ lues gefuer an huet laang net gemierkt, daat sie falsch gefuer waar. Ongefeiher wéi se zu Diekrech waar, ass se dun ofgefaangen an emgedreint gin. Op enger bekannter Autobunn ass si mat ganzer 70 Stonnenkilometer gefuer. Wahrscheinlech waar daat déi eischten Keier, daat sie am 4. Gang gefuer ass.

Op allen Fall waar d’Hochzaitsgesellschaft elo vollstänneg an huet sech drun gemaach, den Schampes sou wait wéi meiglech eidel ze maachen, waat net onbedengt déi liichsten Aufgab waar. Ech sin verschiddenen Leit virgestallt gin an hun mech missen zesummenzeraissen, fir net haard ze soen “Ahh, daat ass DEEN!” an dann eng méi oder manner peinlech Geschicht ze resuméiren.

Verschidden Leit hun sech mir och virgestallt. Ech hun daat deelweis immens komesch fonnt. Vlaischt louch daat um Alkohol, den hei ganz secher an Streim gefloss ass. “Ech sin den XY. Laach net!”. Wann en Mensch sech esou virstellt an keen witzegen Numm huet, muss ech trotzdem laachen.
Mee daat eischter, fir mengen aalen Bekannten Angscht a Schrecken ze weisen, daat se mech nach net ganz hun.

Waat waar daat fir eng komesch Famill? Wiesou waar esou vill Alkohol ankaaft gin?
Mee iert ech meng méi intensiv mat denen Froen beschäftegten konnt, ass eng Wolek aus engem seisslechem Geroch an meng Nues gedrongen.
Drogen!

Ech haat beim Club des Jeunes Gerüchter heiren. Et wieren anscheinend Leit do gewierscht, déi gesoot hätten, et geif op deser Hochzaitsfeier relativ vill Drogen gin. Ech hun daat fir daat dommt Geschwätz vun engem Club des Jeunes gehaalen, mee lo haat ech d’Gewessheet. Virun net all ze laanger Zait waar en verdächtegen Pack aus brongem, onopfällegem Karton mat obskuren Inhalt geliwert gin.

Irgendwann ass et dozweschend och Ziessen gin. Eng Millioun Zaloten an ongefeiher déi selwescht quaniteit un Fleesch vum Grill. Glecklecherweis haat irgendeeen gudden Mensch un speziell Gonzojournalistenverpflegung geduercht, déi ech dunn och promt serveiert kruut.

Angscht a Schrecken hun sech méi an méi breed gemaach. Leit hun ugefaangen express schlecht englesch ze schwätzen. D’Bluesband huet gespillt, waat relativ gefall huet. D’Leit hun dorobber gedanzt. Verschiddener sin och vlaischt just e bessi getorkelt.

Wéi ech meng Senner mat engem klengen Zockerschock erem erwäschen konnt, well ech geduercht hun, mat kloeren Gedanken kéint ech Angscht a Schrecken an en daischteren Eck verdreiwen, sin ech mat engem Biesemstill bedreid gin. Ech wollt mir graad Limonade an main Glas schedden, do kruut ech déi Biischt zweschen d’Kneien gestouss an wier baal emgefall.
Et waaren definitiv ze vill Drogen am Spill.

Je méi speit an daischter et gin ass, emsou méi Angscht a Schrecken hun ech verspuert. All Beziehungsdramen sin do opgeweckelt gin, eng weider Dampwollek ass duerch de Raum geflunn, méi Alkohol ass gefloss an ech hun Leit missen begleeden fir den Wee fir op d’Toilett ze fannen.

Irgendwann huet d’Band opgehaalen mat spillen an en DJ sollt am Châlet selwer spillen. Daat ass dun och geschidd, mee keen vun der Hochzaitsgesellschaft huet sech vum Zelt an de Châlet bewegt. Vill Leit sin dun gefuer. Obwuehl ech mech bei verschiddenen Leit gefroot hun, ob sie wirklech nach kéinten Auto fueren.

