Download audio file (angschtaschrecken84.mp3)
mp3 download Angscht a Schrecken op enger Party vun Studenten vun der Uni.lu

Ech wosst zwar, daat et eng Rescht vun „auslännesche“ Studenten géif
ginn, mee daat déi an hiren Studentenwunnheemer géifen Partyen
schmeissen, dorunner hunn ech nët emol geduercht. Fir mech waar d’Uni
emmer eppes ziemlech langweileges, wourunner daat witzegst d’Tshirten
mam Sproch „D’Uni.lu ass iwerhaat keng Uni“. Mee ech wosst nët, wéi
Onrecht ech domadder sollt hunn.

Ech waar also vun e puer Studenten op eng sougenannt „House“party
angelueden, waat naischt mat der Musekrichtung oder engem Dokter ze dinn
haat. Een Studentenwunnheem zu Bouneweg sollt d’Plaatz vun dem ganzen
Event sinn.
Bouneweeg , daat heescht fir mech Fixerstoff, Rotonden – an en relativ
aarmen an dreckegen Quartier. Domadder verbend een net onbedengt
Partystemmung. Eischter Angscht a Schrecken.

Ech hun mech also vun der Gare aus iwert déi grous Autosbreck Richtung
Bouneweeg gemaach. Do waar ech dann an der relativ blöder Laag, zwar eng
Hausnummer, mee awer keng Ahnung, wou daat genee sollt sinn, ze hunn.
Well ech schlauerweis och keng Handysnummer vun irgendengem haat, waar
ech also op mech alleng gestallt.

Wéi hunn d’Leit daat eigentlech fréiher gemaach? Vlaischt am Virraus
gefroot an sech eng Weebeschreiweung ginn geloss, amplaatz sech op
„Google Maps“ an sain eegent méi oder manner gudd Orientéierungsgefill
ze verlossen.

Waat soll den Gaiz hunn ech mir geduercht, du bass Gonzojournalist an du
hues eng Fläsch Rum dobai – waat kann do scho schief goen?

Natirlech sinn ech beim éischten Versuch glaat lanscht déi onscheinbar
Residence gelaaf. Zu Bouneweeg waaren déi meescht Fenstren schon
daischter. Keen Liewen héi, virun allem keng well Studentenparty.
Vlaischt géif „Houseparty“ an deem Fall jo heeschen, daat 5 Leit em een
Desch setzen an drenken géifen. Just daat ech daat Haus mat dem Desch
nach nët fonnt haat.

Nodeems ech eng Zait laang duerch Bouneweeg gegeschtert waar, hin an
zereck, hun ech vunn an engem daischteren Eck hannert engem Parking déi
ominös Résidence fonnt.

Vun dobaussen huet et immens roueg ausgesinn. Ech hun och nach e puer
Minuten no der Entree missen sichen. Wéi gesoot, et waar ziemlech bis
ganz daischter, esou daat déi Aufgab net déi einfachst waar. Angscht a
Schrecken sinn opkomm. Wiesou waar et an esou engem ongemittlen Quartier
emmer esou daischter?

Schlussendlech sinn ech dann awer eran komm an hunn heiren, daat schon
eng lass wier. Musek an Stemmen waaren ze héiren. Ausserdem hunn ech een
Deschtennisdesch gesinn.
Irgendwéi schengt daat eng Aart Naturgesetz ze sinn, daat iwerall wou
Jonker sinn, emmer direkt en Pingpongsdesch stoen muss. Ech wees mol
guer net, ob ech dem Pingpong esou eng grouss Popularitéit enner Jonken
attestéiren géif, mee vlaischt sinn ech jo och déi falsch Persoun dofir,
emmerhin fannen ech Kicker jo och langweileg, an daat ass deffinitiv
populär.

Vlaischt ass och graad eng Art Emschwong an den Gesellschaftsspiller bei
Jugendlechen ze beobachten. Waat virun e puer Joer nach den PingPong an
den Kicker den A an O vun der net-alkoholgesetzer Jugendennerhaalung,
esou schengen haut kierperlech weineger unstrengend Spiller wéi Poker an
den Mettelpunkt ze trieden. An enger Welt, déi all 2 Wochen duerch
irgendeng futtis Bank ennergeht, schengt Risikobereedschaft an
d’Fähegkeet, ze blöffen, eng Grous Valeur an der Gesellschaft vun muer
ze kréien.
Ech perséinlech liesen jo léiwer en Buch, ginn op en Konzert oder
trellen voller Drogen duerch eng Stadt an diskutéiren mat Leit. Mee daat
kann en jo och alles alleng maachen.

