Category: Episoden

Angscht a Schrecke mat enger Fläsch Wodka am Wiener Nuetsliewen

Et klengt ëmmer alles esou einfach. Do ass déi Party, do ass eng aner, mir kucken dann emol, wou mir higinn. Mir mécht dat schon Angscht, wann ech et nëmmen héieren. Well esou einfach ass meeschtens dach net …

Read More

Update 2012

by Joël

Nodeems 2011 keen esou gutt Joer fir Angscht a Schrecken war (den Auteur hat ze vill e flott Liewen) versprécht d’Weltennergangsjoer 2012 dach eng grandios Zukunft fir dëse Podcast/des Radiosserie.

Während dem Summer sinn eng Rei Episoden zwar um Radio gelaf, awer meeschtens live ageschwat (oder getuddelt) ginn. Dowéinst hunn se natierlech hei um Site gefehlt. Domadder ass elo Schluss. An enger Tour de Force huet den Auteur dat fehlend Material nei ageschwat an d’Chronologie festgeluecht. Vläicht verëffentlechen mir och iergendwann déi Episoden, déi ni méi wäit wéi eng Idee komm sinn an aus Textdokumenter mat dräi Sätz (deelweis och méi) bestinn. D’Lescht vun den Episoden ass elo op mannst déi richteg, “offiziell” Chronologie. Falls iergendeen esou gutt opgepasst sollt hunn: D’Episoden 123 an 129 sinn um Radio béid ënnert dem Titel “beim Retour an de Grand-Duché” gelaf. Den “schonn erëm” am Titel vun der Episod 129 ass nodréiglech dra gebastelt ginn, fir der helleger Kontinuitéit ze huldegen.

Graffiti, d’Jugendsendungen vum Radio ARA hunn elo e néie Site an Radio ARA een Site fir Podcasts, wou och eis Mammesendung Crumble vertrueden ass. An dir kennt eis nach ëmmer op Facebook liken. Ah, an wann dir Angscht a Schrecken moralesch a finanziell wëllt ënnerstëtzen, et gëtt elo och e flattr-Knäppchen fir de ganze Podcast.

Hei eng Lescht mat deene “néien” Episoden, dei elo online sinn:

Angscht a Schrecken beim Joereswiesel am Süde vum Land

Silvester ass déi gréisste Party vum Joer. Dat gesinn op mannst vill Leit esou. Als Gonzojournalist kann ech doriwwer natierlech just laachen. Mëttlerweil sinn ech esou gutt, dat einfach esou Freides owes ass, wann ech dat behaapten. Och wann deen aneren Daach da Mëttwochs ass, den Owend ass Freides Owes an ech behuele mech och deementspriechend.

Read More

Angscht a a Schrecken zu Frankfurt

Et gi Situatiounen, an déi versetzt een sech als Gonzojournalist absichtlech. Et geet een op en Plaatz, fir herno kennen ze berichten, wéi et war an wat sech do alles sou gedoen huet.
An da ginn et aner Situatiounen, do gereit een duerch Zoufall eran, ouni et ze wëllen. Dat si meeschtens déi interessanteste Geschichten. Mä och déi, déi am meeschten Angscht a Schrecke biergen.

Read More

Angscht a Schrecken bei enger Danzveranstaltung am MUDAM

Schon an der Episod 63 vun Angscht a Schrecken hunn ech mech iwwert de MUDAM an déi ëmmer méi a Vergiessenheet gerodend Bezeechnung „Péimusée“ mokéiert. De Mudam féiert elo 5 Joer an imitéiert den Gildo Horn: Mudam loves you. An dem Kontext, oder och guer net, well dat ass bei moderner Konscht ni esou ganz kloer, gouf et eng Danzveranstaltung am Mudam. Oder soe mer et esou: Talentéiert Leit hu Musek a Visuals gemaach, zu deenen en hätt kéinten danzen.

Read More