Virum Scoutschâlet ass iwer Autoen an d’Arméi diskutéiert gin. Ech hun eng Fläsch Beier gedronk, well ech d’Impressioun haat, domadder keint ech alles besser erdroen, obwuehl Angscht a Schrecken doduerch just méi visibel gin sin.

Schlecht Musek ass aus dem Pubquiz komm. Irgendwou beim Zelt hun Leit gejaut an den Geroch vun Drogen louch an der Loft. Angscht a Schrecken haaten mech.

Daat enzegt, waat elo nach bliewen ass, waar d’Flucht. Virdrun hun mir awer nach missen eis Saachen zesummen paacken, mat der Band schwätzen, Bagetten klauen, ausdiskutéiren, ween wéi midd wier an mat waat fir engem Auto fueren kéint.

D’Flucht an engem Auto, an dem zwee Leit, dorenner de Chauffeuer, streiden, op den Chauffeuer lo voll wier oder net, ass net onbedengt déi scheinsten, déi en erliewen kann. Wann en awer bedenkt, waat hannert engem lait, verschwannen Angscht a Schrecken lues an lues am daischteren, wann och en komescht Gefill am Mo bleiwt…

Download audio file (angschtaschrecken35web.mp3)
mp3 download Angscht a Schrecken op der Hochzait vun menger beschter Frendin, daat den Nolauschter net onbekannt ass, senger Tata

Et gin natirlech och Leit, déi net wessen, waat dann lo alles sou schrecklech un gewessen Saachen sin soll. Am Allgemengen ged et och eng Tendenz, daat d’Leit emmer all déi Folgen, wou sie dobai waaren, am beschten fannen.

Et ass schwéier, et jidderengem Recht ze maachen. Dofir maachen ech einfach daat, waat et mir Recht mescht. Waat net heescht, daat en keng Folgen “akaafen” kéint. Bei veierstellegen Zommen kéint en driwer nodenken, en Nirwensaatz anzebauen, wann en Loscht huet.

Ech waar also op eng Hochzait angelueden. D’Hochzait vun menger beschter Frendin, daat den Nolauschter net onbekannt ass, senger Tata. Et kéint en sech lo immens vill Meiglechkeeten ausdenken, wéi an wiesou ech dann elo op des Hochzait angelueden gewierscht wier. Vlaischt einfach, well déi Frendin eng bekannt Persoun bei sech wollt hun, fir weinstens mat engem schwätzen ze kennen. Oder, well ech, wéi en daat esou schein nennt, “en Frend vun der Famil” wier. Oder well ech sollt DJ spillen, waat op Hochzaiten jo net emmer besonnesch einfach ass. Oder einfach, well ech eng Berühmheet wier.

Mee et waar alles vill vill méi komplizeiert. Ech waar angelueden, well ech op den Scoutschâlet, den des Keier en wirklechen, echten Scoutschâlet waar, déi Nuecht virun der Hochzait opgepasst hun. Mat menger beschter Frendin. An den Daag drop, während déi eigentlech Hochzait waar, och e puer Stonnen.
An doweinst waar ech also op déi Hochzait angelueden.

Daat ganzt huet schon ziemlech heckteg ugefaangen, well ech vill ze laang ennerwee waar. Wéi ech dun endlech do ukommen sin, hun ech een bessi verwirrt nach-net-Brautpuer an en hallewdekoréierten Scoutschâlet virfonnt. Mir hun daat bessi verwirrt nach-net-Brautpuer heem gescheckt an hun eis un eis Aufgab gemaach. Ob den Scoutschâlet oppassen. Mir hun dozou daat benotzt, waat all gudden Gardien braucht: zwee Still, eng Fläsch Sprite an eng Baguette. Nee, daat waar lo keen Insiderwitz, an wann dir et net verstaanen hudd, musst dir ierch firchterlech schummen.

Déi Nuecht ass relativ roueg verlaaf an et ass och alles, op waat mir hun missen oppassen, stoen bliwen. Trotzdem hun sech an mengem Mo schon déi eischt Unzeechen vun Angscht a Schrecken breed gemaach. Waat geif daat fir eng Hochzait gin? Sollt ech eppes op déi Ukennegungen, et geif secher Angscht a Schrecken gin, gin?