Ech sinn dunn an en Sall rankomm, den wahrscheinlech als eng Aart Kichen
an Openthaltsraum funktionéiert. Wéi esou vill Staatsgebaier haat och
dest en zweeten Plafonk aus Gipsplacken, wou d’Luuchten dran waaren. Déi
waaren mat transparenter rosa Folia iwerkliewt, esou daat den ganzen
Raum an en schummeregt rosaroud Liicht gekleed waar. Et huet e bessi
gewierkt wéi an engem Puff. Mat dem Ennerscheed daat eben Studenten an
keng Puffclientell op villen Fotoellen souzen an sech mat Wain, Conniag
an soss Spirituosen ofgefellt hunn.

Ech sinn vun Leit begreißt ginn an stoung relativ domm am Raum, well ech
iwerhaat keen kannt hun. Also hunn ech no mengen Gaschtgeber gefroot an
hun déi dunn och een Stack uwendriwer fonnt, wou ech mol direkt en Béier
ungebueden kruut, déi ech natirlech direkt geholl haat. D’Party wier
awer leider net esou den Renner, net immens vill Leit. Leider.

Angscht a Schrecken sinn opgesprongen an hun gejaut: “NET ESOU VILL LEIT?”
Waat soll daat dann wannechglift gewierscht sinn, wann net vill Leit? An virun allem: Wéi géif et an dem klengen Studentenwunnheem ausgesinn, wann do richteg vill Leit géifen optauchen? Vlaischt sollt ech virsichtshalber schon mol Otemloft an eidel Plastiksfläschen fellen an déi esou no wéi méiglech um Kierper droen, fir am Noutfall nach e bessi Loft ze kréien?

Mat der Fläsch Béier an der Hand sinn ech erem roof gaangen an sinn direkt mol irgendwelchen Leit virgestallt ginn.
Haut géif ech déi wahrscheinlech net méi erkennen, vun hirem Numm net emol ze schwätzen. Mee den Moment huet et wichteg geschengt, sech mat hinnen ze ennerhaalen. Virun allem well een sech mat denen meschten Leit héi op all Sproch ennerhaalen konnt, just net op Letztebuergesch. Am Laaf vum Owend sollt ech rausfannen, daat ech den enzegen Letzebuerger op der Party waar.
Vlaischt waar ech och den enzegen Letztebuerger, den je an desem Studentenwunnheem gewierscht waar!

Mee daat waar mir am Moment egal. Angscht a Schrecken waaren zwar definitiv op deser Party, mee je méi spéit den Owend ginn ass, emsou méi Leit sinn et ginn. Ech hunn den Rum ausgepackt, en mat bessi Cola gemescht an gedronk. Durno hunn ech meng hallew eidel Fläsch op den Desch gestallt, esou daat jiddereen sech servéiren konnt. Daat haat den Virdeel, daat ech keng eidel Fläsch hun missen mat heem schleefen an keen konnt soen, ech hätt naischt zu der Party beigedroen.

An esou ass et weider gaangen, den Rum ass dem Wain gewasch, d’Daitsch dem Franseischen, den Wain dem Coniac, d’Franzseisch dem Engleschen. Et gelt bei Friemsprochen jo souwiesou emmer d’Regel, daat, je méi voll een ass, esou besser kann een se schwätzen. Et sollt en just oppassen, net engem engleschsprochegem Mensch wellen ze erklären, daat Englesch eng Sproch ass, déi souwiesou nemmen am vollen Zoustand richteg artikuléiert kéint ginn. Net jiddereen huet den Witz verstaanden, an mir wessen alleguerten, an waat fir engem Land den Hooligan erfonnt ginn ass.

Irgendwann ass et dunn emmer méi an méi eidel ginn. Angscht a Schrecken sinn opkomm. Et waar ereischt drai Auer – an ech haat fest domadder gerechent, daat des Party esou laang géif goen, daat ech ouni Problemer den eischten Zuch fir zereck kéint huelen an net laang waarden misst.