Den Moien ass séier eremgaangen mat Virbereedungen an Dekoratiounen. Fir déi méi graff Saachen geif en Club des Jeunes kommen. Also hun ech matgehollef, Moosgummihärzen op en Zelt ze peschen an Glieser an Pyramidenform, also eischter an engem Draieck, opzestellen. Ech hun geduercht, et wier wahrscheinlech besser, sech einfach keng Froen ze stellen, well en soss, dach nemmen Angscht a Schrecken geif erliewen.
Irgendwann ass dun den Moment komm, wou all Mensch aus dem Haus waar, fir bestued ze gin oder beim Bestueden nozekucken an mat Rais op d’elo-net-méi-nach-net-Brautpuer ze werfen.

Ech waar also elleng am dem Scoutschâlet an hun mech nach e bessi em divers Dekoratiounen gekemmert. Irgendeen haat ongefeiher allguerten d’Sonnenblumen aus dem ganzen Land gepleckt an an eng Onmass vun Vasen gestach. An déi hun ech allguerten irgendwou an dem Scoutschâlet an och ronderem verdeelt. Ech hun mech gefroot, op irgendeen daat op der Feier ze würdegen weißt. Mee oft sin déi ongesin Arbeschten déi schweierst. Virun allem, wann et em Dekoratioun geht.

Irgendwann ass dun den Club des Jeunes komm. Ech sollt denenen eigentlech e puer Aufgaben gin. Déi hun ech schlussendlech baal all selwer erleedegt, well sie aaner Informatiounen an virun allem Prioritéiten haaten wéi ech. Sie hun ugefaangen Holz ze maachen.

Et schengt net wirklech vill Saachen ze gin, déi quasi all Toppert kann an déi méi “männlech” sin wéi Holz ze maachen. Mat enger Axt sou fest wéi meiglech op irgendeen Punkt op e Steck Holz ze haaen, daat ass net sonnerlech schweier, mee et kritt en schnell d’Gefill, et hätt en eppes geschafft. Virun allem, well aus engem groussen Steck Holz seier 2 méi klenger gin an sech esou d’Friichten vun der Arbescht emmer méi schnell vermehren.

Ech hun mech gefroot, wiesou sie net einfach Holz vun dem Stapel, den schon färdeg an Stecker gehaaen do louch, geholl hun. Mee eng wirklech Äntwert dorobber kruut ech net. Angscht a Schrecken waaren als en vague Schiet um Horizont ze erkennen.

No engem méi oder maaner laangem Nometten bei dem ech meeschtens relativ onbedeelegt bei dem Club des Jeunes rondremstoung an mir soen geloss hun, sie wieren net emmer esou topeg an geifen sech net emmer sou behuelen, oder, an mengem Vokabluär, sie geifen sech net emmer sou angschteinflössend an wéi en Trupp Junkien no enger Kaffeefahrt op den Malediven behuelen.

Vlaischt, hun ech mir geduercht, sin daat och déi normal Domheeten an en mettelmeissegt Behuelen vun der letzebuerger Landjugend. Bei dem Gedanken sin Angscht a Schrecken aus dem Schiet gesprongen an hun mech an d’Been gebass. Ech hun en stommen Kreesch vun Peng vun mir gin, den, an daat lait an der Natur vun der Saach, keen heiren huet. Glaichzaiteg hun ech mech gefroot, wéi sech sou en stommen Kreesch, wéi en oft an schlechten Groschenromaner beschriwen ged, sech eigentlech unheiert. Mee wann en Radiogonzojournalismus mescht, kann en sech net laang mat stommen Saachen beschäftegten. Daat ass eischter eppes fir “d’Kollegen vun der geschriwener Press”.

Un deser Plaatz sin ech lo versicht, eng Beschreiwung, wéi ech eng Häressbel mat enger Jeans verdirwen an baal futtigeschloen haat, anzebauen. Daat ass sech allerdengs net op der Hochzait, mee elo graad beim Schreiwen vun der Episode geschidd an et gin schon ze vill chronologesch Interferenzen, sou daat ech oft net wees, waat fir eng Zait ech benotzen soll.

Irgendwann waar et dun endlech Owend, den Grill ass gelaaf, an aus dem Osten vum Land ass d’Meldung komm, daat den Konvoi mat der Hochzaitsgesellschaft elo ennerwee wier. Ausserdem waar schon eng Bluesband, bestehend aus 2 Membren, angetraff an stoung virun Scoutschâlet ze waaren an daat mat enger Rou, wéi nemmen en Bluesband waarden kann.

Eng hallew Stonn drop ass den Konvoi dann endlech unkomm. Jiddereen, den op manst schon eng Keier vun enger Hochzait heiren huet, kennt daat. Autoen mat Loftbäll déi tuuten. Normalerweis klengt daat, wéi wann erem irgendeen Land am Futtball gewonnen hätt, mee bei méi geneem Kucken mierkt en, daat et do Ennerscheeder gin. Zum Beispill eben déi Loftbäll, déi bei denen weinesten Futtball-Supporter um Auto sin.

Waat geif déi Hochzait do brengen? Wiesou huet de Club des Jeunes selwer Holz gemaach? Huet do net en bestemmten Auto am Konvoi gefehlt? Geif et je eng net ofgeschlossen Angscht-a-Schrecken-Episode gin?
D’Äntwert op déi Froen… d’nächst Woch.

Download audio file (angschtaschrecken10web.mp3)

Ech wosst awer, ob waat ech mech geif anlossen an dofir kann ech mech net bekloeen. An trotzdem.
Et waar en vun denen Deeg, wou en sech verzweifelt d’Fro stellt, ob en soll eng Jacket undoen oder net. Ob engem Konzert hennert eng Jacket normalerweis. Et huet en net vill Geleegenheet, se auszedoen, mee et misst en et awer dringend.
Et ass normalerweis waarm am Raum, et sprengt en selwer vlaischt nach bessi rondrem, an am allgemengen ass eng schweeseg Atmosphär. Fir net ze soen: Et herscht en fiichten, subtropeschen Klima.

Ech mech also dofir entschloss, keng Jacket unzedoen an haat just main Kapuzenplover un. No denen eischten 5 Meter hun ech gemierkt, daat dat en Fehler waar. Et huet nämlech riicht eran gereent.
Gudd, hun ech geduercht, daat ass och nach keen Drama. Déi 10 Minuten bis op d’Gare geif ech packen. An am Zuch wier et dann ejo drechen, an der Staadt geif et jo secher net méi reenen.

Am Zuch waar et tatsächlech méi drechen. Dofir huet do awer eng ziemlech onheemlech an agressiv Atmosphär geherscht. Ech haat, ouni et ze wellen natirlech, engem Besoffenen Dir op de Kapp geschlo.
Den huet mir dun och direkt gesoot, ech misst besser oppassen. Allerdengs waar “direkt” fir hien dun, wei en bis bei main Abteil getorkelt waar.
Ech hun net ganz vill drop gin. Den Mann hätt jo och bessi keinten oppassen.

Ech souz also an dem Zuch, den durch d’Daischtert gerattert ass, an ech souz alleng an mengem Abteil an mir ass et emmer méi an méi onheemlech gin.
Aus dem Abteil nirwend mengem sin komesch Geraischer komm.
Ech sin mir virkomm wéi an engem Zirkustransport. Wéi an engem onheemlechen an brutalen Zirkustransport.
Iwerall am Zuch huet et geknuppt an Leit hun gelallt. Et huet sech unheiren wei wann se geifen duerch den Zuch laafen an hir blöd Parolen lallen, ouni Grond, ouni Verstand, ouni Senn…

Ech souz zweschend alledem an konnt mech net wieren. Ech hun just gehofft, daat keen op d’Idee geif kommen, bei mech an d’Abteil ze kommen. D’Angscht ass mir lues awer secher d’Been eropgeklommen.
Ech haat Angscht virun denen Verreckten, die lallend a besoof duerch den Zuch gelaaf sin an vlaischt net nemmen op Alkohol, mee och op Drogen eraus waaren. Um Enn waar ech an enger Kaffeefahrt vun e puer Drogenverreckten, déi graad den greißten Horrortrip vun hirem Liewen haaten.