Dem waar elo net esou. Wéi bis déi meescht Leit fort waaren, hunn sech déi eischt Wunnheembewunner un d’Botzen an Raumen gemaach
an mir ze verstoen ginn, daat ech elo am beschten sollt goen. Angscht a Schrecken sinn opkomm… Waat géif ech elo maachen? Wou géing ech op den Zuch waarden? An wiesou waar déi Party esou séier riwer?

Ech hunn mech mat e puer Leit op de Wee gemaach. Déi waaren Richtung Lampertzbierg ennerwee. Ech hunn beschloss sie bis op den Aldringer ze begleeden, fir dann ze kucken, waat ech géif maachen.

Et waar aiskaal an der Staadt, an de Niwel ass duerch d’Strossen gezunn, genee wéi Angscht a Schrecken duerch main Kieper gezunn ass. Ech hunn déi lescht Meldungen iwert erkaalten Strummerten rekapituléiert.
Meng zwee aal Bekannter haaten mech fest am Greff.

Waat géif mat mir passéiren? Wiesou sinn nie letztbuerger Studenten op denen Partyen gewierscht? Wou waar all den villen Alkohol hier komm? Ween waaren all déi komesch friemsprocheg Leit? An virun allem: Wiesou waar eng Studentenparty speistens um halwer 4 riwer?

Zum Gleck hun ech an menger Täsch en Schlessel gespirt, den mir op manst fir eng hallew Stonn eng waarm Zuflucht garantéiren géif…

Download audio file (angschtaschrecken47.mp3)
Angscht a Schrecken an der enzeger Heichschoul zu Lëtzebuerg

Déi aaner Grenn, wiesou en op eng Heichschoul kann goen, muss ech secher kengem erklären. Fir déi, wou et trotzdem net wessen: op enger Heichschoul sin normalerweis Studenten. An Professoren. An soss nach Leit, déi geheim Geschäftsgespreicher ofhaalen.

An op genee esou eng Heichschoul sollt ech dann goen, fir en geheimt Geschäftsgespreich ofzehaalen. Lo ass daat zu Letzebuerg awer net esou einfach. Eis nach jonk Heichschoul ass an villen aalen an ehrwürdegen Gebaier ennerbruecht, déi zum Beispill ennert dem Napoleon Kasären waaren oder soss komesch Zwecker haaten.
Daat erennert mech un daat Gerücht, daat am kaalen Krich, wou d’Gefohr vun der Atombom zwar net manner schlemm, mee méi reel wéi haut waar, an all Schoul en atomsechere Bunker huet missen gebaut gin.

Sou Bunkeren sin flott: Wann eng Atombom fällt, iwerliewt en esou laang, fir no dem groussen Kabum erauszekommen an dann lues un der Strahlenkrankheet oder Leukämie ze stirwen. An wann de kaale Krich eriwer ass, kann en Prüfungen dran laageren. En aanert Gerücht zu denen Bunkeren beseet nämlech, daat an engem vun den seleschen Bildungsinstituter zu Diekrech elo d’Prüfungen an dem atombomensecheren Bunker gelaagert gin. Gudd ze gesin, wou d’Prioritéiten am Fall vun engem thermonuklearen Krich léien.

Ech sin also op en vun denen selleschen Campus vun eiser Heichsschoul gefuer. Jo, den letzebuergeschen Plural vun Campus ass „Campus“, well d’Wuert aus dem Engleschen eriwer komm ass. Daat déi et aus dem Latein huet, interesséiert d’Orthographie net. Ech sin, aus Grenn vun der Netexistenz vun enger Fahrerlaubniss an mengem Portmonni (keng Zait) an engem motoriséierten Gefährt AN weinst mengem Öko-Hellegeschain mam Zuch gefuer dohinner gefuer.

Well esou en Campus vun enger Heichschoul, déi e puer Campus huet, e puer Gebaier huet, haat ech Rendez-Vous mat mengem Kontaktmann an der Rezeptioun. Un sech ass et guer net esou schweier, en Gebai op dem Campus ze fannen, well se numeréiert sin an net alleguer d’selwescht ausgesin. Aanersaits waar et vun der Sait, vun der ech komm sin, awer relativ schwéier, d’Receptioun ze fannen.
Den Problem waar nämlech: Op dem Campus ass esou ziemlech alles gezeechent, eben just net d’Receptioun. Ech hätt spillend liicht de Wee an den Audimax oder an d’Cantine fonnt, mee vir déi Receptioun ze fannen, hun ech missen vun Gebai zu Gebai laafen an kucken, op se do wier. Waat net graad effizient ass, wann en um 2 Auer rendez-vous huet an et schons 10 Minuten op 2 ass.