Irgendwann ass den Zuch dann unkomm an mir ass, trotz all mengen Befierchtungen, naischt geschidd gewierscht. Ech hun mech esou seier wéi nemmen meiglech aus dem Zuch gemaach, well ech gefaart hun, irgendeen Drogenfreak op dem schlemmsten Horrortrip vun sengem Liewen geif mengen, hien misst jiddereen embrengen, den em iwert den Wee leeft.
Normalerweis hun esou Leit folgendes als Begrennung:
“Wann ech jiddereen embrengen, kommen ech an den Himmel bei Jesus. Jesus ass main Frend!”
Ech wosst, daat an dem Zuch keen main Frend konnt hun vun Angscht baal net matkritt, daat et mindestens genausouvill geif reenen wei do, wou ech erangeklomm waar.

Ech sin dunn duerch d’Gare gehetzt an hun bei der Entree, wou ech nirwt enger illustrerer Gesellschaft stoenbliwen sin, festgestallt, daat et net esou vill geif reenen, wei do, wou ech erangeklomm waar.
Et huet vill méi gereent.

Déi enzeg Maneier, fir och nemmen hallew drechen unzekommen waar also, ze rennen. Oder, wann en den Minimum un Coolness wollt behaalen, den vun engem verlaangt ged, wann en op d’10-Joer-Geburstdaachsfeier vun enger Bar, déi ausgesait wei en Scoutschâlet geht: seier goen.

Bei der Post dun hun ech eng Laich gesin. Also, ech hun gemengt, et wier eng Laich oder ob manst eng verletzt Persoun. Ob manst louch do eppes, waat vague wéi en Kierper ausgesin huet an eppes, waat vague wei Blut ausgesin huet.

Ech sin méi no gaangen. Ech haat en Zuch voller Drogenverecktener iwerliewet, dann geif ech et och packen, eng Laich ze gesin.
Mee wéi ech mei no komm sin, hun ech ziemlech seier gemierkt, daat et keng Laich waar. Et waar eischter eng Kescht, Isoleierwoll an irgendengaart Jus, deen awer genee déi selwescht Faarw wéi Bludd haat.

Ech sin also weider gaangen an meng Kaputz huet esou lues ugefaangen, fiicht ze gin. Ausserdem haat ech nass Feiss. Mee et waar net méi allzewait an ech wosst jo, daat et an der Bar, déi ausgesait wéi en Scoutschâlet, gudd waarm wier.

Ech sin eigentlech genee zu dem richtegen Zaitpunk unkomm. Ech kruut eng Plaatz virun der Bühn an ech hun just nach missen 10 Minuten waarden, bis de Konzert ugefaangen huet.
Also, wann ech soen, virun der Bühn, dann mengen ech: virun der Plaatz, wou d’Band stoung. Well eng richteg Bühn gouf et un sech net. Wou soss zerkraatzten an verrefften Decher stin, déi all méi aal wei 10 Joer ausgesin, do stoung lo eben eng Batterie, Verstärkerern an soss Audio-Krimskrams, den en eben fir en Konzert brauch.

Wéi et dun ungaangen ass, huet de Sänger vun der eischter Band gesoot, et geif en extrem rouegen Konzert gin. Ech wosst, daat dat geif kommen. Un sech wier et méi richteg gewierscht, den hätt gesoot, et geif en extrem luesen Konzert gin.
Mee ech froen mech, ob iwerhaat irgendeen ausser mir am Publikum déi Uspillung verstaanen haat.

Et gouf eigentlech just nach een Wuert, fir d’Steemung, d’Musek, daat virhereschend Gefill an der Bar, déi ausgesait wéi en Scoutschâlet, ze beschreiwen: haard.
An wann ech haard soen, dann mengen ech net nemmen ziemlech haard.
Et ged eng Grenz vun Schalldrock, also Lautstärkt, déi Menschen kennen erdroen. Irgendwann platzten die enner Oranger einfach. An wann ech soen: haard, dann waar et no dorunner.

Ech haat e bessi Angscht, no dem Konzert naischt méi ze heiren. Annersaits hun ech d’Musek jo heiren, an esou laang ech déi nach heiren hun, konnt ech jo nach net ganz daaf sin. Ob manst daat alt mol.
Waat ech méi gefaart hun waar, daat en vun denen Mikroen, déi opgeaangen goufen, fir den Konzert opzehuelen geif erofaalen. En vun denen zwee waar esou deck an schweier daat den, den en op de Kapp kritt hätt, secher op der Plaatz doud gewierscht wier.

Die net immens grous Bar huet sech emmer an emmer méi gefellt. Ech hun mech no der eischter Band net méi getraut, eraus ze goen. Ech haat dozou och keen Grond. Ech kruut nach genuch Loft, ech haat eng leif Persoun fir ze schwätzen an och eppes fir ze drenken. Och main Geheier huet nach, esou wait ech daat eben beurdeelen konnt, funktioneiert.
Dun huet d’Musek erem ugefaangen. Mee des Keier waar se irgendwei mei…lues. Vlaischt huet daat och un denen villen Leit geleen, déi virun an rondrem mech stoungen.

No der zweeter Band dann waar die Bar, die ausgesait wéi en Scoutschâlet an ausserdem och nach grad 10 Joer gefeiert huet, wirklech stubbelvoll. Esou strubbelvoll, daat en Meih haat, vir erauszekommen, waat ech an meng Begleedung awer probeiert hun. Wei ech an der Traap stoung hun ech geduercht: Wanns de lo einfach sprengs, bass de Seier ennen. An bis op de Buedem kenns de och net.

Ech sin dun och net gesprongen. Mir hun eis duerchgekämpft. Irgendwou huet en aarmen, den graad zerdreckt gin ass, gejaut. Vlait haat en och einfach just ze vill gedronk an den Bauch wéi. Ech wees et net.

Irgendwann haaten mir et dun eraus gepackt, mee do waren ongefeier nach eng Keier esou vill Leit wei an der Bar selwer. Dementsprechend waar d’Loft och genee esou steckeg wei bannen. Och vun der Temperatur waar net vill Ennerscheed. Mir hun eis weider duerchgekämpft, bis mir op der Stross stoungen.

Ech konnt net méi erangoen. Ech hun missen den Zuch fir heem huelen. An hätt ech et nach eng Keier probeiert fir an den Scoutschâlet vun enger Bar eranzekommen, wier ech garanteiert ze speit komm. Ech haat esouwiesou genuch.

Am Zuch sin ech dun nach vun enger weldfriemer Persoun erkannt gin an kruut vun engem Kommunist Amaretto ungebueden.
Et waar erem en typeschen Owend vun Angscht a Schrecken.

Download audio file (angschtaschrecken06web.mp3)

Den 9. Dezember waar et also souwait. D’Joer 2007 ass endlech ungaangen. Also, d’Kulturjoer, enner Kenneren och nach “d’Joer vum bloen Hirsch” genannt. Den bloen Hirsch hun se iwregens geholl, well en iwerall an der Grousregioun virkennt. Daat ganzt heescht zwar “Letztebuerg 2007?, et spillt sech awer net nemmen zu Letztebuerg, mee eben och an der Grousregioun of.

Mir waaren nach zu 3 no engem laangen Nometten Jingle-produzeiren am Hauptquarteier vun Graffiti, direkt vis a vis vun der Gare. Et waar mettlerweil 11 Auer an mir hun eis geduercht, die Party op der aanerer Sait misst lo schon amgaangen sin.
Mettes haaten se op der Gare komesch Lautsprecheren opgeriicht, die ausgesin hun, wei wanns de aus Disneyland geifen kommen. An irgendeen Männchen mat engem Hobois stoung do an huet ganz komesch Geraischer gemaach.
Een Moment hun se elektronesch Musek zu denen komeschen Geraischer gespillt, daat huet der ganzer Szenerie en flotten Toutch gin. Allerdengs net laang, dun waar et just nach komesch an ech wollt leiwer net wessen, wei et geif weidergoen.