Ech wollt eng Persoun froen, déi an hiren Auto geklommen ass, mee déi waar esou schnell fort, daat ech net mol „Hey, pardon, kennt dir mir hellefen?“ ruffen konnt. Irgendwou ass mir daat suspekt virkomm. Wiesou ass déi Persoun esou schnell aus der Heichschoul geflücht?

Irgendwann, nämlech zu dem Moment, wou en den halewen Campus no der Receptioun oofgesiicht haat, hun ech déi dann och fonnt. Sie waar an dem greißten Gebai, wou en Sprangbuer virdrun steht. Ween hätt daat geduercht gehaat?

Ech sin also an daat Gebai gaangen. Normalerweis mescht mir daat e bessi Angscht, an d’Haaptentree vun esou riesegen Gebaier ze goen. Et erwaard en laangen Gang mat Ölegbiller vun freiheren Besetzern vun dem Gebai an Leit, déi engem peinlech Froen stellen.

Hei waar naischt dovunner ze gesin. Ech hun mech missen duerch en schmuelen Gang drecken an sin dun an eng relativ kleng Receptioun kommen. Normalerweis gin et an Receptiounen eben en Schalter an dann Setzegleegenheiten fir déi Leit, wou op irgendeen oder irgendeppes mussen waarden.
Et waar och hei esou. Just daat d’Setzgeleegenheeten net wirklech bequem waar. Heich Still aus Plastik un nach méi heigen Decher. Op denen Decher louch jeweils en Stapel vun 10 Wochenzeitungen op franseseisch, déi Donnesdes erauskommen. Daat huet mir e bessi Angscht gemaach. Haaten Angscht a Schrecken de Wee an d’Receptioun méi séier fonnt wéi ech? Firwaat waaren esou vill der Zeitungen? Wiesou gouf et keng méi gemittelech Setzgeleegenheeten? Waat wier, wann ech elo méi laang wéi 5 Minuten do waarden misst?

Eng Fraa, déi sech offensichtlech auskannt huet, huet enger daitscher Fraa, déi, daat sollt ech speider nach rausfannen, een Virstellungsgespraich haat, Saachen erklärt. Déi Fraa huet missen waarden an souz och schon op engem vun denen ongemittlechen heichen Plastikstill.

Dun huet d’Receptiounistin mech gefroot, waat ech braischt. Ech hun hier vun mengem geheimen Treffen erklärt an gesoot, ech geif dann wärden, bis meng Kontaktpersoun mech sichen geif kommen. Sie soot, ech sollt mech setzen an waarden.
Angscht a Schrecken sin méi grous gin. Ech hun mech also op den haarden an heigen Stull gesaat an probéiert, mech ze beschäftegen. Daat waar relativ schweier, well ech keen Buch oder Block dobai haat an och net wollt den Stapel mat denen franseischen Wochenzeitungen upaacken.

Dauerend sin Leit hin an hier gelaaf an hun Chaos veranstaltet. Irgendeng Persoun wollt de Schlessel fir irgendeen Sall an kruut erklärt, daat en deen herno an d’Breifboite werfen misst. Meng Kontaktpersoun ass an ass net obgetaucht. Ech hun Angscht a Schrecken emmer méi gespuert. Waar ech irem um falschen Campus geland? Haat ech mech an der Zait geiirt?

Irgendwann huet d’Receptionistin mech gefroot, weini main Rendez-Vous gewierscht wier an huet e puer Minuten laang telefonéiert. Angscht a Schrecken sin emmer méi grous gin. Waat geing lo gescheien? Geif si den internen Secherheetsdengscht ruffen, den mech an den atombomensecheren Bunker geif anspären?

Am Geigendeel.
Sie huet mir einfach erklärt, an waat fir een Gebai ech lo misst goen. An dem Moment, wou ech mech emgedreint hun an op daat Gebai zougaangen sin, huet sie geruff: „Monsieur! Dir hudd schéin Hoer! Main Jong well se och esou, mee hien muss se nach bessen wuessen lossen!“

Daat enzegt, waat elo nach bliewen ass, waar d’Flucht. Riicht iwert de Campus, direkt an en geheimt Geschäftsgespreich.