Ech waar och den 2007-Buttek. Do kritt en, wei an esou villen Geschäfter dei bei der Gare leien, nemmen Kreemschen ze kaafen. Allerdengs nemmen bloen-Letztebuerg2007-Hirsch-Kreemschen. Taasen mam Hirsch, Tshirten mam Hirsch, Jacketen mam Hirsch, Poschen mam Hirsch, Leffelen mam Hirsch, Stremp mam Hirsch, Buedmäntel mam Hirsch, Nudlen an Hirschform, Hirschstatuten mam Hirsch, Stickeren mam Hirsch, Buttons mam Hirsch. Ech wollt en Moment schon no Kondomen mam Hirsch froen, wei ech den Letztebuerg2007-Schnaps gesin hun.
Konnt en daat ganzt nach eescht huelen? Oder waar den ganzen komeschen Letztebuerg2007-Buttek eng selbstironesch Aktioun? Ech wollt, daat et esou waar. Well wann en deen Buttek muss eescht huelen, an daat hun ech geduercht, dann ass daat fir ze färten. Dofir sin ech ziemlech seier och erem eraus gaangen.

Et waar wei gesoot 11 Auer owes an mir waaren just nach zu drai an hun eis op de Wee an die berühmt-berüchtegt Rotonden gemaach, die och schon neonblo geliicht hun. E bessen wei en Puff. Op der Breck iwert der Gare sin eis ongefeier 100 bis 300 Leit entgeintkomm, die alleguerten gekuckt hun, wei wann sie vun engem bloen Hirsch an den Henner gebass gin wieren an daat cyanblot Deier dann op hir Schong gepisst hätt.
Et huet natirlech keen eis gewarnt.
Mee ech konnt mir jo denken, daat die ganz Aktioun geif Angscht a Schrecken gin.

Virun der Rotonde stoungen ongefeier 2000 Leit an enger Schlang fir ran. Obwuehl 2 Rotonden gin, gouf et just eng Schlang. Vun baussen huet en an die neonblo Kulturpuffen erangesin an et waar quasi eidel dobannen. Virwaat waaren d’Leit all dobaussen?
Die ganz Szenerie ass mir ziemlech spunesch Virkomm.
Ech wollt lo eigentlech en Witz mat “spuneschen Tiermchen” maachen, mee mir ass keen angefall. Den Auditeur därf lo awer trotzdem laachen. Merci.
Mir hun eis bessen emgekuckt an hun gesin daat et och en Ausgang gouf, wou Securitysleit stoungen an d’Leit geziehlt hun. An ech denken mir mol, sie hun och obgepasst daat sech net einfach een geif do eranschlaischen.

Mir hun mat denen Leit geschwaat an probeiert mat eiser ARA-Memberskaart mei schnell wei die ca. 500 Meter laang Schlaang virun der Entree eranzekommen. Leider huet daat net geklappt. D’Situatioun ass emmer mei komesch gin. Et stoungen net nemmen Leit an der Schlang, mee och einfach sou an klengen Kresser nirwendrun. An si hun alleguerten ausgesin, wei wann se vun engem ganzen Ruddel vun Cyan-Hirschen op d’Schong gepisst kruuten hätten.
Ech hun esouguer en heigen Regierungsbeamten gesin, den keen einfach esou erangeloss huet. Et waar zimmlech ellen. Die Rotonde, die en gesin huet, waar ziemlech eidel an d’Leit stoungen just do. Wei wann et an dem furchtbaar neonblo beliichteten Gebai verbueden wier, Spaß ze hun. Iwerhaat huet et esou geschengt wei wann Spaß an Kultur net geifen zesummen passen. Eng eescht Saach eben.
Et stoung och eng Ambulanz do. Wahrscheinlech, fir wann et engem schlecht geif gin. Oder en eng elleptesch Kris weinst denen neonbloen Luuchten geif maachen. Oder vun engem bloen Hirsch gebass geif gin.

Ech haat net nemmen d’Flemm, mee ech hun die ganz Szenerie sou lues an lues och onheemlech fonnt. Zum Gleck hun mir beschloss eppes drenken ze goen.
An wouhinner geht een, wann en genuch vun cyanbloen Letztebuerg2007-Eröffnungspartyen huet?

Richteg. Op die hippsten Plaatz am ganzen Land.
Die berühmt-berüchtegt Hollerescher Stross, an der ech jo schon Angscht a Schrecken erliewt hun.
Sou sollt et och des Keier kommen.
Mir sin an eng Boîte gaangen, die ausgesait wei en Scoutschâlet mat morbider Dekoratioun. Ech hun mir direkt en Cuba Libre bestallt. Den huet bessi komesch geschmaacht, wei wann de Rum net gudd wier. Ech hun naischt drop gin, emmerhin waar die ganz Mixtur drenkbaar an ech hun die Taatsach missen bekämpfen, daat ech vill ze vill oft niichter sin.

Ech hun mech an der Bôite an zweschen der bessi mei düsterer Clientell ziemlech …normal, fir net ze soen e ganz e bessen deplaceiert virkomm. Op manst haat ech eng schwaarz Jacket un, die huet villes erem gerett. Ej wollt mir nach Rum sichen goen, wei en een aalen Schoulkolleg vun mir gesin hun. Hien huet net verstaanen waat ech an der hipper Boite hei ze sichen hätt, an ech hun him gesoot, daat ech op der Sich no Alkohol waar. Dun huet en mir en Honnerter gin an gesoot “Huel waats de wells an huel mir en Paack Zigaretten mat!”
Daat hun ech dun och gemaach. Ech kruut en Glas mat enger waisser Flessegkeet an vill Ais.
Ech hätt direkt missen wessen, daat et keen Rum war. Speitens nodeems ech geschmaacht haat, wosst ech et. Ech hun dun ungehool daat et Wodka wier an waar och ze fridden. Emmerhin haat ech daat Gedrenks spendeiert kritt.

Vun engem Moment op den aaneren ass et “Klick” bei mir gaangen an et huet sech alles gedreint. Ausserdem hun ech gemierkt daat daat Gedrenks och keen Wodka waar. Et huet geschmaacht wei Alkohol mat bessen Waaser. Et hätt gudd kennen Terpentin oder Wäschbenzin sin.

Vun dem Moment un sin meng Enerrenrungen net mei esou kloer. Ech wees nach, daat en probeiert huet, main Brell mat dem Gedrenks ze wäschen, waat och erstaunlech gudd geklappt huet. Um eng Auer waar alles un an aus. Sie hun d’Musek ausgemaach an d’Leit sin alleguerten gaangen. Ech hun d’Welt net mei verstaanen.
Wiesou ass an der hippster Stross vun der Welt um Eng Auer owes schluss?
Op aaneren Plaatzen kommen d’Leit ereischt um 1!

Ech hun daat ganzt zimlech schrecklech fonnt. Virdeischt deen Desaster bei 2007, dann Wäschbenzin mat Ais amplaatz vun Rum an elo en vill ze schnellen Schluss…

Ech souz dun schlussendlech am Zuch fir heem, wei mir daat schrecklechst um ganzen Owend opgefall ass. Sie haaten die neutral an oft nogemaach Stemm, die am Zuch d’Haltestellen unseet, duerch eng bekannt Norichtespricherein ersaat. Die Fraa klengt emmer, wei wann se vun engem bloen Hirsch an d’Schong gepisst kritt hätt. An bei all Haltestell mengt en, elo geif d’Noricht kommen, daat op der Plaatz eng Gasleitung explodeiert wier an et 5000 Doudeger gin wier, sou en ellenen Toun huet se drop.
An ech souz midd an net mei ganz niichter am Zuch an sin all Keiers zesummengezeckt, wann die Fraa d’Haltestellen duerchgesoot huet. Ech kruut nach eng Keier eng ordentlech Portioun Angscht a Schrecken…
An esou sollt daat lo en ganzt Kulturjoer laang goen?